RaRe Restaurant 紅館

Kiki Lui 6 個月前

今年情人節去咗呢間由法國藍帶主廚主理嘅餐廳 (無有錯就係咁耐之前) 環境優雅舒服，仲有室外位。 ▪️ seafood chowder 🥣 湯底好濃郁，充滿海鮮嘅鮮甜 入面有唔同海鮮料，飲完成個人暖笠笠。 ▪️ whisky abalone 🦪 +$58 鮑魚用威士忌醃過 酒香好特別但唔會搶咗鮑魚嘅鮮味 肉質彈牙，醬汁濃郁。 ▪️ wild mushroom ravioli 🥟 咬開流出濃濃嘅蘑菇同芝士餡 菌香同奶香好夾，好食。 ▪️ fresh lobster fettuccine 🍝 +$168 闊麵真係手打，口感煙韌，掛汁力強 龍蝦肉新鮮彈牙，醬汁鮮甜濃郁。 ▪️ local cobia with lemon gremolata 🐠 魚肉煎得外皮脆脆哋，入面好嫩滑 個香草醬用初榨橄欖油調，帶出咗魚嘅鮮味。 ▪️ US beef wellington with red wine sauce 🥩 +$188 呢度嘅招牌菜！酥皮焗得好脆 入面件牛柳粉嫩多汁 中間嘅蘑菇醬好香濃 配埋個紅酒汁一齊食，真係冇得頂。 ▪️ strawberry millie feuille 🍓 ▪️ tiramisu ☕️ 情人節黎講算係cp值高嘅餐廳 當日嘅佈置同氣氛都粉紅滿滿 多謝男朋友💕 《 RaRe Restaurant 》 📍中環干諾道中50號地下B號舖 💰~ $1900/2p #delishbite_中環 Follow me on Instagram @delishbite.hk

米米MicMic HK 8 個月前

最近放工近近地去咗呢間中環「紅館 RaRe Restaurant」食晚餐！好有驚喜😍法國藍帶主廚主理，$699六道菜晚市二人套餐，氣氛又夠chill，真係超抵食！帶另一半去絕對唔失禮😘

Rebecca Lo 8 個月前

同好姊妹偶遇這間位於中環干諾道50號, 由法國覺藍帶主廚主理的 RaRe 紅館法國餐廳, 第一眼感覺置身於法國街頭的古堡式餐廳, 樓底高讓人有很大的空間感！ 柔和的暗黃色燈光, 讓人感覺浪漫和溫暖, 高格調的裝潢很適合情侶撐枱腳, 向喜歡的人示愛和求婚的好地方！ 我們第一眼見到就是他們的 Signature Menu 份量足夠兩個女仔的胃口 6 Courses Set Dinner for 2 Persons 原價 $1,398 咁啱撞正Promotion $699 好驚喜呀😍 1st Course 香草魚茸薯仔沙律配檸檬醬, 魚茸加薯仔入口軟綿綿, 配檸檬醬好醒胃 澳洲M8和牛他他, 配主廚獨有的醬汁, 食落去非常特別👍 2nd Course 野菌忌廉湯係我們的至愛, 飲得出係用新鮮野菌淆製而成的👍 3rd Course 我哋都揀咗, 低溫慢煮雞胸扁意麵配冬陰功醬汁, 法國菜配冬陰功醬汁, 很有創意, 令人一試難忘👍 4th Course 紅館薑母鴨 第一次食整隻鴨腿, 肉質非常嫩滑鮮甜, 配上特製的酸甜醬, 係非一般的法式鴨腿 法式香草焗蝸牛配薯蓉, 蝸牛好味不在話下, 薯蓉跟牛油一起煮成, 配鍋牛一起吃, 哪種滋味令人難忘💯 5th Course 芒果拿破崙, 每一層用新鮮芒果肉打成的芒果醬, 加上鬆脆可厚的拿破崙酥餅, 唔食會後悔！ 鮮果芝士撻上面以藍莓做襯托, 芝士的甜味和濃度做得剛剛好, 入口即溶👍 6th Course 我們都以清新簡單的檸檬水作為完結！ 食完之後跟老闆娘聊天, 原來這間法國餐廳可以容納45至60人, 有很多不同大小的公司也喜歡在這餐廳包場做 event 或者做小型訂婚 party, 也有 happy hour 時段, 放工後可以跟朋友同事飲杯啤酒放鬆傾下偈👍

