威水茶檔

Edith 1 個月前

今日同朋友喺灣仔食完lunch，行過譚臣道，見到呢間「威水茶檔」門口排咗條隊，諗都唔使諗，今晚餐飯有着落，唔使煮。門口個裝修幾有舊香港感覺，望落舒服，唔會話好刻意。 呢間茶記走傳統路線，但用嘅材料就一啲唔傳統。餐廳採用蘭王蛋，除咗有蛋撻、蘭王太陽蛋芝士火腿西多士，還有北海道牛乳蜂蜜蘭王雞蛋糕，淨係睇個名都覺得吸引。另外仲有72%濃香朱古力，啱晒我呢啲鍾意濃味嘅人。最加分嘅係見到佢用北海道無激素雞扒，成本睇得出落得重本，唔係嗰啲求其交貨嘅茶記。 講返今次嗌咗兩個飯：一個係煎雙蘭王蛋蔥油西班牙豬扒飯$98，另一個係煎雙蘭黃蛋蔥油北海道雞扒飯$98。個名真係咁，冇打錯。豬扒煎得香，冇嗰種雪藏味，蛋嘅蛋黃味好出，撈埋啲蔥油，成個飯好香口，食到停唔到。雞扒係用無激素嘅，煎得啱啱好，肉質嫩滑，唔會乾，配埋啲蛋汁同蔥油，簡單但滿足。 外賣包裝+$2，包得好靚仔又穩陣，返到屋企打開冇倒瀉，汁都冇漏，呢啲細節位好加分。 整體嚟講，呢間茶檔質素對得住個價錢，用料講究，煮法實在。難怪門口成日有人排隊，唔係冇原因。今晚同老公兩個都食得好滿意，下次會再嚟試埋其他嘢。

Yuki Lee 2 個月前

酥皮蘭王蛋撻 $15/個 威水雞翼（辣） $45 蘭王太陽蛋笑牛牌芝士火腿西多士 $50 蕃茄牛尾湯本地牛肉通粉 $50 威水自家餐包檸檬牛油蛋醬 $35 菠蘿油 $27 熱威水奶茶 $23 熱72%朱古力250ml $60 好味指數：😋😋😋😋😋 抵食指數：💲💲💲💲💲 環境舒適：😌😌😌😌 環境衛生：🧹🧹🧹🧹🧹 服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️ 今天中午和同事一起去吃午飯。同事平時特別喜歡吃雞蛋🥚，知道威水茶檔使用的是品質極高的蘭王蛋，便決定一起前來。 酥皮蘭王蛋撻🥧外皮層次分明，酥皮非常鬆脆！最棒的是採用了蘭王蛋製作，蛋香特別濃郁，質地滑嫩，甜度適中，絕對要趁熱享用！ 威水雞翼（辣）做法有點像經典的豉油雞翼！雞皮光滑透亮、肉質嫩滑入味，鹹香之中帶有微微的辣意，非常提味。 🍳 蘭王太陽蛋笑牛牌芝士火腿西多士邪惡指數爆表！頂層有一隻蘭王太陽蛋，劃開後瞬間流出金黃蛋液。法式吐司中間夾著濃郁的笑牛牌芝士🧀與火腿，鹹香與蛋香交織，口感層次極為豐富！ 🍜 蕃茄牛尾湯本地牛肉通粉湯頭非常濃郁，充滿鮮甜的番茄🍅風味與牛尾精華。通心粉十分掛湯，吸滿湯汁。本地牛肉嫩滑。 威水自家餐包🍞檸檬牛油蛋醬餐包烤得外酥內軟，搭配店家自製的檸檬🍋牛油蛋醬，酸甜中帶有檸檬清香，完全化解了奶油的油膩感。 菠蘿油外皮金黃酥脆，中間夾著厚切牛油🧈，一口咬下香氣爆發，是茶檔不可或缺的經典！ 熱威水奶茶☕茶香濃郁且口感順滑，茶與奶的比例拿捏得恰到巧處，入口回甘。 熱72%朱古力 🍫 250ml 濃郁度爆表！採用72%黑朱古力，口感綿密醇厚，帶有微苦而不甜膩，朱古力愛好者絕對不能錯過！

ktang1020 3 個月前

最近有邊間好hit嘅茶餐廳，一定係威水茶檔！ 茶檔其實係美麗小廚嘅分支，共一個舖位，一路都好想試，但由於太多人排隊一直都未搵到機會，咁啱嗰日2點過去竟然門口唔算多人一於去試吓。 我哋叫咗好多唔同嘅嘢食，蘭王蛋芝士火腿西多士，洋蔥西班牙豬扒三文治，蛋撻，菠蘿油，本地牛肉豉油王炒通粉，single origin 秘魯72%可可朱古力，凍奶茶，難得嚟到一於試多啲唔同嘅款式。 最推薦係蘭王蛋芝士火腿西多士，賣相吸引，鹹甜配搭恰當。另外西班牙豬扒三文治誠意豬扒咬開，係一塊高質嘅豬扒。蘭王蛋撻亦蛋味十足，菠蘿油脆皮鬆軟配上鮮牛油非常邪惡嘅選擇。 單品秘魯朱古力可可香氣十足，但有丁點酸味，旁邊帶有簡單簡介，用心製作，但係需時15分鐘要慢慢等待。 有誠意嘅威水茶檔一定唔可以錯過，就算係本地人或遊客亦十分推薦。

