一本食堂

Jeff Lau 2 個月前

最近試咗觀塘呢間一本食堂，真心推介！佢哋嘅A餐$298位，最正係無限時任食，可以慢慢傾慢慢食，完全唔使趕！ 🥘 先講個花膠雞湯，店員會將成隻三黃雞同厚身花膠放入湯度滾，湯底熬到奶白色，超濃郁鮮甜！一定要先飲兩碗湯食雞，滋補養顏，補充骨膠原～ 🦐 一次性海鮮拼盤有鮑魚、海蝦、生蠔、脆肉鯇、蜆，全部新鮮鮮甜！刺身拼盤有三文魚、帶子同赤蝦，厚切肥美！ 🥩 潮汕牛盛盤新鮮切出，牛味濃郁，淥幾秒就食得；仲有兩粒手打牛丸，彈牙爆汁超正！ 其他火鍋配料、飲品、啤酒都係任食任飲，仲有甜品雪糕！性價比超高，鍾意打邊爐既必試～

Hka Lau 3 個月前

冇味精花膠雞湯底 最頂癮嘅係佢個花膠雞湯底。平時去出邊食出名嘅連鎖店，好多時食完都口乾到要係噉飲水，但呢度主打冇味精，飲得出係真材實料煲出嚟嘅清甜。未滾起配料之前，我先飲咗兩碗湯，啖啖都好濃郁，仲有少少黏口嘅膠質感覺，真係暖胃又養生，單係呢個湯底已經贏咗大半。 潮汕牛肉三款 牛肉方面，我哋揀咗三款精選嘅潮汕牛肉： 牛小排 油花分布平均，入口即溶，牛味好重。 肥牛 肥瘦適中，淥兩淥就食得，口感啱啱好。 手打牛丸 非常爽口彈牙，咬落去仲有少少汁爆出嚟，好有驚喜。 任食海鮮與自助配料 除咗牛肉，出邊自助區嘅海鮮先係亮點。全部都係任食，有**鮮蝦、花甲、脆鯇魚、魷魚**，甚至連**瀨尿蝦**都有！海鮮洗得好乾淨，淥熟之後好鮮甜，特別係脆鯇魚，魚肉爽脆冇腥味。 最後食埋出邊拎嘅丸類、新鮮蔬菜，同埋無限供應嘅雪糕，真係飽到行唔郁。整體嚟講，食材新鮮、湯底健康，以任食火鍋嚟講，性價比真係極高，值得再去！

Chris Tong 3 個月前

收工同朋友去咗觀塘鴻圖道嗰間「一本」食花膠雞湯放題，餐廳環境幾闊落，坐得舒服，啱晒放工輕鬆吓。 我哋揀咗 A餐 $298/位，包咗花膠雞湯、牛肉拼盤、刺身及海鮮拼盤，非常豐富，仲有其他蔬菜及食品可以去自助區任食 湯底一上枱已經聞到好香，再加入鮮雞及花膠，一陣就食得，花膠雞湯飲充滿骨膠原，鮮雞嫩滑，肥瘦適中好味。未食主菜已經飲咗兩碗湯，感覺好滋潤。 · 刺身拼盤: 三文魚、帶子、蝦，新鮮厚切，唔腥，三文魚好肥美。 · 頂級牛盛盤：牛小排、牛肩、安格斯牛板腱，牛味濃，油脂分佈靚，烚幾秒就食得。 · 時令海鮮盤：基圍蝦、白鱔片、鮑魚、蜆、花甲，全部新鮮，鮑魚仲係爽口彈牙。 任食部分包括不同嘅新鮮蔬菜，打邊爐唔少得嘅丸類、魚皮響鈴等等，款式十分豐富。 甜品都唔馬虎，雪糕杯、泡芙、芒果布甸、果凍、和果子，食完熱氣再食杯雪糕，大滿足。

