玉桃軒 (觀塘)

bebemi Abe 2 個月前

燒鵝皮香肉嫩，鵝油滲埋入啲飯度超邪惡；叉燒半肥瘦剛剛好，蜜汁好入味！ 點心方面，古法馬拉糕 都蒸得好透，鮮竹卷吸晒啲濃湯精華超正 呢間茶樓食物質素高又夠熱辣辣，坐得舒服

Kristal Chan 2 個月前

蜜汁叉燒包一共三粒，賣相圓潤飽滿，外皮鬆軟帶微微麥香，掰開內裡叉燒餡份量充足，鹹甜調配恰到好處，肉汁豐腴不膩口，經典酒樓水準十足。 香煎蘿蔔糕表層煎至金黃微焦，內裡蘿蔔絲綿密紮實，蘿蔔清香突出，完全沒有粉漿過重的臃腫口感。山竹牛肉球彈牙有嚼勁，肉質新鮮，調味清淡剛好；京式小籠包皮薄透光，咬開瞬間鮮汁迸發，鮮甜不齁，趁熱品嘗體驗極佳。 銀籽燒賣皇餡料飽滿，肉質緊實彈嫩，搭配提鮮魚籽，口感層次豐富。 秘製金錢肚經過長時間炆煮，軟糯入味，醬香濃郁，吸飽醬汁十分惹味。 藥膳浸雞腳膠質豐厚，火候拿捏到位，輕輕一抿就骨肉分離，溫和藥膳香氣滲入肌理，越啃越回甘。

Sandwich Class 3 個月前

#一盅兩件 ☕️ 難得假期，梗係要搵埋屋企人出嚟 #飲杯茶食個包 🫖 輕鬆吓😎 近日天氣不穩，搵啲靠近港鐵站🚇嘅酒樓就最穩陣！媽咪建議我哋去「觀塘鱷魚恤中心」樓上嘅「玉桃軒酒家」，話嗰度啲服務唔錯、#中式點心 又有水準，一於試吓佢☺️ 酒家用咗色彩繽紛嘅鮮花做門口擺設，非常吸睛😘 服務員先幫我哋安排座位，再送上熱茶☕️同餐牌，好貼心❤️ 呢日我哋除咗嗌咗啲點心，仲叫咗碟「媽咪推介」嘅「小炒王」，一於吃個飽😎 ✨小炒王 佢哋嘅小炒王非常足料，除咗滿滿嘅韭菜花，鮮蝦、帶子、腰果、蝦乾... 樣樣齊！每一啖入口都係豐富食材，非常惹味😘 ✨點心✨ 小秘書比較喜歡蒸煮嘅點心，冇咁油膩之餘，仲可以食得出食材天然嘅鮮味😘 ✨花膠瑤柱灌湯餃 湯底鮮味，足料嘅灌湯餃，啖啖都係精華，非常滋味🥰 ✨薑蔥牛柏葉 薑蔥特有嘅香氣，融入爽彈嘅牛柏葉，正宗港人風味😘 ✨濃湯鮮竹卷 包裹住鮮竹卷嘅腐皮，索晒濃湯嘅鮮味，入口啖啖肉，飽肚又好味☺️ 整體服務同食材都令人滿意，媽咪果然冇介紹錯❤️

Anna Leung 4 個月前

地方舒適 食品又出色 同觀塘返工的朋友食lunch， 我話想飲茶，跟住佢就提議去呢間酒樓。 搭𨋢上到去，一入門口就見到好靚嘅打咭背景，還有超大盞的水晶吊燈。酒樓枱與枱之間的有一定距離，旁邊一大排大窗，坐得舒服。 玉桃蝦餃皇 外皮晶瑩剔透，口感煙韌，原隻大蝦爽口彈牙。 藥膳浸雞腳 很多酒樓的湯都是暖的，這裡就不是，上枱是熱騰騰，非常香濃的藥膳香味，雞腳很淋且入味，藥膳湯好味到我們飲曬。 安格斯牛肉腸粉 腸粉外皮嫩滑，用上安格斯牛肉，比一般牛肉嫩滑， 滲着安格斯牛肉的牛脂香氣。 鮮蝦菠菜餃 外皮很薄，已經透出蝦仁和翠綠菠菜，非常誘人。 餡料豐富，脹卜卜。波菜清香和蝦仁鮮甜，味道很好。 虎皮釀尖椒 煎得香口，肉餡先嫩多汁，虎皮不會很辣，沾些少醬油，加添層次。 脆皮燒腩飯 朋友話要食碗飯先有力開工，燒腩仔外層非常脆，肉質 鹹香。 下次約埋朋友返工前食個 - 晨光第一線大優惠。

Falav 4 個月前

裝修得幾明亮，樓底有返咁上下，坐得幾舒服及唔係太嘈雜。 唔係普通食開嘅香茜牛肉腸，而係安格斯牛肉腸粉 ($43)。 腸粉夠滑，厚度適中，包住原片安格斯牛肉，口感幾軟滑，以薑絲代替香茜，配埋甜豉油，一啖一件。 兒時最鐘意食，又甜又香嘅古法馬拉糕 ($36)，得到邊位部份，無被沾濕，入口鬆軟，甜度適中。 想食名貴點心，呢客花膠瑤柱灌湯餃 ($47)應該係代表，真係見到有舊花膠架。 先飲啖湯，味道鮮甜唔油膩；再食個餃就食到有瑤柱絲，菇粒，鮮蝦及豬肉，整體口感好完滿。 醬皇蒸鳯爪 ($39)送到，大約有4-5隻，味道同食開嘅一樣，就是喜歡”輪”腳，有埋炆花生就仲好，哈哈……。 有鳯爪就想食埋佢嘅好拍檔…………豉汁蒸排骨 ($43)，肉肉滿滿又帶住軟骨，無咩肥膏，調味得唔錯，仲有南瓜粒配食。 呢客胡椒鹹菜豬肚湯 ($43)，份量2個人分享岩岩好，仲有位置食其他點心。 胡椒味相當香，帶少少辣度，飲完個身都有少少慶。鹹菜軟硬度適中，入口又唔會好鹹; 豬肚同炸支竹都好食，一碗湯有幾種唔同口感嘅食材。 茶位$13，每碟點心出品都係熱度十足，呢餐茶食得相當滿足。