Isabel Ng 4 個月前

🥪灣仔人氣復古茶記記錄🍞 最近去了灣仔一間很有話題性的港式茶餐廳——威水茶檔。店舖走懷舊復古風🇭🇰但餐牌又加入不少創新元素，感覺不像傳統茶記般匆忙，反而有種可以慢慢坐下吃飯的舒服感🤎 這次先點了番茄牛尾湯本地牛肉通粉🍅🍜，湯底酸甜濃郁，帶有很重番茄香氣，喝得出是花時間熬製的感覺。本地牛肉口感嫩滑，配上西班牙豬扒🐷，肉質厚實又帶油香，整份早餐感覺特別豐富 小食部分的威水雞翼🍗醬油甜甜的，裡面仍然保持肉汁🤎厚切餐肉雞蛋三文治🥪則是邪惡系代表，餐肉厚切夠鹹香，加上滑蛋，簡單但令人滿足 飲品方面更加有驚喜✨72%秘魯可可朱古力🍫味道濃厚，原來更曾獲2024 Chocolate Award GOLD，苦甜平衡做得很好🤍酥皮蛋撻🥧外層非常鬆化，蛋香突出；北海道牛乳蜂蜜蘭王雞蛋糕🍰則偏輕盈綿密，奶香和蛋味都很濃！ ▪️ 威水茶檔 📍 灣仔譚臣道105-111號豪富商業大廈地下D號舖 #灣仔美食 #灣仔茶餐廳 #茶記 #早午餐 #香港探店 #香港美食 #香港旅遊 #香港去哪玩 #威水茶檔

foodie tatt 4 個月前

威水茶檔：灣仔街坊排長龍，係咪真係咁威水？ 趁住紅日朝聖，下午兩點去到依然人氣爆燈，排隊係少不免。餐廳定位好明確，將傳統茶記結合精緻食材，呢種升級版風味確實令人願意乖乖排隊。見到個外賣袋設計有心思，外賣每份+$2 就有質感咁好嘅保溫袋同包裝，未食已經有好感，整體體驗相當高質 1️⃣ 煎雙蘭王蛋蔥油西班牙黑毛豬扒飯 $100 全場 MVP，必嗌！黑毛豬扒煎到邊位焦香，肉質厚實得嚟唔會乾柴，咬落去仲好彈牙。最聰明係加咗蘭王蛋，個蛋黃濃稠得嚟色澤金黃，加埋特製蔥油同甜豉油撈飯，惹味程度極高，呢個價位食到咁高質嘅肉，收貨 2️⃣ 煎雙蘭王蛋蔥油北海道雞扒飯 $100 相比之下雞扒走健康路線，雖然同樣厚實，但口感冇黑毛豬咁驚艷。勝在食材新鮮，健康之餘亦唔會冇味 3️⃣ 茄汁燴意粉加本地牛肉 $97 強烈建議一定要加($30)本地牛肉，大廚火候拿捏得好精準，牛肉處理到好滑嫩，咬開仲有肉汁比起淨意粉會更加滿足。茄汁意粉掛汁力不錯，酸度開胃 4️⃣ 酥皮蘭王蛋撻 $30 (2個，$15@) 真係可以試試。蛋香濃郁，甜度亦控制得剛剛好。酥皮層次分明，按店家指示叮返熱 30 秒，熱辣辣嘅口感水準都OK 5️⃣ 是日焗批 (中東咖喱牛脷批) $20 咖喱味非常濃郁突出，餡料塞得滿滿，成個批食落去咖哩味相對濃烈，適合鍾意重口味嘅朋友 6️⃣ 熱威水奶茶 $25 7️⃣ 凍威水奶茶 $27 兩杯奶茶茶底都夠濃亦有回甘。呢個價位用上黑白淡奶係基本配置，追求茶味夠濃嘅朋友嚟講就好適合 今次貪心嗌晒各款返屋企慢慢嘆。整體配菜如蘑菇、蘆筍等食材有番啲水準，唔係求其貨色。如果兩個人，建議蔥油蘭王蛋黑毛豬扒飯 + 酥皮蘭王蛋撻呢個世一組合。 #灣仔美食 #茶餐廳 #蘭王蛋 #黑毛豬 #奶茶 #灣仔 #港式 #茶記