新泰東南亞餐廳 (灣仔興旺閣)

Shantal Ng 1 個月前

位於灣仔的新泰東南亞餐廳，果然是老字號泰國菜，每次經過尖沙咀 K11 的分店都見到大排長龍，原來灣仔分店同樣人氣爆棚。餐廳環境闊落，兩層設計，坐得舒適，適合聚餐。 燒豬頸肉- 泰菜必點！豬頸肉燒得外脆內嫩，肉質 Juicy，不會過肥。配上特製泰式酸辣醬汁，酸香微辣，瞬間提升層次。 肉碎生菜包- 新鮮即炒的豬肉碎混合必備的泰式炒米粉，包在爽脆生菜裡一起吃，特別適合炎夏。口感清爽又有層次，吃完都無負擔。 泰式青咖喱- 青咖喱醬汁份量充足，配白飯一流！比一般餐廳更大方地加入蔬菜；咖喱香氣濃郁卻不過辣，正常發揮的安全選擇。 青檸蒸魚- 可選烏頭魚/鱸魚，而我們選了烏頭魚1 肉質厚實，啖啖肉。淋上特製泰式湯頭蒸煮，酸香入味，魚肉鮮甜。 泰式乾炒河- 闊河粉炒得乾爽不油膩，帶鑊氣，口感煙靭。 餐廳以老字號的穩定水準取勝，特別推介乾炒河和燒豬頸肉，值得專程一試！

Mandy 上次編輯：1 個月前

位於灣仔興旺閣的新泰東南亞餐廳，整體用餐體驗相當不錯。 環境與服務 餐廳裝潢充滿南洋風情，設有泰式木雕與暖色燈飾，空間感充足，座位舒適不壓迫。店員態度親切，收盤與加水都很主動，服務流暢。 食物賣相與味道 餐點擺盤賣相精緻，色彩豐富。串燒炭香突出，沾上沙爹醬十分惹味；燒牛肉切面呈粉紅色，保持多汁嫩滑；炸蝦餅與軟殼蟹米紙卷則爽脆開胃。當中最出色的非芒果糯米飯莫屬，選用雙色糯米，口感微溫軟糯，配上甜美多汁的芒果與濃郁椰醬，鹹甜平衡得剛剛好，非常推薦。 性價比 兩個人消費約六百多港元，以灣仔區的環境、服務及食材質素來說，定價相當合理，是個適合與朋友聚餐的好選擇。

Kimmy C. 1 個月前

灣仔泰國小店，環境充滿南洋風情，連梳化枕頭都繡有泰象圖案。而侍應(無論男經理定後生男仔)全程面帶笑容，主動貼心，除左會成日主動幫我地斟水，仲會留意到我地需要，主動幫忙，加分不少！ 食物整體不過不失：肉碎生菜包($88)清爽開胃；泰式蝦炒金邊粉($118)鑊氣足，酸甜乾濕恰到好處，；南瓜焗咖喱海鮮($188)賣相搶眼，原個南瓜上枱，打卡一流；馬沙文咖喱($108)較為平實，香氣唔算突出，但配印度酥餅($42)蘸食都算合格。 價錢方面，以灣仔區而言唔算抵食，但份量合理，環境同服務搭夠，適合慢慢傾計食飯。但想坐得舒服、食得開心，呢間仍值得一試！

Funnyyui 3 個月前

✨泰滿足✨ 星期六係我生日，同男朋友去咗海洋公園玩咗大半日。晏晝落雨又天陰陰，玩完攤位遊戲就決定早啲出灣仔搵嘢食。 前菜揀左泰式柚子蝦沙律，用料好豐富，飽滿既鮮蝦、多汁飽滿既柚子肉，搭配洋蔥🧅、腰果🫘同炸椰子片碎、炸蒜等等，淋埋青檸汁🍋‍🟩酸酸甜甜好開胃👍🏼 男友好鍾意食青咖喱，佢叫左泰式青咖喱配豬肉。青咖喱既椰香濃郁滑溜，只係微辣，一啲都唔嗆喉。除咗豬肉，入面仲有南瓜🎃、茄子🍆、豆角🫛等等嘅配菜。我地加左印度酥餅黎點青咖喱食簡直絕配👍🏼。 玩咗一日都有啲肚餓，另外再點咗另一款主食：越式蟹肉炒粉絲。真係超大碟手，粉絲晶瑩彈牙，鋪滿鮮味既蟹肉、扎肉與三色椒，食落好飽肚👍🏼。 甜品就一定係叫芒果糯米飯🥭🍚。芒果香甜軟嫩，黑白糯米裹著濃厚既椰漿，甜而不膩，正👍🏼。 🍹野飲叫左杯芒果沙冰，又係真材實料，一路飲都啜到芒果蓉，炎炎夏日飲番杯真係超爽。 ✨好在我哋嚟得早，餐廳唔夠七點地下嗰層已經坐滿晒人。我哋近坐門口位，仲不停聽到門口有人打嚟訂位。

林崇禮 4 個月前

灣仔樓上泰菜驚喜小店，星期六晚人山人海但值回票價 今日同老婆去完利東街行街，夜晚想食啲濃味嘢，就嚟咗灣仔呢幢幾層高嘅泰國菜館。星期六晚真係好旺，全場幾乎坐滿，好彩我哋都搵到位，坐喺一樓嘅用餐區。環境都算舒服，唔會太逼，而且服務員都幾多，招手好快有人應。 食物方面，首先上枱嘅係泰式炒椰菜仔（$108）。味道啱啱好，唔會過鹹過濃，椰菜仔新鮮爽脆，炒出嚟仲有鑊氣，泰式風味依然喺度，好開胃。 跟住係泰式青咖哩（$108）。青咖哩係偏辣嗰種，鍾意食辣嘅朋友一定會鍾意。咖哩味道好濃好足，入面嘅雞肉好嫩滑，仲有泰式茄子彈牙吸汁，真係幾正。配埋鬆化嘅印度薄餅($42)，點咖哩食一流，我哋好快就清晒成碟。 主食我哋叫咗泰式濕炒海鮮河（$108）。上枱嗰陣嚇一跳，份量真係好大，兩個人share都未必食得晒。河粉之外仲有好多海鮮，蝦同魷魚鬚都幾新鮮彈牙，加埋蔬菜一齊濕炒。老實講，炒河粉會偏油少少，但味道真係好香，係正宗泰式街頭風味。我哋最後都食唔晒。 飲品方面，呢個椰青沙冰（$78）絕對係炎夏救星！原個椰子上的，沙冰打得夠細滑，椰香味濃郁，飲完成個人涼晒，超級解渴。 最後當然要留返個甜品胃。芒果糯米飯（$78）有齊紫米同普通糯米，兩款都煮得軟糯香甜，淋上滿滿椰漿，再配酸甜新鮮嘅芒果，完美作結。老婆話呢個ending好滿意。 埋單$574，星期六晚喺灣仔食到咁高質嘅泰菜，仲要每道菜都有水準，我覺得好合理。下次想食泰國嘢，一定會再嚟，仲想試吓佢哋其他樓層嘅座位。