迷你毛

Nesta Chung 2 個月前

性價比超低 · 左口魚飯：腥味直衝腦門，飯爛到似粥，$168 份量少過點心，三文魚子數得出一口，比軍艦仲孤寒。 · Tiramisu：八成都係空氣，食完只記得呼吸，價錢令人窒息。 · 環境：白牆剝落，茶記級數。 · 服務：揀擇性聆聽，叫兩次先有半杯水；斟水神技——四次倒半碗上枱，順便幫你抹枱。 結論：呢餐飯，食完你會笑住影相，喊住埋單。 😂

Jessie Jessie 4 個月前

終於去左朝聖到深水埗人氣 Cafe – Minimal！由前文華師傅主理，甜品主食樣樣出色! 火炙左口魚三文魚籽湯燉飯 左口魚邊魚油香氣滿瀉，配上鹹香三文魚籽，撈埋個燴飯一齊食。飯粒吸滿魚湯汁，濕潤得嚟仲保持到粒粒分明，口感層次好豐富。 Jumbo炸雞麻糬窩夫 炸雞外酥脆，肉質嫩滑juicy，搭配酥脆窩夫，裡面竟然藏住煙煙韌韌嘅麻糬！配上楓糖漿，鹹鹹甜甜味道出奇地夾😍 香辣小龍蝦肉・芝士醬夾餅 小龍蝦肉調味辣得嚟好過癮，配埋濃郁芝士醬同牛油果醬，餡料塞到滿滿，伴碟係脆薯角，份量十足，兩個人share啱啱好。 法式多士配陳皮柑桔雪葩 呢度甜品係由前文華師傅主理，果然有水準！多士厚身，外焦脆內濕潤，蛋香濃郁。陳皮柑桔雪葩酸酸甜甜，口感超綿滑，好好食！ 凍朱古力鮮奶 選用 Valrhona 朱古力粉，濃郁順滑，朱古力控必叫。 繽紛梳打・香橙桃子 香橙加桃子酸甜好fresh 環境木系白色簡約風，空間闊落坐得舒服，最正係唔收加一！！！性價比超高！難怪長期排長龍。

Jacky Ching 5 個月前

將日式食材與西式烹調結合的Fusion料理， 甜品由前文華酒店甜品師主理， 室內設計走簡約工業風， 水泥灰搭配木質家具與植物點綴， 是區內知名的打卡Cafe。 🔶火炙香蔥左口魚三文魚籽魚湯燉飯 店內的招牌之一，鮮味層次非常豐富， 左口魚經火炙後，魚肉邊帶點微焦， 豐厚的油脂，入口即化， 米粒吸滿濃郁的魚湯精華，質地綿密。 🔶安格斯牛角包麻糬窩夫漢堡 漢堡採用近年流行的牛角包窩夫Croffle， 安格斯牛肉厚實多汁，肉味濃郁， 咬下去有窩夾的酥脆，又有牛角包的層次感，中間夾著軟糯的麻糬，非常有創意。 🔶北海道帶子青醬貓耳朵粉 意粉用上我喜歡的青醬Pesto Sauce， 滿滿羅勒香氣，及香草清香， 貓耳朵粉口感Q彈，非常掛汁， 北海道帶子煎金黃，肉裡鮮甜軟嫩。 🔶原隻蘋果酥盒 使用原隻蘋果，經過燉煮，果肉更香甜， 造型具有藝術感，視覺效果極佳， 酥盒烤得金黃酥脆，充滿牛油香氣。 #深水埗美食 #鴨寮街 #Minimal迷你毛

