興旺燒味工坊

happeony 1 個月前

今日經過灣仔， 忍唔住即刻衝入去買兩盒外賣返屋企歎💕 返到屋企打開盒蓋，香氣撲鼻成間屋都係燒味味，份量超足夠兩個人食飽飽！ 作為晚飯真係抵食又有質素， 絕對係港島區打工仔嘅福音👍🏻 🔥 叉燒配油雞 油雞皮滑肉嫩完全唔柴， 雞肉保持住適度彈性，入口juicy； 叉燒蜜香十足，邊位微微焦香，肥瘦比例剛剛好！ 價錢仲好均真，單呢一盒已經夠晒滿足， 配埋白飯簡直係完美組合😌 🐧 燒鵝雙拼配燒腩仔 燒鵝皮脆到一咬鬆化， 鵝肉滲滿獨特鹵香，肉質厚實但一啲都唔韌， 配埋酸甜開胃嘅酸梅醬真心正‼️ 燒腩層次分明， 油脂香到流汁，但食落又唔覺油膩🤤

Heimen 2 個月前

🐷 正宗「第一刀」叉燒！興旺燒味工房🚀🔥 平時想食「第一刀」叉燒，唔係要晨早排隊就係要碰運氣👀今次下午 5 點去到灣仔石水渠道嘅 【興旺燒味工房】，竟然仲可以買到傳說中嘅第一刀👏🏻佢哋仲可以提早一日打電話預約第一刀 📞簡直係燒味控嘅福音🤣今次外賣咗幾款招牌返屋企慢慢嘆，款款都好唔錯💗 1️⃣ 第一刀叉燒飯 👑 外賣天花板！第一刀叉燒肥瘦極之均勻，邊位烤到微微燶焦，肉質軟嫩帶有蜜汁香氣，極之正！ 2️⃣ 豉油雞飯 🐔 豉油汁調得甘甜醇厚，雞皮彈牙，雞肉浸得啱啱好，連胸肉都保持到極之嫩滑、完全唔柴，索埋豉油汁超送飯。 3️⃣ 燒鵝飯 🦆 鵝皮閃閃令，雖然係外賣但依然帶點微脆，鵝脂香氣濃郁，肉質多汁唔會有鴨羶味，蘸埋酸梅醬真係一流。 4️⃣ 每日轉款無味精例湯 🍲 買飯記住加埋佢哋嘅例湯！堅持每日轉款而且保證無味精，飲得出係用真材實料煲出嚟嘅靚湯味道，清甜又潤喉。 💥 限時粉絲福利：即減 $5 斬料大優惠！ 精明嘅街坊注意喇！由即日起至 9 月 20 日，只要去門市向店員出示呢篇食評截圖，斬料即可即時減 $5 💵 無論係收工加餸定食晏，呢間高質燒味工房都絕對值得放入灣仔美食清單🍱 最正係燒味飯除咗跟普通白飯，仲可以配特製泡飯，超級解油膩，極之有心思🙌🏻 興旺燒味工房✨ 📍灣仔石水渠道24號 E號舖 #興旺燒味工房 #灣仔美食 #第一刀叉燒 #香港燒味 #燒味泡飯

Tai Ruby 2 個月前

之前朋友外賣斬料嘅時候，已經覺得呢間嘅燒味好正。今日經過發現原來餐廳係有得堂食！ 至尊松茸燒鵝拼初戀叉燒 燒鵝用松茸醃製，真心好特別，肉質唔乾唔韌，香氣又夠，味道帶少少層次；初戀叉燒都好有水準，唔會膩，整體配搭好啱。 脆皮燒腩仔飯 脆皮真係「脆卜卜」嗰種，一食就知有即叫即切嘅功夫。份量夠足，燒腩肥瘦比例啱啱好，飯都配得好香，食完好滿足。 上湯菜心 而家仲做緊推廣，只係$6！菜心爽脆有咬口，上湯味道清甜唔油膩，作為配菜好加分。 蓮藕淡菜豬景湯 呢個可以講係「超級正」！每日新鮮煲，湯底清香而且夠濃，食落有家的味道，暖胃又滋潤。

EatWithPaMa 3 個月前

去灣仔例行檢查牙齒之後見到呢間燒味好靚仔咁，就買盒飯做午餐，順便斬料俾屋企人試下，質素確係不錯😋 開心share‼️埋單出示此截圖，堂食/外帶斬料都可減$5‼️活動至8月完🤗 🌟至尊松茸燒鵝 （上庄$118） 燒鵝外皮烤得香脆，肉質多汁，鵝味濃郁卻不膩，配燒鵝汁及酸梅汁食一流👍🏻 🌟初戀叉燒 （$80） 叉燒選用半肥瘦部位，肉質軟熟，入口帶有蜜汁甜香，肥瘦比例均衡，帶點焦香又不會柴👍🏻 🌟切雞+豉油雞雙拼飯 （$54） 豉油雞帶有適中豉油香氣，入味而不過重，切雞肉質嫩滑。 #灣仔燒味 #香港燒味 #灣仔美食 #興旺燒味工房 #灣仔放飯

eat stealthily 3 個月前

灣仔竟然有咁高質嘅街坊燒味工房！平時食燒鵝就食得多，但加入了松茸香氣嘅燒鵝你又試過未？✨ 呢間「興旺燒味工房」坐落喺灣仔石水渠街，主打嘅「至尊松茸燒鵝下庄」($138) 簡直係誠意之作！鵝皮燒到油亮金黃，一咬落去皮脆肉嫩，最正係多咗一份松茸嘅獨特蕈菇幽香，完美提鮮之餘，仲平衡咗鵝肉嘅肥美油香，真係越食越過癮，下庄啖啖肉超滿足！😋 另外叫埋佢哋嘅經典「燒味雙拼」($118)，揀咗最考師傅功夫嘅叉燒同腩仔。叉燒切得厚度適中，邊位帶點微焦，蜜汁香甜、肉質軟貍；腩仔就做到真正嘅三層肉，頂層層皮脆到好似薯片咁「卜卜聲」，脂肪同瘦肉比例啱啱好，點些少芥末醬一齊食，真係正到頂點！💯 店內環境乾淨企理，燒味斬得好有心機。鍾意食傳統燒味又想有新驚喜嘅朋友，行開灣仔一於去試下啦！🏃‍♂️ 店舖資料 🍽️ 興旺燒味工房 📍 灣仔石水渠街14-24號金勝大廈地下E號舖