名門私房菜

CactusEatAllDay 4 個月前

同朋友食飯梗係要人多 先可以嗌到成枱都係！所以今日叫哂一班老友記一齊黎灣仔食私房菜 食粵菜食得悶就黎試順德菜！ 道道菜真係件件都係功夫嘢 夠哂特別 出面好少食到 🐟順德魚蓉羹 滑溜清甜 鮮味爆棚 暖胃一流 🐤冰燒雞拼冰鎮鮑魚 鮑魚彈牙爽口 配wasabi 味雞絲 幾過癮 🦐蝦多士 炸到金黃 蝦膠極厚身彈牙 個人認為係必點！ 🥚焗魚腸 表面微焦香口 蛋香超濃 無腥味 夠哂懷舊 ⭐️柚皮吸飽晒燜汁精華 第一次食 好特別 🐟釀鯪魚啖啖肉 魚肉膠彈牙 超花心機 🐖鬼馬咕嚕肉 酸甜惹味 最正係加咗掛汁嘅油炸鬼 🥒蝦醬啫啫生菜煲 鑊氣十足 「啫啫」聲勁香勁入味 🍚 XO醬名門炒飯 飯粒乾身 粒粒分明 完美收尾 最後每人一碗木瓜雪耳糖水 清甜滋潤 大滿足😋

Shanshan wong 1 年前

午市小菜套餐 包白飯、粥、湯、青菜、甜品 很齊全的午市套餐，食完會覺得很滿足 小菜質素高 順德煎釀鯪魚肉，拆肉打膠再釀返入魚皮內煎，完條上，手工菜值得一試 小菜選擇亦有很多素食 合桃蜜餞素叉燒推介

Lai Isaac 1 年前

媽咪鍾意食中餐，新年後便訂左這閒食順德菜的一家人聚餐。 豆腐魚蓉羮 ： 一入口便有濃濃的魚味加埋軟滑的豆腐，好滑口。果日好特別凍，有這碗又好味又暖身的魚𦴦羮，超正。媽咪都𦲂好味。 冰燒鷄 ： 好有芥抹味，鍾意🥰。有脆口的炸芋絲令口感带脆口。青瓜𢇁爽口，鷄絲軟身，夾埋一齊會好惹味又超有口感。 大良鮮奶𧎚多士：炒鮮奶好滑，大廚功夫勁。蝦🍤多士係蝦滑，炸得外脆內軟。點D甜酸醬更好味。 饟鯪魚：魚皮薄薄炸得香脆。𥚃面鯪魚肉厚而熟透，仲食到魚肉帶有陳皮👍🏻。 柚皮鵝掌：柚皮真係幾乎冇中餐館會做的菜。今晚食到好開心。醬汁味入晒柚皮而柚皮又帶自身的清香。鵝掌入口即溶又係另一亮點。 小炒皇：妙得好有咸魚的香口，又有清甜的韮菜又有脆口的腰果，好惹味。 名門炒飯：好惹味。有XO醬，小𧎚球，鷄粒，潤腸的炒飯真係好好味。 真係豐富好味，一家食得開心滿意。

Thaimui 1 年前

名門私房菜 - 灣仔 呢到係我其中一間好鍾意既順德私房菜 每一味都好有佢既特色 今次又一大班人食飯，所以推薦佢地黎試試 順德煎釀鯪魚 呢一個真係好考廚師技巧 先將魚肉切哂出黎再剁成魚槳 加哂調味再釀返入條魚.. 再去煎 魚皮略微脆口再加上彈牙既魚肉 呢一味 真係我既最愛 而每個人都鍾意飲唔同既湯 我就叫左螺頭魚骨湯 呢個燉湯 湯底濃郁 仲有鮮味 好飲！ 冰燒雞除雞肉 仲有青瓜 酸菜 炸左既香芋絲 口感相當豐富 呢到另一個出名既菜式 蝦多士 非常厚又彈牙 最重要食落口都唔會覺得好油！ 梅子醬轆鴨 呢個需要提前預訂 梅子醬酸酸甜甜 好入味 而鴨既肉質亦好腍 另外，個醬撈埋飯 真係無得輸 呢個又係大力推薦既一味 最後鬼馬咕嚕肉 舊肉既肉質好腍 而個人覺得特別之處係加埋好脆口既油炸鬼落去 令到成個口感多左！

TM128 1 年前

必食生炒臘味糯米飯😋 為食朋友又開飯局，今次嚟到灣仔食私房菜，剛好過咗霜降，又係時候食返啲時令菜。 坐下後食住小食炸豆腐粒、薑片皮蛋和炸茄子。 🔸杏汁燉白肺湯 白肺湯夠熱，呈白色，質地很滑仲有杏汁的香味。豬肺清洗得乾淨冇異味。 🔸青芥冰燒雞 雞肉係手撕，除咗雞肉，仲有青瓜絲、薑條和炸芋條。雞肉口感冰凍唔韌，青瓜絲爽口，薑條微甜，芋條香脆。 🔸順德煎釀鯪魚 呢個係順德的名菜。將鯪魚肉做成蓉，再釀入魚皮內。鯪魚肉質嫩滑，魚皮脆得卜卜聲。 🔸蝦子生扣柚皮 柚皮腍腍滑滑，冇太多根，亦都冇苦澀味。 🔸荔芋香酥鴨 芋頭磨成蓉，口感軟綿綿帶甜，鴨肉酥香脆口。 🔸麵醬啫啫唐生菜 生菜煲熱辣辣，吱吱聲，香噴噴，食起黎零舍惹味。 🔸生炒臘味糯米飯 臘味香甜得黎唔油膩，帶點芹菜香，糯米飯口感軟硬適中，唔會太乾身，又唔會濕笠笠👍🏻，糯米真正煙煙韌韌。 飲埋蛋白杏仁茶，整個人滋潤曬。 我為食妹推介生炒糯米飯，啱曬呢個天氣呀！