秋意(灣仔)

Che Shan 1 個月前

每一次都必吃招牌豉油雞，今次冇嗌到晚餐而叫咗半隻豉油雞兩個人分享，仲叫咗秘製紅燒肉配白飯餐、金沙魚腐肉碎擔擔麵、小妹必吃味噌雞腳同埋第一次見嘅凍食shake shake 芥蘭😋 🔸秘製紅燒肉配白飯 主食飯餐，一份秘製紅燒肉大概有六至七件，每一件肥瘦均勻、入口即溶，主食仲包一隻溏心蛋、涼拌雙耳、野菜及白飯一碗，適合一個人嘅份量。 🔸金紗魚腐肉碎擔擔麵 蔥粒、肉碎、花生碎、魚腐、木耳、幼麵，辣到可以向店員查詢，如果怕係可以做到唔辣嘅😁我哋叫咗少少辣，幼麵掛湯力極佳，口感彈牙，魚腐似山根的質地，幾特別索晒啲湯😳 🔸味噌雞腳 $30一份雞腳真係好抵食，平時外賣都會特登嗌一份，堂食質素同外賣一樣，鍾意食雞腳嘅朋友千祈唔好錯過！ 🔸Shake Shake芥蘭(凍） 外賣盒上的凍芥蘭，配埋自家製蝦醬，撈勻之後冚蓋搖兩下，咁就得啦！凍芥蘭都係第一次食，又幾涼爽喎，芥蘭爽脆蝦醬味道濃郁，當前菜咁食，份量亦都唔細😃 🔸秋意去骨豉油雞半隻 就好似食海南雞一樣，食雞冇骨嘅爽快感、豉油香深深滲入每一絲雞肉纖維中，鹹香中帶着一抹微甜，雞皮同雞肉一啖入口皮爽肉滑、鮮嫩多汁，秋意必食名牌豉油雞！

Camilla Wong 1 個月前

放工行過灣仔軒尼詩道，順路去秋意買外賣返去慢慢食。 呢度啲雞真係好高質，最開心係去晒骨，啖啖肉超方便，而且保留到好濃嘅雞味。今次叫咗一隻秋意去骨豉油雞（$191），醬香好突出，雞肉好滑。仲買咗份瑤柱去骨貴妃雞白飯（$71），貴妃雞肉質好鮮嫩，浸得剛好。 另外點咗個蒜辣牛魔王（$83），入面有齊牛展同牛舌，轉咗做冷蝦蝦撈麵（+$8）。牛舌彈牙、牛展好入味，配埋蒜辣汁同凍撈麵食，大熱天時食好爽快。成餐 $345 埋單，大滿足

Carmen Chu 2 個月前

終於食到由觀塘開到灣仔嘅豉油雞！ 整體嚟講食物、湯底同調味都睇得出有用心！ 大家記得要早啲嚟食！！！ 六點幾嚟已經有一半嘢賣曬🙂‍↕️🙂‍↕️ 秋意去骨豉油雞（白飯套餐） ($92) 加咗 $5 轉淨胸，雞肉去晒骨食落好方便！ 肉質連埋雞皮食都好嫩滑！豉油汁鹹甜適中！ 另外加咗隻酒釀溏心蛋好味😋！ 仲加咗份薑蓉夠香夠有料！ 飲品揀咗凍無糖白桃烏龍茶 果香清爽，非常解膩～ 黃酒藥膳雞湯麵 ($91) 同樣加 $5 轉咗淨胸 搭配幼淮山麵！ 湯底藥膳味同黃酒香融合得好平衡👍🏻 飲落暖胃又順口！ 淮山麵口感比想像中好又健康！ 呢份同樣加咗隻酒釀溏心蛋 揀咗凍玫瑰山楂飲（+$8），酸酸甜甜，好開胃！ Shake Shake 芥蘭（凍） 好有創意嘅冰鎮小食，芥蘭口感爽脆 好似薯條咁Shake Shake 形式食幾有趣！ 撈汁皮蛋 皮蛋香濃，酸辣撈汁調味得宜！ 蔥油涼拌雙耳 木耳同銀耳好爽口，蔥油香氣十足！ 生薑蜜（熱） 薑味夠濃，甜度適中，飲完成個人暖晒🫶🏻

Gary山區麵包王 4 個月前

星期五晚又是無飯夫婦日，既然到來灣仔處理點事，就順便買點外賣回家吃，省時省心。食友推介這家「秋意」的豉油雞十分出色，加上又近地鐵站，故此買兩盒飯回去試試。雖然只是買外賣，但都影一影環境，裝修雅致，坐滿客人，就知出品不失禮。 店家貴精不貴多，食物就只有幾款小食，招牌主食及麵類。主食的招牌菜有豉油雞、口水雞、貴妃雞及醉汁雞，選了豉油雞和醉汁雞，一個配白飯，另一個配蝦蝦撈麵。 「陳年醉汁去骨雞配白飯」的醉汁雞和白飯是分開裝，無論是雞，還是飯，都很夠份量，雞肉夠入味，有淡雅的酒香，酒味醇和，而且，雞肉嫩滑，雞皮爽口，皮下脂肪又少，好吃，最窩心是已去骨，每口都是肉，吃得夠爽。白飯故然軟熟，更附上蔥油涼拌雙耳、半隻酒釀溏心蛋，前者爽脆有蔥油香，後者就溏心做得剛好，蛋黃香味濃郁，蛋白部份滲出微微酒香。 「秋意去骨豉油雞配蝦蝦撈麵」有店名加持，自不然更加要試，陣陣豉油味很醇厚，伴飯相信更是一流，而事實上，豉油雞入味，雞肉一樣嫩滑，雞皮同樣爽口，去骨是最貼心嘅做法。撈麵同樣奉送蔥油涼拌雙耳及半隻酒釀溏心蛋，還加了少少炒椰菜，而麵條算幾彈牙，炒得爽身，沾上少少豉油汁，讚呀！ 雖然只是試了豉油雞及醉汁雞，但兩者都吃得出用料不賴，制作確是有誠意。

Ada Chan 6 個月前

呢間係觀塘起家，最近新開灣仔分店 岩哂灣仔打工仔黎食，lunch time 成日都排長龍！今次專登夜晚時間嚟，唔洗排隊 一入門就聞到豉油香，環境簡單企理 今次試咗兩款招牌雞，食到暖笠笠又滿足 🔸 去骨豉油雞 🐔
係呢到既招牌菜🔥🔥 去骨雞肉嫩滑，豉油汁濃郁帶甜，滲晒入每塊雞肉，入口juicy😀 配白飯，一啖落去豉油香＋雞油香＋飯香三重疊擊，到停唔到口，飯都想食多碗！ 去骨食得超方便，唔使吐骨頭👍🏻 難怪呢間成日都要排隊 🔸 瑤柱去骨貴妃雞 🐔✨
貴妃雞用瑤柱＋藥材醃到入味👍🏻 肉質juicy，食落先係瑤柱海鮮甜香，再爆雞鮮甜＋藥材滋潤味 食完全身暖晒又補身，冬天食完好似充晒電