Fish Tse 3 個月前

觀塘呢個地方，對好多打工仔嚟講係「飯堂集中地」，但講到要食得舒服、食得豪，仲要係可以 120 分鐘無限任食，呢間「一本食堂」真係近期嘅心水推介🤤 🔥食火鍋，湯底絕對係靈魂。 🐥今次揀咗佢哋嘅主打「花膠雞湯」。當個金黃色嘅雞湯喺鍋入面滾起，陣陣濃郁嘅雞香撲鼻而來，單係嗰陣色澤，就已經知道老細落足料熬製。 但最震撼嘅，係湯入面嗰幾嚿「巨型」花膠！喺出面放題食到花膠已經唔容易，仲要係咁大件，咬落去口感軟糯滑溜，充滿膠原蛋白，感覺食完皮膚都好啲。 雞肉煮得啱啱好，吸收晒湯汁嘅精華，肉質依然嫩滑，每一啖湯都鮮甜到令人停唔到口。 🤍作為肉食獸，對火鍋肉類嘅要求當然唔會低。佢哋嘅「潮汕牛肉」係必點項目。上枱嗰陣，見到嗰個擺盤就知道師傅功力，牛肉色澤紅潤，油花分佈均勻。只要將牛肉放入滾燙嘅湯底入面輕輕一淥，變成粉嫩嘅色澤即刻夾起，放入嘴入面，嗰種爽脆嘅口感同濃郁嘅牛味喺口腔內爆發，完全唔需要沾太多醬料，牛肉本身嘅鮮甜已經好足夠。 🦐講真，放題入面要見到瀨尿蝦、多種貝類、三文魚頭仲有唔同嘅時令海鮮，真係誠意十足。 瀨尿蝦肉質爽口，淥完之後鮮味滿載；啲貝類清理得好乾淨，放入雞湯入面煮，更加提升咗成個湯底嘅鮮甜層次。 三文魚頭煮完之後，肉質嫩滑，連埋啲骨邊肉一齊食，真係有一種喺屋企飲靚湯嘅親切感。 😗除咗肉同埋海鮮，當然唔少得其他丸類同埋火鍋材料。佢啲款式多到我都食唔晒，雞油豬就基本，仲有各式各樣蔬菜同埋丸，凍櫃仲要有埋幾款日式前菜同嘢飲。120分鐘真係要狂食先食得哂。 🤤唔好以為食完海鮮同牛肉就完喇，呢度嘅熱櫃絕對係「澱粉質控」同「炸物控」嘅天堂。炸魚皮夠晒脆，唔會好似出面嗰啲放得耐變到淋晒。佢估唔到仲有水牛奶糍粑、榴槤炸彈、炸雞、同油炸鬼😳 炸響鈴浸一浸雞湯，索晒啲湯底精華，嗰種「索索聲」嘅口感真係極度邪惡！ 😍最後一定要講下呢度嘅甜品環節，佢哋好有心思，揀咗香港本地品牌嘅雪糕CocoBerry，好似「沖繩鹽」呢啲特色口味，入口鹹甜平衡，完全唔會死甜，解膩一流。 仲有一口甜品同各式小點，擺放得精緻，真係令人有一種好完整嘅滿足感。 食完熱辣辣嘅火鍋，嚟返杯雪糕，冰火交替嘅快感，真係小癲。 喺觀塘想搵到一間食材新鮮、湯底出色、又有本地特色雪糕嘅放題火鍋店，難度其實幾高。 「一本食堂」喺價錢同質素之間拎到一個好好嘅平衡。呢個價錢可以喺 120 分鐘內食到咁多好嘢，真係好高cp值，下次會再嚟😆

Tiff So 5 個月前

📍一本食堂（觀塘）食評｜性價比不錯的花膠雞鍋＋海鮮放題體驗 今次同朋友去觀塘工廈內的《一本食堂》試咗佢哋主打嘅花膠雞鍋自助餐，整體感覺幾滿意，屬於性價比頗高嘅一餐。 🍲 食物質素 我哋揀咗 $298 花膠雞鍋自助餐（兩位共 $596），套餐包括花膠雞湯底、海鮮拼盤、刺身同牛肉等，選擇算豐富。 花膠雞鍋
湯底入口濃郁，有雞香同淡淡花膠膠質感，感覺滋潤不油膩，打邊爐前飲一碗幾舒服。雞肉都算嫩滑。 刺身拼盤（三款）
從相中見到有三文魚、吞拿魚、帶子加甜蝦： 三文魚油脂均衡，口感滑 帶子鮮甜，無腥味 甜蝦新鮮，肉質彈
整體刺身質素比一般放題稍高。 海鮮盤
包括生蠔、蜆、蝦、魚片等： 生蠔鮮味尚可，細隻但勝在新鮮 蜆開口率高，冇沙 蝦肉結實，適合打邊爐
整體屬穩定水平。 潮汕牛肉
牛肉切片薄身，打邊爐涮幾秒已可入口，肉質軟嫩，表現不錯。 --- 💰 價錢 花膠雞鍋自助餐（2位）：$596 加一（附加費/飲品）：$60 總數：約 $656（人均 ~$328） 以有刺身＋花膠湯＋海鮮嚟講，呢個價位喺觀塘算合理。 --- 🪑 環境與服務 餐廳位於工廈內，環境整潔企理，裝修走簡約路線。
座位之間空間尚算足夠，不會太擠迫。