NATA - Steak, Wine & Cocktail

Charmain Lam 2 個月前

🍽️ 觀塘工廈高質意式小館驚喜發現！ 🍹 飲品 Drinks Matcha Tonic：賣相精緻，抹茶味濃郁得嚟，加入 Tonic water 後多咗一份微氣泡嘅清爽感，完全唔會膩！ Cheapest Flight：顏色非常吸睛，飲落非常清新解渴，好適合夏天。 🥗 頭盤 Starter 風乾生火腿馬蘇里拉芝士火箭菜沙律 份量好足！生火腿甘香鹹美，配埋濃郁嘅 Mozzarella 芝士、新鮮火箭菜同酸酸甜甜嘅黑醋汁，好開胃！ 🥩 主菜 Mains 美國 1855 安格斯肉眼（五成熟） 熟度控制得剛剛好！牛扒外層煎得香脆，切開肉質粉嫩多汁、肉味濃郁。上面鋪滿炸得香脆嘅蒜片同香草，口感層次超豐富！ 明太子忌廉大蝦意粉 大蝦爽口彈牙，意粉煮得好挂汁，每條都沾滿濃郁嘅明太子忌廉汁，每一口都係滿滿嘅鮮味。 香腸拼盤 拼盤有齊唔同口味同造型嘅香腸，外皮煎得脆口，仲有旁邊嘅酸菜同茄汁。 🍰 甜品 Dessert 特濃朱古力蛋糕 做個完美句號！蛋糕質感非常幼滑，朱古力味極之濃郁甘香，頂層仲有小星星裝飾，賣相相當精緻。 📍 餐廳資料 店名：Nata (Kwun Tong) 地址：觀塘巧明街 107 號國泰集團中心 4 樓 1 室

wan shuen yu 2 個月前

呢間喺觀塘工業區樓上嘅西餐廳，位置都收得幾埋下，但一入到去環境好有文青Feel，估唔到嘢食質素仲非常有驚喜，每道菜都好啱香港人口味，絕對係同朋友聚會嘅高質之選！ 🥢香草烤法國黃油春雞 $212 烤雞外皮烤得超薄超脆，口感好似薯片咁，但入面嘅雞肉依然保持到非常嫩滑、多汁，完全唔會嚡！ 🥢香烤慢煮伊比利豬鞍 $212 今晚嘅全場MVP！呢度嘅豬鞍肉質果然名不虛傳，厚切10oz但每一口都非常鬆軟，肥瘦適中，入口即化，肉汁喺口中爆發！ 🥢黑松露忌廉雜菌意粉 $125 一上枱黑松露嘅香味已經非常濃郁，飄出陣陣菇味。意粉煙韌彈牙，忌廉醬汁調味非常足夠，質地濃稠得嚟又唔會覺得好油膩，啖啖都有滿滿嘅雜菌，令人食唔停口！ 🥢椰香忌廉配新鮮芒果粒梳乎履班戟(2件) $156 甜品控必叫！班戟係即時製作，送上嚟嘅時候仲熱辣辣。一咬落去口感好似雲朵咁細緻，配埋香濃嘅椰香忌廉同埋爆多嘅新鮮芒果粒、芒果醬，甜度啱啱好，而且套餐仲加配埋 Häagen-Dazs 朱古力布朗尼雪糕，一冷一熱完全係完美享受😳 🥢開心果芝士熔岩 (即時製作) $108 呢個新品真係一隻完全唔夠食🥹！切開之後流心嘅開心果芝士熔岩好澎湃咁湧出嚟，開心果味極度濃郁，配埋鹹鹹甜甜嘅芝士，味道為之驚人，非常滋潤，為晚餐畫上完美句號！ Nata (觀塘) 觀塘巧明街107號國信集團中心4樓1室

