旺角老街米線

Summer Yogurt 4 個月前

酸菜魚米線 每個元素都好和諧 魚片滑 酸菜發酵酸度足 萵筍爽脆 湯底不會太重口味 叫咗小辣 略感辣度不足 下次會叫中辣或以上 重慶拌小麵都ok 但炸醬肉碎有點過咸 可能多少少芽菜 味道比例上會平衡啲 黑金豬扒賣相上佳 表面焦香 骨位唔多 而且肉感自然爽彈 不是狂落鬆肉粉/餵水發脹的商業做法 凍檸茶有四大片檸檬 正常甜配鹹食幾好 不過下次叫少甜應該會好啲 值得encore

hello kitty 5 個月前

小酥肉超級好食份量大又抵食，但係米線唔好食😢湯底冇乜味完全唔似麻辣一啲都唔香，肉非常滑嫩但係有少少蘇打粉味，雞扒ok

LO S.M. 5 個月前

旺角樓上鋪高質米線，充滿70-80年代舊香港情懷，食米線都可以打卡，又坐得舒服!!主打啖啖肉配搭米線!!湯底有4種：骨湯、鮮蕃茄湯、四川麻辣及重慶酸辣!!必試大大塊 黑金豬扒米線，想清爽仲有重慶拌小麵選擇!! - 黑金豬扒酸辣米線 黑金豬扒調味香甜惹味，又有薑蔥香氣!!大大塊煎得金黃香口，肉質柔軟潤香!!重慶酸辣湯鮮香，酸辣平衡夠惹味，米線柔軟順滑，食茄舒服!! - 蒜香雞扒炸醬拌小麵 特色重慶拌麵，要突顯出麻、辣、鮮、香!!招牌炸醬惹味香濃，滿滿肉碎脂香十足!!彈牙麵條掛滿炸醬啖啖都花椒麻香，濃香麻醬香氣齒甲留香!!雞炸炸得焦香，肉質嫩滑!! - 醬燒雞翼 人氣小食!!雞翼炸得極香脆，仲充滿肉汁!!香甜醬汁醃到入晒味，超惹味!!

CHING NEP 5 個月前

$35麵底+$19豬扒+$6金針菇 =$60 味道尚可 性價比一般 午市無咩人食

Eunice Lam 7 個月前

位處女人街，門口色彩繽紛，裝潢是復古冰室格局，環境寬敞，大部分座位都靠窗，窗外就是極具香港特色的女人街排檔，無論對遊客還是我們本地人來說都相當吸引。 餐廳採用QR Code 落單，米線／小食／飲品,選擇還挺多的。有固定套餐再後加配菜，也有全自選米線，湯底也有3，4款選擇，有辣有不辣，挺人性化。 ✴️黑金豬扒酸辣米線 $86（重慶酸辣湯。小辣） 這個價錢已經加配了4款配料（香菇貢丸／花枝丸／鮮蝦雲吞／肥腸），再加凍飲（凍檸水），如果單點豬扒米線才$45，原塊帶骨豬扒，好大塊，炸得鬆軟又帶咬口，我最喜歡豬扒邊的脂肪，爽脆不油膩，其他配料比如肥腸滷得特別入味。米線爽滑，酸辣湯小辣，還蠻惹味的。 ✴️米線自由選 $87（鮮蕃茄湯。不辣） 也選了4款配料（滷水蛋／腩肉／鮮魚片／泡椒牛筋），再加了凍飲（凍檸樂）。原隻滷水蛋，很入味，腩肉肥瘦相間，白淖生魚片非常白，入口滑溜，有入口即化的感覺，牛筋不會軟爛得沒有口感。蕃茄湯一上桌已經聞到酸酸的蕃茄香，喜歡。 ✴️口水雞 $45 我想投訴明顯不符合商品說明條例🤪，雞的份量怎麼比餐牌圖片多得多😋。雞件口感細滑，連雞胸位都不會柴，上桌還撒了香脆花生，再加上鮮香辣的醬汁，令我口水不停分泌，底下還鋪了一層拍青瓜，性價比超高。 ✴️凍檸樂（跟餐+$10） 飲品正常水準，不過份量就好超值了，非常大杯，我覺得比起茶記還大杯。 ✴️凍檸水（跟餐+$8） 也是正常水準，好飲，非常大杯，最後還喝不完呢。 這裏除了米線，原來還有烤魚，看有人點了，還挺吸引的，如果再來也可以嚐嚐。 總結，應該是新餐廳，好新正，復古冰室裝潢好喜歡。食物質素都相當滿意，特別黑金豬扒，希望可以保持水準，下次再來。