Healingbobo 5 個月前

依間舖頭我留意咗好耐，一直聽人講深水埗依間小店好有水準，今次專登搵埋好閨蜜一齊過去試下。餐廳主打輕食fusion，主力做人冇我有嘅獨家甜品，環境舒適自在，同閨蜜傾計小聚一流，一個人嚟嘆都得。 我哋點咗幾樣菜式： 左口魚燴飯 $168 左口魚燒過充滿油香，鮮味濃郁，飯粒吸曬湯汁，配上三文魚籽爆汁口感，層次超豐富，食完超滿足。 避風塘風味薯條 $68 外脆內軟，避風塘香料夠香口，配上芥末醬，鹹甜夾雜，越食越上癮。 Minimal炸物拼盤 $128 入面有唐揚小池魚、吉列蠔、明太子雞翼、魷魚嘴、芝士圈，全部炸得金黃香脆唔油膩，小池魚嫩、蠔鮮、雞翼入味，整個拼盤超有驚喜。 非傳統提拉米蘇 $86 口感綿密滑溜，咖啡酒香平衡得好好，造型精緻，甜品唔會太甜，完全唔膩，甜品控必試。 自家製薄脆拿破崙 $92 薄脆食落好似爆炸糖喺個口咁好得意，吉士醬香滑，配上海鹽焦糖雪糕，鹹甜交織，口感新奇又好食，同樣唔會太甜。 Baileys Chocolate $44 香濃順滑，Baileys酒香同朱古力味完美融合，甜度適中，配甜品一絕。 桂花蜜青檸梳打 $48 清新解膩，桂花香味突出，酸度剛好，飲落好舒服。 店家堅持甜品即叫即整，保持食品品質，再加埋無加一服務費，性價比更高。同閨蜜分享份量啱啱好，出品穩定，味道有驚喜，果然冇令我失望，絕對值得再嚟。 評分：最高為5分 治癒度：👩‍⚕️👩‍⚕️👩‍⚕️👩‍⚕️👩‍⚕️ 抵食度：💉💉💉💉 翻兜指數：🩺🩺🩺🩺🩺 @minimal_cafehk 迷你毛 深水埗鴨寮街121-123號地舖 📍港鐵深水埗站A2出口4分鐘路程 #healingbobo #foodie #hkfoodie #foodiehk #香港 #美食 #香港必食 #香港探店 #香港打卡 #香港旅遊 #香港好去處 #香港推薦食品 #甜品 #dessert #fusion #香港食評 #美食打卡 #深水埗美食 #深水埗 #minimal #迷你毛

za zaber 8 個月前

唔使$1️⃣0️⃣0️⃣，又唔使加一服務費，就嘆到前文華東方酒店甜品師主理嘅精緻特別甜點，而且餐廳仲有打卡裝潢，同闊落嘅座位添❤️ 餐牌主力做人無我有嘅獨特甜品，「非傳統提拉米蘇」賣相系一個大大半圓球體，勁得意🥰 外圓系滿滿輕盈空氣感嘅Mascarpone芝士，再灑滿朱古力碎碎跟咖啡粉；裡面有濕潤嘅手指餅同濃郁嘅咖啡酒香；底層仲有脆脆，造型同口感體驗都好過癮😍 另一款Zaza點嘅甜品就系「法式多士配四季柑雪芭 」，骰仔般嘅法式吐司外面系脆卜卜嘅焦糖外殼🍞；麵包被雲呢拿吉士徹底浸透🧀，中心質地軟滑，外脆內軟；上面用生果同脆片點綴，旁邊有偏酸系四季柑雪芭，刺激味蕾😋 除咗甜點，呢到仲有人氣大熱「火炙左口魚邊三文魚籽燴飯」~ 火炙左口魚鋪滿曬飯面，魚油超香濃郁🐟 燉飯用左魚湯去煮，鮮味滿滿，入口奶滑煙韌，再配埋爆汁三文魚籽，口感豐富，每啖飯都好飽滿滿足！ 「柚子蜜醬燒比目魚烤波菜配牛油檸檬汁」賣相精緻，比目魚燒得皮脆肉嫩🐠，點一點清新帶甜嘅柚子蜜醬🍊，更能帶出當中嘅鮮甜 蘭王蛋舞茸松露醬貓耳朵粉嘅橙黃蘭王蛋好吸睛，將蛋黃汁拌勻之後，每啖貓耳朵粉都有濃濃嘅蛋香同舞茸松露醬味道 「Minimal炸物拼盤」份量多，食物種類多：唐揚小池魚、吉烈蠔、魷魚嘴、粗薯條、爆漿芝士圈，當中嘅明太子雞翼真系要特別推介，雞翼已經脫骨🐥🍗，裡面加入大量明太子，咸香感令人食唔停口 為咗保持新鮮感，呢到嘅餐牌會定時更新，想試試Zaza介紹嘅食物，就要快啲光臨🫶🏻