Another Beans

GoEat818 1 個月前

旺角朗豪坊挖寶！薄餅意粉有驚喜 餐廳裝修幾靚，服務員熱情有禮，仲推薦咗幾道主食，完全冇伏，視覺同味覺雙重滿足！ 📌無花果巴馬火腿薄餅 餅底薄脆嚟帶點煙韌，中間鋪滿鹹香嘅巴馬火腿，配上清甜無花果同火箭菜，仲有焦糖芝士同意大利黑醋提味。入口酸酸甜甜又帶點鹹香，食咗幾塊都完全唔覺膩。 📌日式雞白湯燴貓耳朵意粉 貓耳朵意粉細細粒，好掛汁，每粒都吸滿濃郁嘅雞白湯汁，滑溜得嚟又有嚼勁。雞肉嫩滑，配埋隻流心日式醬油溏心蛋，成碟嘢好滿足。 📌凱撒沙律 賣相幾靚，入面有麵包粒、蘿蔔片、沙律菜，配上芝士碎同沙律醬汁。沙律菜好新鮮，芝士味都幾香，麵包粒好脆口，食落幾開胃。 📌焦糖蕃薯條 蕃薯條炸得好脆，外面有層焦糖脆皮，蕃薯自帶嘅甜味配上微焦糖香，真係一條接一條停唔到口！ 📌荔枝蜜糖桂花慕絲蛋糕 蛋糕上嘅朱古力蜂巢造型好得意，慕絲蛋糕滑溜，入口輕盈，桂花香氣淡雅，荔枝味清甜，食落幾清新。 📌檸檬蜂蜜 酸甜比例拿捏得啱啱好，每口都解膩生津！ 📌白桃烏龍冷泡茶 飲落去陣陣白桃果香，冷泡慢萃出烏龍茶嘅甘醇回甘，清爽順口。 環境舒服，味道細緻，服務又好，係一個可以慢慢坐、慢慢傾偈嘅地方。 #Beans #香港美食 #旺角美食 #荳子 #香港探店

Fung、Oi Lang 1 個月前

入面成個環境都好乾淨清爽，座位唔迫得，望住間店嘅擺設又靚靚 重點係服務真係好好👍🏻 工作人員態度超親切，問嘢都即刻有回應，解釋得好清楚，整體感覺好貼心😚 講返食物🍕🦐 先嚟主食： 無花果巴馬火腿PIZZA🍕 - 個底脆口又唔會乾，無花果同巴馬火腿嘅鹹甜配合得啱啱好 小龍蝦芝士焗通心粉🦞🧀 - 一上枱就已經聞到香味，芝士焗到好滑，味道濃度啱啱好，食落真係食得出師傅有心做嘅手工感👏 再加配小食鐵板蝦油炒小椰菜🥬🦐 - 熱辣鐵板一上嚟「滋滋聲」好治癒😆；小椰菜好清甜，蝦油炒得香而唔膩，份量仲好足，配主食一齊食簡直一絕！ 甜品方面： - 芒果椰子慕絲蛋糕🥭🥥同香橙朱古力慕絲蛋糕🍊🍫都好精緻，外表靚到捨唔捨得食咁，而且甜度控制得好，唔會太膩，味道係「香、順、唔會膩口」嗰種真係好正😋 最後飲品： - 姜母茶☕️同凍檸蜜🍋，一杯暖到心入面，一杯清新解膩。 呢度真係好適合約人食飯、慢慢坐、食得舒服又食得靚靚😍 之後一定會再嚟！🍽️✨

Sharon Kwok 2 個月前

直接行到盡頭 左手邊就會見到~ 邊; 邊暢談 邊品嚐水準穩定的晚餐~ 川式擔擔牛肉醬燴粗管通粉 通粉質感控制得好好, 夠川式 夠濃郁~ 卡邦尼闊條麵＋焦糖芝士 鹹香惹味 又唔漏, 我地都食到唔停口~ 香蒜西蘭花苗 無上次食咁嫩, 但係都好唔錯; 前鐵板蝦油炒小椰菜 好有驚喜, 香口惹味 份量夠, 係encore之選! 焦糖燴梨 呢個好味, 清甜滋潤, 必點! 店員親切友善、餐廳環境企理 坐得舒服 加上 嘢食啱食 上枱又熱辣辣, 會再黎晚飯的~

