新寧餐廳

Grace Leung 2 個月前

滿滿的童年記憶，是一個懷舊嘅高級餐廳，價錢並不相宜。 是晚是慶祝朋友生日，雪山火焰必點作為慶祝嘅亮點。 食物選擇亦算多，除咗有扒類的套餐，亦提供兒童餐。若果不喜歡扒類，亦都有散叫的飯面，當然食材高級，例如有雞絲鵝肝麵，少有嘅紅酒燴牛脷。 服務亦都尚可，有問有答，但收碟的速度非常之快，見到你放低刀叉，就會即時收走。

Szeman Leung 5 個月前

一間懷舊的西餐，服務員服務一流，食品優質美味，全晚係播放主陳百強嘅輕音樂，氣氛好好，好適合朋友聚舊。

Rogan Thomas 5 個月前

餐廳唔算好大。如果你係想搵一間比較靜又可以享受下食扒個種感覺，依間未必係最理想既餐廳 。 整體環境係乾淨企理，好正常既一間餐廳囉。只能夠話係不過不失，價錢預人頭最少$400唔計加一，食物質素不差但又未至於會再想食多次 。

Clement Li 6 個月前

都有一排冇嚟過呢一間老牌西餐廳，今日同事建議嚟食又再舊地重遊！ 午市都幾好生意，基本上都坐滿，由裏面坐到近門口位有食客，好多都似係熟客。 我哋一行四人坐咗入邊卡位，都幾舒服，呢度嘅午餐選擇都有不少，由百幾蚊去到幾百蚊都有，不過百幾蚊嘅就得兩款！ 是日午餐有非洲雞同葡式焗蝦球飯，我哋叫咗四個羅宋湯，老牌西餐廳當然有餐包跟，我就叫咗多士同事就叫咗餐包，餐包都有適當嘅溫度，多士就俾咗三塊，非常脆口，搽吓牛油就Perfect。 羅宋湯色水十分對辦，味道非常濃郁，可能我叫咗多湯渣，碗湯好豐富，好多蔬菜，熱度非常之夠，呢個要讚一下，好飲嘅羅宋湯而家買少見少！ 隔咗冇耐我嘅午餐葡式焗蝦球飯就上到嚟，焗飯嗰碟望落去一啲都唔巨型，不過就焗得好靚，汁嘅味道搞得非常好，唔會太杰，厚薄適中亦焗得非常之透，汁裏面亦有啲蔬菜，溫度又係非常之熱，蝦球都應該有六隻左右，都屬於大隻亦有蝦味，仲有啲鮮甜嘅味道，飯好似都有炒過底，飯嘅份量未算好多，不過就幾好送飯。 同事分享咗少少非洲雞，雞都幾軟嫩，調味得唔錯！食完自己個飯再加埋嚿雞都飽左九成。 套餐包埋甜品，是日甜品係檸檬批，都不錯，唔會太甜，凍凍地咁，餐茶就叫咗凍檸檬，茶味道都夠！ 呢度嘅環境都幾懷舊，但一啲都唔殘舊，保養得唔錯！呢間餐廳都幾有歷史，銅鑼灣老街坊應該無人不曉，餐廳氣氛幾好，價錢合理，同食物質素完全成正比！ 侍應嘅服務專業有禮，快手又有笑容，鍾意食呢類懷舊西餐廳嘅朋友可以試吓！

Minnie TSO 上次編輯：5 個月前

午餐正常懐舊西餐格局，味道ok，但如果唔係熟客，就沒有熱情款待，叫極都唔落order，服務態度有待改善，如果無新客如何變成熟客呢 The lunch was a typical nostalgic Western meal, and the taste was okay. However, if you're not a regular customer, the service wasn't very warm; they wouldn't take your order even after a long wait. Their service attitude needs improvement