明壹燒鵝

Kenny Leung 2 天前

朗豪坊明壹燒鵝，叉燒好Dope鵝稱皇! 今日呢餐絕對係今年食過最出色嘅燒味! 今日晏晝收咗工無咩嘢做諗住去朗豪坊睇場戲，由於開場都仲有個幾鐘頭，諗住搵個地方食嘢先。旺角區食肆雲集，但要坐得舒服又好食嘅唔係咁多，既然咁不如近近哋睇下呢個商場有咩好嘢食。咁耐無行呢個商場變化都好大，好多以前嘅食肆唔同晒，令我最驚訝嘅就係屹立咗多年嘅麥當勞依家變咗間燒味店，亦係今次介紹嘅「明壹燒鵝」。 餐廳面積相當大座位都非常寬敞，除左有個燒味櫃台外其他地方都好簡潔。下午茶時間除咗燒味之外仲有啲下午茶餐可供選擇，不過嚟得燒味餐廳無理由食西餐，而且見隔離枱啲嘢食都好吸引。最後要咗個招牌燒鵝飯，但由於我都好鍾意食叉燒，所以最後叫咗碟叉燒油雞拼盤加多杯嘢飲，食唔晒最多打包留返今晚食。 等咗大約五分鐘所有食物都上晒枱啦~ 當食物一上枱，我第一個感覺唔只係食品大份同精美，而係非常之香!!! 真係未食已經流口水，所以都快手影幾張相之後就準備開餐。 招牌燒鵝飯，佢嘅份量非常之多足足有十幾件，燒鵝色澤燒得非常靚，夾件上手見到啲鵝汁一滴滴流出，放入口好食到不得了。燒鵝皮有滿滿嘅油脂甘香，鵝肉大大嚿肉質好嫩滑，一啲都唔鞋身，真係超好味；大大碗飯上面仲有榨菜，成個配搭都好啱我口味，招牌燒鵝完全唔係浪得虛名。 明壹燒味雙拼（叉燒拼油雞），由於呢度無得淨叫一款所以最後拼埋油雞，拼盤擺盤非常精美，兩款嘅件數好多而且好有光澤， 二話不說試咗件叉燒先，味道真係驚為天人。叉燒有少許燶邊入口好甘香，叉燒半肥瘦件件都厚切肉質好嫩滑，每啖都食得到甘香，口感比之前喺南華會食一啲都唔遜色。油雞雞件有好多嚿每件都啖啖肉，雞皮有淡淡既豉油香外，肉質好鮮嫩好高水平。老實講雖然份量多但由於真係太好味，食下食下居然食得晒，相信係今年食過咁多間燒味舖質素最高嘅一間。 食咗咁多燒味飽飽滯滯當然要飲返杯凍檸水作結尾，凍檸水夠凍有淡淡嘅檸檬香味道正常，始終無甜嘅飲品依家都好適合我。 今餐一個人食豪啲餐飯約二百蚊，質素完全高水準表現，較其他一啲有名無實嘅餐廳份量少得嚟又貴，呢間性價比極高。下次一定要帶埋另一半嚟食，到時可以試埋佢嘅燒腩仔同乳豬，相信質素亦唔講得少~

Hinsonfoodhk 6 天前

旺角朗豪坊新開嘅明壹燒鵝主打即場燒製燒味，由醃製、燒製到醬汁調配都由師傅親自處理，質素有保證。朗豪坊員工更享有九折優惠，而且全日免加一，幾抵食！ 今次試咗明壹燒味拼盤($138)，揀咗燒鵝髀（+$60）配貴妃雞。燒鵝皮脆肉嫩、肉香濃郁，而且批走大部分脂肪，食落唔會太油膩；貴妃雞肉質嫩滑，雞味自然。另一款必食嘅蜜汁叉燒瀨粉($75)，叉燒選用腩叉中間最靚部位，肥瘦均勻，肉質超軟腍，帶微微焦香，令人回味。 另外加咗海蜇絲、油菜同胡麻秋葵，各有特色又夠開胃，再配一杯熱奶茶（+$5）就啱啱好。除咗燒味，餐廳仲有咖喱牛腩飯、紅酒牛尾飯等港式碟頭飯，選擇相當豐富，值得一試！😋🍖

Mama Cooking 1 週前

呢間燒鵝店嘅環境坐得好舒服，同朋友嗌咗個雙拼飯、燒鵝髀同埋乳鴿，仲嗌咗個豬扒包同三文治😋😋全部都好好味 絕對會回訪

Hei 2 週前

⭐至尊燒鵝髀飯，燒鵝髀份量十足，鵝皮烤得金黃油亮，入口香脆，鵝肉嫩滑又多汁，上枱仲熱辣辣添，好正😍 ⭐滷味燻蹄飯，皮Q肉香，啖啖肉好正😆點埋個醋去膩又香口。 雙併燒味⭐蜜汁叉燒併脆皮燒腩仔。叉燒色澤紅潤，蜜汁甜而不膩，半肥瘦燶邊叉，正👍燒腩仔個皮勁脆，肥瘦比例剛剛好，咬落甘香唔膩😋 燒味有水準喎，店內又好坐唔限時，作為遊客旺區呢個價位相當合理👍

呂曉晴 2 週前

服務跟環境都很舒服；不會一直要客人併桌一起吃飯，也願意讓客人好好坐下來不會趕人；雖然肉品份量有點少；但整體吃起來是舒服的，外帶的水準也很好；該有的食物品質搭上香港高貴的旅遊物價；已經很難得了；感謝