P F (peggie.dailylife) 3 個月前

這天和朋友去旺角逛街，累了想找個地方一邊坐下休息、一邊輕鬆聊天，於是來到了位於朗豪坊的Beans。 Beans 以親民的價格、精緻的西式輕食與特色咖啡聞名，一直深受年輕人歡迎。店內環境延續品牌一貫的簡約木質風格，搭配柔和的燈光，營造一種溫馨而放鬆的氣氛。雖然位處熱鬧的商場核心，但餐廳內的座位規劃與空間感拿捏得宜，成功在喧囂中營造出一種愜意、寫實的文青咖啡廳氛圍。 ❥ 西京燒銀鱈魚 ($188)🐟 鱈魚表皮烤得微焦，內裡肉質嫩滑，西京味噌的甘甜香味完全滲入魚肉中，味道細緻。 ❥ 西冷牛扒 ($168)🥩 五成熟的牛扒熟度掌握得剛剛好，中間保持粉嫩且鎖住肉汁，搭配綿密的薯蓉與香滑的炒蛋，飽腹感十足。 ❥ 手撕豬肉漢堡 ($98)🍔 手撕豬肉軟腍入味，肉質不乾柴，配上烘得香脆的漢堡包及太陽蛋，口感層次豐富。配菜特別加$5升級成蕃薯條，外脆內軟，帶有天然的香甜味。 ❥ 龍蝦湯 (跟餐+$44)🦞 湯頭濃郁綿密，入口滿是蝦膏的鮮甜與海味，極具層次。 ❥ 黑松露醬薯條 (跟餐+$32)🍟 薯條炸得金黃酥脆，沾上厚重的黑松露醬，松露香氣瞬間在口腔散發。 ❥ 香蒜西蘭花苗 (跟餐+$32)🥦 西蘭花苗爽脆嫩綠，夾雜著濃郁蒜香，清爽利口。 ❥ 焦糖芝士牛油吐司條 (跟餐+$32)🍞 吐司條外層焦糖香脆，伴隨牛油與芝士的鹹甜交織，邪惡感十足。 ❥ 開心果慕絲蛋糕 (跟餐+$32)🍰 開心果味濃郁醇厚，慕絲質地細滑，甜度適中且帶有堅果獨特的香氣。 ❥ 伯爵茶意式奶酪朱古力蛋糕 (跟餐+$32)☕️ 伯爵茶的清新茶香完美中和了朱古力的濃醇，奶酪口感讓整體更柔滑。 ❥ 雙重朱古力慕絲焦糖咖啡撻 (跟餐+$32)🍫 香甜朱古力與焦糖咖啡完美交織，撻皮鬆脆，層次分明。 飲品則點了熱鮮奶抹茶 (跟餐+$32)、白桃烏龍冷泡茶(餐飲)及檸檬蜂蜜(餐飲)，為這頓豐富的午餐劃上了完美句號。

LC Chan 3 個月前

📸 旺角高CP值打卡！Beans（朗豪坊店）嘅午市套餐極具驚喜！ 餐廳喺朗豪坊4樓，food court裏面的店面。門面同格局好靚，間隔寬敞坐得舒服，裏面好多獨立座位。 🥩 西冷牛扒（五成熟）：肉質Juicy夠嫩，牛肉沾蛋黃汁沾都幾好食，薯條夠酥脆！ 🦀 黑松露軟殼蟹意粉：軟殼蟹酥脆，意粉口感煙韌極之掛汁，黑松露香味同蘑菇香味好夾。 🌈 彩虹Latte / 熱玫瑰Latte：彩虹顏色好靚，咖啡味道順滑nutty。 🖤 芝麻熔心配雪糕：壓軸「暖心芝作」！濃郁黑芝麻呈火山式流沙，配埋冰涼雪糕，冷熱交融幸福感爆棚！ 環境舒服、質素高，放假/番工嚟食Set Lunch歎咖啡一流！