all_day_eateateat 8 個月前

📍RaRe Restaurant 紅館📍 今次就黎到位於中環嘅西餐廳，呢度空間雖然唔係好大，但餐廳裝潢優美，完全係精緻聚餐拍拖之選，而且呢間係由法國藍帶主廚主理，所以食物🥘係十分之美味，而且大有創意，驚喜十足😍 最重要係性價比高，而今次我就簡左$699嘅二人set dinner😍 ➖➖➖ First Course ✨香草魚茸薯仔沙律配檸檬醬 沙律非常新鮮，配埋檸檬汁非常開胃💕香草魚榕薯仔夾雜埋生菜一齊食，口感非常之特別，而且味道好夾😍 Second Course ✨野菌忌廉湯 野菌嘅味道非常之濃郁，湯入邊有一粒粒好細粒嘅菇菌粒，刀工非常之精緻，令每啖湯都有口感😝 Third Course ✨低溫慢煮雞胸扁意粉配冬陰功醬 意粉份量啱啱好，唔會令人食得太飽～雞胸口感嫩滑，又令人有咬口，扁意粉彈牙，而且冬陰功醬唔會太辣，令到唔食辣嘅朋友都可以嘗試吓，刺激一下個味蕾😙😙 Fourth Course ✨紅館姜母鴨 餐廳嘅招牌菜😍😍真係好好食🤤鴨嘅肉質嫩滑，而且熱辣辣嘅😛鴨肉味好香💕配埋醬汁令到鴨肉嘅味道更加昇華😍而且一路食都唔會覺得有油膩感🤩🤩 ✨法式香草焗蝸牛配薯茸 Total 有8粒焗蝸牛，賣相好靚💕香草味好濃郁，蝸牛亦都好軟滑，粒粒蝸牛都滲咗好多香草味喺入面😙薯蓉放底好有創意！呢個菜式好高質😙 Fifth Course ✨芒果拿破崙 有一個鬆脆嘅餅底，而且每一層都有軟滑嘅忌廉同埋芒果果肉😛唔會太甜，而且份量都剛剛好😙 ✨鮮果芝士撻 有兩件，細細件啱晒分享😛有新鮮嘅藍莓同埋士多啤梨🍓配合埋鬆脆嘅芝士餅底！好味😋 Sixth Course ✨lce latte 牛奶同埋咖啡嘅比例適中，好飲😚😚而且凍飲唔需要再另外加錢，抵😍 ➖➖➖ 紅館 (中環) 中環干諾道中50號地下B號舖 中意嘅朋友仔記得Like&follow @all_day_eateateat 🥰 ➖➖➖ #香港好去處 #香港美食 #香港打卡 #食好西 #all_day_eateateatfoodphotographyfoodie

Jeff Lau 11 個月前

同朋友去完ifc，係附近搵到間環境舒服又夠chill既餐廳，試咗個晚市二人套餐，估唔到每道菜都有驚喜，中西合璧玩得咁掂！ 🥗 香草魚茸薯仔沙律配檸檬醬 薯仔沙律口感creamy，魚茸份量十足！檸檬醬清新醒胃，完全唔會膩，前菜黎講好開胃。 🍄 野菌忌廉湯 湯底超濃郁，飲到磨碎嘅菇粒口感，真材實料！忌廉滑溜得嚟唔會過稠，飲完成個身暖笠笠～ 🍝 低溫慢煮雞胸扁意麵配冬陰功醬汁 最有驚喜嘅主菜！雞胸用慢煮方法整到超嫩滑，冬陰功個味好出，酸辣惹味，同扁意粉出奇地夾！ 🦆 紅館姜母鴨 大推姜母鴨，鴨肉燜得軟淋入味，薑味濃郁但唔嗆喉，仲有個薑母醬酸酸甜甜，估唔到咁好食！ 🐌 法式香草焗蝸牛配薯茸 蝸牛口感彈牙，香草牛油味超香！底下嘅薯茸吸收晒蝸牛精華，綿滑得嚟帶牛油香，邪惡但好好味！ 🧁鮮果芝士撻 芝士餡濃滑，餅底牛油香突出，面頭生果新鮮解膩。 🍰 芒果拿破崙 酥皮脆到咔嚓聲，芒果清甜，吉士醬輕盈唔甜膩。 $699兩位食到捧住個肚走，由前菜到甜品水準穩定，特別欣賞佢哋fusion菜夠大膽得嚟好味！服務態度都好細心，絕對會再encore～