旺角海鮮大排檔

CS Tsang 1 個月前

【旺角海鮮大排檔 🦐 大排檔風味・街坊價錢】 收工想食鑊氣嘢？呢間位於彌敦道新興大廈嘅旺角海鮮大排檔，真心推介👍🏻 必試招牌： - 招牌咕嚕肉 🍍 外脆內嫩，甜酸汁掛得啱啱好，唔會太漏 - GOGO惹味小炒王 🔥 鑊氣十足 - 手打香煎蝦餅 🦐 真材實料，彈牙有蝦味，煎到金黃香口 - 豉椒炒蜆 🦪 夠晒惹味，蜆肉鮮甜 - 豉汁蒸鱔片籠仔飯 🍚 鱔片嫩滑，豉汁滲晒入飯，好味 - 烤雞泡魚乾 🐟 佐酒小食之選，鹹香有嚼勁 - 濃湯什菌芥蘭 🥬 清清地平衡返，湯底鮮甜 服務方面，店員快手又熱情，上菜速度勁快，坐得舒服，好有街坊人情味！💛 💥 周年慶優惠：凡惠顧滿$300，只需+$10就可以換領指定美食，我就揀左豉椒炒蜆，超抵食！

msfood__special 1 個月前

餐廳🍴鄰近旺角站，地理位置非常方便，呢間餐廳🍴以其新鮮的食材和用心的菜式著稱🥰 裝潢簡潔舒適，營造出輕鬆的用餐氛圍，加上服務親切，老闆娘對菜單好熟悉，能提供好的建議🫶🏻 薑油蜆 為蜆肉肥美無沙、蔥油提鮮不搶味及鑊氣十足🩷以清香蔥油代替濃重惹味的豉椒，能完美突顯貝類的天然鮮甜🥰 蜆肉粒粒飽滿、肉質厚實，處理乾淨、完全沒有沙泥影響口感🙈 蔥油份量適中、香氣撲鼻😍味道清甜不膩，比傳統豉椒炒蜆更能帶出海鮮鮮味🙂 豉椒炒蜆 另一種感覺，蒜蓉、乾蔥與豆豉爆香後釋出濃郁氣味，完美掩蓋海鮮腥味🥰加上蜆肉同樣粒粒飽滿、肉質厚實，處理乾淨、完全沒有沙泥影響口感🙈 蜂蜜柚子蝦球🦐 蝦球經過油炸，表面金黃酥脆，色澤誘人😙 搭配蜂蜜🍯柚子增添色彩與視覺效果🙂外皮同樣酥脆，裡面既蝦球肉質鮮嫩，粒粒大粒，嚼勁適中，唔會過韌，咬下去非常滿足😌 黑醋甘薯豚肉🥔🐂🍯 色彩豐富，金黃色的薯仔與綠色、紅色的蜜椒對比鮮明，令人垂涎🤤豚肉被切成均勻既塊狀，外觀乾淨整齊，幾精緻🤗 豚肉鮮嫩多汁，咬下去可以感受到肉質的彈性🤭薯仔外酥內軟，蜜椒的口感更是增添了糕的層次感，使整體口感豐富🙌 白飯🍚 質素：🌟🌟🌟🌟🌟 一入到餐廳🍴已經感受到呢間餐廳🍴充滿人情味，職員與客人間有住互好關係，食物份量多，價錢合宜🌾 🕸️餐廳🍴做緊週年誌慶，只要惠顧$300可+$10換購豉椒炒蜆 / 三文魚一份；惠顧$600可+$20換購兩份，相當底食🦊

yeuk shuen Fung 2 個月前

旺角「旺角海鮮大排檔」環境寬敞，冷氣勁足，同親朋好友嚟食飯，可以坐喺舒舒服服嘅大廳，嘆海鮮、串燒、大排檔小炒，好舒服。餐廳推出週年誌慶限時優惠，顧客凡惠顧滿$300，即可加$10換領一款指定菜式；顧客凡惠顧滿$600，即可加$20換領兩款指定菜式；指定菜式為：價值$148豉椒炒蜆一碟，或價值$118三文魚一份。今餐真係估唔到蔥油炒蜆不遜於豉椒炒蜆，原來依種煮法嘅炒蜆都咁好味，難怪老闆娘推介！ *此餐廳收取全單10%服務費。 椒鹽一口鮑魚（四隻$272），鮑魚好大隻，大於成年人一隻手掌心大小，飯碗都快要放不下，肉質厚身，口感軟腍，食落好新鮮，配以指天椒、香蔥、炸蒜、椒鹽食用，食落好惹味。 蔥油炒蜆（原價$148→優惠價$10），大蜆肉質飽滿，味道鮮甜，配以辣椒、薑絲、香蔥、豉油、熟油食用，食落鮮味更加突出。 烤芝士年糕（四件$32），口感煙韌，芝士流心效果突出，味道鹹香。 烤鮮冬菇（單點$12），食落好Juicy。 烤四季豆（單點$12），口感爽脆，味道清甜。 烤娃娃菜（單點$12），口感軟腍，配以辣椒粉食用，味道香辣。 茗茶（兩人$24），香片，飲落茶味清香。

Agnes Cheung 2 個月前

呢間旺角嘅大排檔，地方乾淨有冷氣。小炒有鑊氣，價錢仲好親民！而家惠顧滿 $300，就可以用超震撼價 $10 加換一份三文魚刺身、蔥油炒蜆或者豉椒炒蜆！今次揀咗蔥油炒蜆，蜆肉粒粒肥美無沙，大隻鮮甜，蔥油調味有啲似平時酒樓蒸斑嗰種，香氣十足。

lyanna foodie 3 個月前

翡翠金沙蝦球🦐 $188 呢個金沙蝦球好出色，外層嘅鹹蛋黃炸到非常脆口，裏面嘅蝦球大大隻，仍然保留到鮮嫩嘅肉汁，口感仲非常彈牙添！呢個幾出色，推薦大家試下！🙌🏻🙌🏻 金銀蛋浸時菜🥬 $108 呢個金銀蛋時菜份量好多，我最鍾意就係用佢哋嘅汁撈飯，飯都可以食多幾啖！😌 烤生蠔🦪 $34 店員推介佢哋嘅烤生蠔，話而家做緊優惠，$128有六隻，又或者$34一隻，買二送一，平均$20左右就有一隻，隻隻生蠔都大大隻，而且好有鮮味！好食！😋 烤多春魚（4條）🐟 $32 好耐都未食過多春魚，除返開幾蚊一條，一啲都唔貴，用嚟過吓口癮啱晒！