尚文潮州菜

淑賢 4 個月前

鹵水鵝片豆腐,絲瓜絡,蠔仔粥超好味 環境舒適 老細熱情招待,仲送埋糖水

Chris Tong 1 年前

喺灣仔區想食優質潮州菜，「尚文潮州菜✨」絕對係好好嘅選擇，餐廳提供高級潮州菜式，好多名人都光顧，菜館位於灣仔地鐵站附近，位置十分方便，餐廳提供各式各樣嘅潮州菜，包括滷水鵝片、煎蠔餅、蠔仔粥、凍蟹等等潮州菜經典美食，款式十分齊全，味道夠正宗，仲有各樣點心。 「潮式蝦餃王🦐」皮薄餡靚，蝦味十足！🥟 「尚文燒賣王」每一粒都飽滿，同樣充滿蝦肉，口感豐富！🥢 「潮州粉果」薄皮包住鮮美餡料，沾埋潮州辣油，好味😍 「潮州糯米卷」香軟可口，糯米夠軟夠香。🍽️ 「傳統韭菜盒」外皮夠脆，香氣四溢🌿 「滷水鵝肉、鵝腸、鵝肝」鵝肉嫩滑，鵝腸乾淨冇肥膏夠爽口，鵝肝又香又濃，每樣都係潮州經典，味道一流🍗 「沙茶牛肉芥蘭」牛肉嫩滑，沙茶醬香濃，配上芥蘭，完美🥩 「尚文潮州菜」非常高質素，無論係食物質素、環境定服務，都好有水準👍🏻

Chow Alex 1 年前

尚文潮州菜（灣仔） 最近，朋友向我推薦了灣仔的一間新開潮州菜餐廳——尚文潮州菜。這裡不僅環境優雅，還有著明星級的美食，讓人期待。 尚文潮州菜位於灣仔盧押道23號THE PHOENIX 2樓，餐廳的裝潢融合了現代與傳統的元素，讓人感到舒適又不失高雅。燈光柔和，適合聚餐或約會。 這晚，我點了幾道這裹受歡迎小菜。 首先推薦的就是他們的**招牌紅燒翅**。這道菜使用上湯、老雞和金華火腿等材料，翅的份量十足，湯底味道濃郁，令人回味無窮。 接下來是**鹵水淨鵝片**，這道菜的鵝肉味道鮮明，肉質滑嫩，鹵水汁調味一流，讓人回味。 **鵝肝**入口即化，質地細膩，是喜歡吃鵝肝朋友不可錯過的美味。 **尚文海鲜一品煲**則是海鮮愛好者的必點之選，鍋中有鮑魚、海參、大蝦、東菇及鮮魷，鮮味十足，讓人每一口都感受到海鮮的美味。 最後要提的是**金瓜九肚魚格**，這道菜香軟薄脆，口感獨特，既有金瓜的甘甜，又有九肚魚的鮮美，絕對是一道讓人驚喜的創意菜品。 總的來說，尚文潮州菜不僅提供了豐富多樣的菜品，還保證了食材的新鮮與品質。無論是想要品嚐傳統潮州美食，還是尋找新穎的口味，這裡都不會讓你失望。下次來灣仔時，千萬不要錯過這家明星級的食府！

V IP 1 年前

今日我去咗一間位於灣仔嘅潮州菜館食飯，真係食得非常滿足！呢間餐廳嘅環境唔錯，裝潢簡單而有潮州特色，服務亦都好友善。 首先試咗佢哋嘅招牌紅燒翅，紅燒翅帶有淡淡嘅香味，配埋小小醋，真係令人一口接一口。紅燒嘅技術掌握得相當好，唔會過鹹，味道平衡得宜 接住嚟就係潮式炸雙棗，分別係蝦棗同蟹棗。呢兩款都係自家手打，鮮香可口。蝦棗外脆內彈牙，蝦肉鮮甜，蟹棗就更加香濃，蟹肉味十足，口感亦非常滑。炸得金黃酥脆，搭配少少自家甜酸醬，味道更加提升。 再嚟就係川椒雞，呢道菜帶有一啲辣味，川椒嘅香氣撲鼻而來。雞肉嫩滑，加埋炸九層塔同配上香辣嘅調味，刺激味蕾，每一口都好過癮。 炒蠔爽就係另一個亮點，鮮蚵肉質鮮甜，加上蔥段同生菜包埋一齊食，既食到蠔仔嘅原汁原味，又食到蔥既香味，口感十分滿意同爽滑。 整體來講，呢間潮州菜館嘅菜式真係值得一試，食材新鮮，味道地道，無論係招牌菜定係小食，都表現得相當出色。下次再有機會一定會再來光顧！

kktzwingc 1 年前

晚餐選擇了灣仔一間新開潮州菜，此店老闆原來是上環老字號尚興潮州菜老闆細仔，而大廚係前百樂廚師，質素有保證，尚文潮州菜走中高檔路線，有高檔嘅鮑參翅肚，亦有正宗潮州菜式，店員會了解客人喜好，唔會硬銷高價菜式，亦會介紹時令新鮮菜。 店員推介點了幾個小菜 大極素菜羹，口感滑溜，啖啖新鮮蔬菜嘅味道，卻係特別清新，問清楚原來主要係用蕃薯苗烹製，幾特別的確係好飲。 九肚魚烙，蠔烙就食得多，九肚魚烙卻係第一次，滿滿嘅九肚魚肉加入蝦肉菜甫煎，煎得好香調味恰當，魚同蝦嘅鮮味同時突出，兩面煎得好脆。 鹵水鵝肝鵝肉，鹵水好香濃鵝肉入晒味，鵝肝係粉肝，食落好滑又甘香，當然唔少得炸豆腐吸收鹵水汁夠晒嫩滑。 潮州小炒王富有潮州風味，西芹、芹菜、椒絲、甘筍絲、菜甫、魷魚鬚、蝦乾、海蜇爆炒非常香口惹味，口感豐富。 最後兩碗潮汕特色糖水，清心丸綠豆爽，其他地方的確好少有食到，好滑溜嘅薯粉，加入去皮綠豆，仲加入銀杏，清甜嘅糖水作為晚餐嘅完美句號。