Terry Chiu 3 個月前

今晚試咗呢間Nata ，整體感覺幾舒服，出品穩定，味道唔會太重手，幾適合朋友一齊 share。 **西班牙橄欖包配香蒜希臘芝士醬** 麵包外脆內軟，橄欖味唔會太搶，配埋香蒜芝士醬幾開胃，作為開場幾好。 **前菜拼盤** 份量啱啱好，可以一次過試到幾款唔同味道。整體配搭幾平衡，唔會太膩，幾適合大家一齊分享。 **美國 1855 安格斯肉眼** 肉眼熟度控制得唔錯，五成熟食落夠嫩，肉味都幾香。 **黑松露雞肉意粉** 黑松露味幾明顯但唔會太濃，意粉掛汁度幾好。雞肉份量都足，整體係幾穩陣舒服嘅一碟。 **原味洛岩梳乎厘班戟** 甜度唔算太高，班戟口感鬆軟，食到最後都唔會覺得太膩。作為飯後甜品幾剛好。 **School Driver** 飲品味道清爽，甜度適中，食完主菜飲返杯幾舒服。 整體嚟講，今餐食得幾滿意。 菜式選擇多，味道穩定，價錢同份量都算合理。 唔係好誇張嗰種驚喜，但係係一間會想再嚟、再試其他菜式嘅餐廳。

li foodielamlam 3 個月前

好耐無去觀塘搵食，今次同朋友去咗呢間「Nata」，環境好舒服，食物都係好啱打卡📸 美國 1800 安格斯肉眼 (五成熟) 🥩 $328 到咗餐廳見到差唔多每枱都有叫呢個安格斯肉眼，上枱用鐵盤仔熱住，切開係好靚嘅粉紅色！肉質軟熟有肉汁，牛味濃郁，配埋炸蒜片同香草油，層次up up up💕 香草白酒忌廉沙白大蜆配蒜香法包 🦪 $218 大蜆隻隻都好肥美無沙，吸飽咗白酒同香草忌廉嘅精華。最正係塊蒜香法包，烘到脆卜卜，用嚟點汁停唔到口！ 明太子忌廉大蝦意粉 🍤 $148 明太子忌廉汁好濃郁，每一條意粉都掛滿汁，仲有明太子微辣嘅脆脆口感。大蝦好彈牙，意粉軟硬度啱啱好 茉莉花茶忌廉配茉莉花茶啫喱、新鮮荔枝及香印提子梳乎厘班戟 $138+$18 Häagen-Dazs雪糕 梳乎厘班戟極度鬆軟，好有空氣感。最驚喜係佢嘅茉莉花茶忌廉，茶香清幽完全唔膩，配埋清甜嘅香印提子同荔枝，加埋雪糕，簡直完美 💯。

Sandra Chan (Lulu June) 4 個月前

🍷 白酒煮沙白大蜆配蒜香法包 一上枱已經聞到濃濃白酒香！沙白大蜆隻隻飽滿，吐沙乾淨，肉質鮮甜彈牙，白酒忌廉汁好creamy，仲帶微微蒜香同香草味。跟嘅蒜香法包烘得脆脆，蘸個汁食簡直係精華所在，忍唔住追加多一碟包！ 🥩 美國1855安格斯肉眼 1855係美國頂級牛肉品牌，肉眼扒大大塊，七成熟切開仲有少少粉紅色，肉汁豐富，牛味濃郁。邊位微微焦脆，脂肪位甘香，簡單灑海鹽已經好夠味。配菜有烤薯仔同蘆筍，平衡油膩感。店員仲建議可以配杯紅酒，真係絕配～ 🥗 風乾生火腿配莫札瑞拉芝士火箭菜沙律 風乾火腿鹹香柔軟，莫札瑞拉芝士新鮮軟滑，芝士味唔會太搶。火箭菜帶微苦，淋上陳年黑醋同橄欖油，清新開胃，做前菜啱晒。 🍰 茉莉花茶忌廉配茉莉花茶啫喱・新鮮荔枝及番石榴 呢個甜品好有驚喜！茉莉花茶忌廉輕盈細滑，茶香淡雅，配埋晶瑩嘅茉莉花茶啫喱，口感好清新。新鮮荔枝同番石榴果肉清甜多汁，一齊食完全唔膩，夏天必點！ 🥞 茉莉花茶忌廉配茉莉花啫喱, 新鮮荔枝及香印提子梳乎厘班戟 $138 ・即時製作・配糖漿 等咗15分鐘，新鮮熱辣出爐！梳乎厘班戟超鬆軟，搖吓佢仲會「震騰騰」，切開似食空氣咁輕盈，蛋香濃郁。淋上楓糖漿，甜度啱啱好，食完成個人都幸福咗～ 🍹 Cheapest Flight（少冰） 特調cocktail味道清爽，Cheapest Flight材料有菠蘿, 橙, 青檸, 迷迭香, 蘇打水