泰式食 Thai Perfect

Sharon Tang 3 個月前

🌴 銅鑼灣鬧市中的異國洞穴風泰國菜｜泰式食 🇹🇭 今次試咗位於銅鑼灣嘅「泰式食 Thai Perfect」 一入去就被佢獨特嘅洞穴風裝潢吸引，燈光微暗，成個氛圍感拉滿，好似一秒穿越到泰國小島咁！ 皇宮大蝦蛋網炒貴刁🍤 一上枱個蛋網編織得超精緻，打卡一流！裡面嘅金邊粉炒得好夠鑊氣，酸甜開胃，配埋旁邊嘅花生碎同辣椒粉，層次感好豐富，大蝦亦都好彈牙 椰香雞湯🥥 呢個椰汁雞湯椰香味超級濃郁，入口帶點微酸，雞肉吸滿咗椰汁嘅清甜，飲得出落足料，暖胃又解膩 蒜蓉炒青口🦪 蒜香炒青口份量十足，青口肉質飽滿，炒得好入味，滿滿嘅蒜香味令人一隻接一隻停唔到口 鮮椰青🍹 食泰菜點可以少得鮮椰青？清甜多汁，夠晒解渴 斑蘭椰汁糕 💚 最後用精緻嘅千層斑蘭糕作結，口感煙韌，淡淡嘅斑蘭同椰香喺口中散開，甜度啱啱好 呢間餐廳環境舒適、嘢食有質素，下次經過銅鑼灣想搵地方食嘢不妨試試 ✨

馬高斯TV 3 個月前

前排去咗銅鑼灣金百利廣場8樓的「泰式食」，餐廳大名好有港式玩味，不過迎接的店員都唔係香港人。餐廳內的佈置幾有泰國味道，卡位個個都唔同擺設，亦有個打卡位。 睇完menu之後，感覺上「泰滋味自選套餐 A+B+C hkd368」係幾吸引，A我揀咗「炸蝦麵卷」、B就「明爐青檸烏頭」、C就「青咖哩配雞肉」，飲品就叫咗杯「菠蘿沙冰 hkd38」。 首先「炸蝦麵卷」啱啱炸起熱辣辣上枱，外層係脆脆麵口感，內裡係厚肉彈牙的蝦肉，正！然後「明爐青檸烏頭」就最吸睛，大大條魚喺眼前，我同朋友本身都無魚不歡，所以已經流緊口水！同平時蒸魚唔同，泰式會有青檸、香草、芫茜等等調味，所以酸酸地又香，幾開胃！跟住難得食泰國嘢乜都想試，於是「青咖哩配雞肉」都係想試，特別係青咖哩的辣度係我最愛！另外散叫咗份薄餅配嚟食！ 最後兩個大男人仲未夠飽，於是叫埋「泰式生菜包 hkd105」，辣度足夠，再加埋生菜就唔會油膩，口感都爽脆，不過肉碎比較乾身仲有少少濃味。 整體係食物不錯，事隔咁耐回味去寫，「明爐青檸烏頭」都依然難忘！而且環境都夠闊落，想同朋友輕鬆吹水又得，影吓相都得。

Maggiexiaxia 3 個月前

進門就看到一輛 泰國Tuk-Tuk車 氛圍感直接拉滿！ 我們點了$368的泰滋味自選套餐 兩個人吃到扶牆出 🍤 炸蝦面卷 外層炸得金黃，咬下去又香又脆，蝦肉彈牙，蘸上自制甜辣醬，酸酸甜甜巨開胃 🐟 醃鮮果伴盲曹 這道真的很特別！脆蘋果的酸爽完全滲透到魚肉里，盲曹炸得外皮乾香，肉卻很嫩，淋的酸辣汁帶著果酸，地道東南亞風味 🥬 泰式生菜包 肉碎炒得乾香十足，混合了各種香料，包上生菜一口咬去，脆脆的菜葉裹著熱乎乎的肉碎，口感反差很爽 🐂 青咖哩牛 濃稠的青咖喱，椰漿味足～牛肉燉得軟嫩入味，配白飯我把咖喱汁都刮乾淨了

Louis Wong 3 個月前

自從小編成為Foodie之後，多左吾少機會踡窿踡罅，發掘美食，而小編一向都對泰菜情有獨鍾，今次就黎介紹返銅鑼灣一間樓上泰菜館 ✨️菠蘿炒飯 $108 炒飯炒得幾有鑊氣，配料亦比得幾足，上面仲有沾左酸甜醬既海鮮🤤👍🏻 ✨️泰式海南雞(半隻) $95 海南雞雞皮爽脆，肉質都幾嫩滑🤤👍🏻👍🏻 ✨️馳名泰式炸豬手 $168 不愧系招牌名物，即嗌即炸，豬皮炸到勁脆，豬手肉亦吾會柴，啖啖肉岩哂食肉獸🤤👍🏻👍🏻 📍泰式食 | @thai.perfect 地址：銅鑼灣記利佐治街1號金百利廣場8樓R3號舖 #銅鑼灣 #泰式食 #為食關注組 #香港美食地圖 #九十後行到邊食到邊

CeCi MiSaKi 4 個月前

今日同老公去咗銅鑼灣金百利廣場嘅 泰式食（Thai Perfect） 食飯，一入到去見到成個裝修都好有泰國風情，真係即刻解到我哋嘅思鄉病！打開 Menu 發現勁多嘢揀，對於我同老公呢兩個有「選擇困難症」嘅人嚟講真係頭都大埋 。好在最後 見到有款幾抵食嘅套餐，分A、B、C三個類別，每個類別都有三款食物可以任選一款。 最後我哋喺 A 揀咗泰式拼盤，B 揀咗明爐青檸烏頭，C就揀咗生菜包。食泰國菜點可以唔飲珍多冰，椰汁嘅甜度啱啱好，入面一條條嘅珍多配料俾得超多！泰式拼盤嘅春卷炸到熱辣辣，點埋泰式辣雞醬一齊食真係超惹味，魚餅同蝦餅都做得十分出色，口感超彈牙。豬肉生菜包嘅豬肉碎炒得啱啱好，調味恰到好處。最後嘅明爐青檸烏頭，成條魚嘅肉質都好鮮美，吸飽晒湯汁嘅精華，用匙羹潷一啖湯飲，酸酸辣辣嘅風味拿捏得啱啱好。 差唔多食完嘅時候，老闆娘親自過嚟同我哋傾偈，個人真係超級好傾又Nice！原來餐廳喺度已經開咗 22年，由廚師到侍應全部都係正宗泰國人感。老闆為人好細心，呢度嘅嘢食全部即叫即煮，而且大多數用天然材料調味。最欣賞佢哋肯聆聽食客嘅要求，如果個餸入面有咩配料你唔食，同佢講一聲，佢就會幫你換第樣嘢，真係做到「顧客至上」！ 餐廳嘅空間感好足夠，咁啱今日見到有人包場搞80人嘅活動都完全唔覺得逼。而且呢度仲規劃咗其他區域，好似6-10人以上嘅聚會，佢哋都有個好靚嘅小空間俾大家坐得舒舒服服。如果大家想喺銅鑼灣搵個地方同朋友 Gathering，呢度絕對係一個好推薦嘅高質選擇！ #銅鑼灣美食[话题]# ＃香港泰國菜 #泰式食[话题]# #香港美食[话题]# #聚[话题]# 會好去處