青青泰國料理

Ching Yi Mak 2 個月前

放假去銅鑼灣希慎，發現呢間泰菜環境舒服，食物非常有水準！ 炭燒牛肉沙嗲串（4串） 炭香味濃，牛肉外焦內多汁，沾埋甜濃沙嗲醬超惹味。 紅咖喱鴨 + 薄餅 紅咖喱香濃微辣兼有椰奶香，鴨肉吸滿汁，配金黃酥脆薄餅點汁食超邪惡。 馬拉盞豬頸肉炒卷心粉 鑊氣十足，卷心粉彈牙裹滿香辣馬拉盞，配爽口豬頸肉好有層次。 馬拉盞炒通菜 通菜保持脆嫩，濃郁馬拉盞香氣完全滲入，非常下飯。

HEI CHRIS WONG 2 個月前

青青泰國料理(銅鑼灣) 環境比較舒適。具備獨立隱私感的沙發半包廂區。寬大好坐的 Sofa ，在享受美食同時，也擁有專屬的私密空間，聚餐體驗非常尊榮舒適！ ✨️菠蘿海鮮炒飯 「酸甜開胃，鑊氣十足！」 炒飯金黃乾爽、粒粒分明，菠蘿的酸甜完美解膩。 ✨️飛天炒通菜 有蒜蓉炒，比較惹味！ ✨️泰式香辣豬頸肉炒粉皮​ 「焦香彈牙，香辣過癮！」 粉皮炒得極有火候，豬頸肉好多！ ✨️生熟牛肉湯河​ 「湯清味濃，鮮嫩無比！」 生牛肉片燙得剛剛好，入口即化 地點：銅鑼灣軒尼詩道500號希慎廣場3樓316-319號舖

Toe Chan 3 個月前

{泰菜嚟講泰北菜先係最正 ~ 青青泰國料理} 今日晏咗食飯，肚餓到直情可以吞得落一隻牛。行過希慎見到呢間泰菜，平時出入都望過下，一於唔諗咁多，入去整返餐狠嘅。兩條大男人叫咗兩個 Lunch Set 都未夠喉，仲要大手筆加埋個小菜，直情當自己去咗泰國開餐！ ♦️海鮮炒金邊粉 呢碟嘢一上枱，隻色水已經對路。一入口，隻鑊氣「轟」一聲塞滿個口。最驚喜係佢條金邊粉比出面食開嘅粗身少少，咬落啖啖肉、超有彈性，完全唔會爛笪笪。啲海鮮料俾得好闊佬，蝦爽鱿魚多，炒得乾身，幾高質！ ♦️馬莎文咖喱牛筋牛腩 平時食泰菜唔係青咖哩就黃咖哩，呢個馬莎文咖哩真係有驚喜。汁底好濃郁，帶少少椰香同香料嘅微甜。最緊要係啲牛腩同牛筋全部燜到軟腍入味，牛筋一咬成口膠原蛋白，送飯直情無得輸。 ♦️泰北農村咖喱牛肋骨 呢個係睇 menu 俾幅圖誘惑到而加單嘅小菜，結果證明本麻甩眼光一流！店員話係泰北秘方，用咗幾種咖哩去調配。一食落去，層次感豐富到爆，陣微辣同特有嘅香草味勁惹味。主角牛肋骨牛味濃到化不開，燜到骨肉分離，直頭係牛肉香味炸彈，連側邊索晒汁嘅蔬菜都俾我哋一掃而空，正到震！ 多謝大佬好介紹 - 美味程度：😋😋😋😋😋 環境指數：✨✨✨✨ 番食機會：🦍🦍🦍🦍 📍#青青泰國料理 銅鑼灣軒尼詩道500號希慎廣場3樓316-319號舖

Lawrence Miu 3 個月前

今次同朋友到訪呢間小店，一口氣試咗幾款招牌菜，整體驚喜滿滿！ 首先上桌嘅雜菜粉絲煲熱辣辣、鑊氣十足，粉絲索盡咗清甜嘅菜汁同高湯精華，口感爽口。 蝦醬大蝦炒飯，一上枱就聞到超濃郁嘅蝦醬香，飯粒炒得粒粒分明，鹹香惹味，配埋幾隻大隻又爽彈嘅大蝦、建菠蘿、腩肉同蠟腸，非常過癮。 主食仲點左火車頭湯河，湯底牛骨清甜，河粉滑溜，入面嘅生牛肉、牛丸同牛筋料足又新鮮。 最後用彩虹蛋糕做完美句號，賣相色彩繽紛，打卡一流；蛋糕帶點咸香，忌廉甜而不膩。

Hy N 4 個月前

佢2人餐有分兩款，一款係$288, 而我地就揀左$338個款(要另收加1)。頭盤可以揀兩款，我地就揀左炭燒雞肉豬肉沙嗲串(各2串)同酸辣豬肉生菜包。沙嗲串肉質嫩滑，仲鎖得住肉汁，而沙嗲醬又夠哂濃郁。生菜包肉碎以酸辣為主，襯埋個生菜，食落非常清爽惹味🙂‍↕️之後就有個泰式椰汁雞湯，溫和唔辣而且非常開胃，下次我應該會加多個牛油薄餅嚟送🤣至於main就嗌左個菠蘿海鮮炒飯，菠蘿酸甜，魷魚都夠哂彈牙新鮮😙如果兩個人嚟嗌set真係幾抵，份量岩岩好👍🏻