Homemadecafe

Wong Rita 1 個月前

走進位於樓上的 Homemade Cafe，木質門面搭配白色磚牆與綠意裝飾，環境舒適愜意，十分適合朋友聊天或悠閒聚餐。店內供應多款西式主食、特色小食與吸睛甜品，今次點選了性價比極高的二人套餐，並額外加點了小食與甜品。 ​主食表現 ​10吋西西里 Pizza 餅底烘烤得恰到好處，外邊香脆帶有嚼勁，鋪滿番茄醬、香腸肉片、蘑菇與大量芝士，上方更放上新鮮 火箭菜平衡油脂感，入口鹹香濃郁，熱氣騰騰時拉絲效果明顯。 ​烤雞蘑菇闊條面 白汁奶香順滑而不膩，均勻包裹著寬條麵。麵條煮得剛好帶點韌度，配料有大塊嫩滑的烤雞肉與鮮香蘑菇，整體調味溫和且口感豐富。 ​特色小食 ​越式炸蟹餅 外層炸至金黃酥脆，咬開內餡飽滿扎實，海鮮鮮味突出，蘸上附帶的泰式甜辣醬十分開胃。 ​椒鹽魷魚圈 外皮裹粉輕盈酥脆，裡面的魷魚肉厚彈牙，椒鹽調味恰到好處，香氣撲鼻，是一道極佳的聊天解饞小點。 ​甜品與飲品 ​雪糕雜果朱古力香蕉厚多士 賣相非常誘人，厚切多士烤得外脆內軟，頂部放上一大球香濃朱古力雪糕與新鮮士多啤梨、香蕉切片，淋滿濃郁朱古力醬。冷熱交融的口感層次分明，甜度適中，為整餐畫上完美句號。 ​奇異果沙冰 頂層以新鮮奇異果切片點綴，沙冰打得細膩綿密，酸甜果香突出，入口冰爽清涼，非常解膩。 ​楊枝甘露 頂部鋪上晶瑩的西柚果粒，芒果果香濃郁順滑，甜而不濁，口感豐厚有層次。 ​用餐體驗 ​二人套餐搭配單點小食與甜品，整體份量非常充裕，食材用料與出品賣相均見心思。店員服務態度親切，出餐節奏流暢。

Ivy Hung 1 個月前

餐廳位於旺角鬧市區, 非常方便。環境都夠闊落坐得舒服。餐廳提供二人,四人和六人套餐, 套餐性價比都高。今次試了餐廳的招牌菜西西里手工Pizza, pizza現點現做, 麵餅有咬口但食落不會覺得好乾, 而且材料足, 口感豐富!蛋黃汁邦尼意粉都同樣出色, 意粉軟硬適中而且配料豐富, 忌廉味濃而不膩。整體上不錯, 下次可以再黎!

Daniel Or 1 個月前

環境舒適清幽 有塊大玻璃可以望到出面☁️ 有好多類型嘅桌遊 可以慢慢坐低傾偈捉棋✨ 薯條新鮮出爐 裡面超級熱🤣 份量好多❗️❗️ 兩個人都食唔晒🫨 炸蟹餅唔係脆皮的 但入面好重蟹味🤤💯 配合泰式辣醬🤓 主食方面 嗌咗個香辣虎蝦海鮮意粉 虎蝦啖啖肉～ 意粉仲有帶子 超濃茄汁味😋 鍾意茄汁嘅一定要試 pizza 揀左西西里pizza 餅皮好鬆軟 係啱啱烤好嘅外脆內軟 窯烤咁嘅香味 而且有好多芝士 食完好滿足 飲品方面～～ 黑森林朱古力 有一球雪糕喺上面🤓 朱古力味好濃 同埋好大杯 單叫$72但跟餐+$25咋❗️ 仲有一壺水果茶 超！！！大壺❗️❗️ 四個人飲都得🤣 裡面好足料 見到啲切粒嘅生果

Funnyyui 2 個月前

星期六約咗一位年幾冇見嘅舊朋友敘舊，而早排有同事試過食呢間Cafe，仲包埋場添。最緊要係向旺角鬧市，唔想諗咁多就一於試吓呢一間Cafe。 雖然細細間，但同一層見隔離仲有個廳，我地坐主廳。一坐低我哋就即刻叫嘢食，我哋兩個叫咗兩個主、食一份小食同兩杯嘢飲。 🍝烤雞蘑菇闊條麵$145: 闊條麵煮到啱啱好，唔太硬又唔太腍。烤雞都幾多件，食得出係雞髀肉，煮得好嫩滑，有少少煎香過，加埋磨菇、洋蔥、青椒同忌廉汁撈埋好好味😋 🍝香辣虎蝦海鮮意粉$172: 超大隻虎蝦勁彈牙，其他海鮮有青口、魷魚、墨魚🦑等等，而配菜一樣有洋蔥、青椒、蘑菇等等，加少少辣汁成碟意粉變得好惹味但唔會好辣。 🍗蜜糖雞翼$58: 我同朋友都好鍾意食雞翼，雞翼焗出嚟仲係熱辣辣，送埋意粉超滿足😋。 🍹楊枝金露、凍檸檬利賓納（跟餐加錢）： 楊枝甘露上面鋪滿哂柚子肉，成杯材料勁豐富，我超鍾意😋。朋友杯檸檬利賓納都好解暑。 🌟呢度環境係幾舒服嘅，又寧靜，我同朋友傾偈傾咗兩個幾鐘先走。

MEOWME 3 個月前

二人套餐都係$398，小食、主菜、甜品一次過滿足晒～ 🦀 炸蟹餅｜配泰式辣醬 外層炸得金黃香脆，入面蟹肉絲絲分明，點埋泰式辣醬食，酸甜辣平衡，開胃之選。 🍕 10吋手拉至尊辣肉腸Pizza 餅底即叫即拉，口感煙韌有咬口～配料有肉醬、辣肉腸、青椒、蘑菇，芝士夠多，辣肉腸鹹香惹味。 🍝 辣虎蝦海鮮蕃茄意大利麵 入面有虎蝦、魷魚同青口，蕃茄醬酸甜開胃，辣度輕微，虎蝦大隻彈牙，海鮮新鮮。 🍞 雪糕伴朱古力香蕉厚多士 $93 厚多士烘得外脆內軟，面層鋪滿朱古力醬同香蕉，加埋雪糕一齊食，冰火口感超滿足！ 🥤 楊枝甘露 芒果味濃郁，柚肉酸甜，西米Q彈，清新解膩。 🍧 翡翠朱古力碎雪芭 薄荷葉、薄荷汁、朱古力碎、奶、朱古力條～薄荷味清爽，朱古力碎增加口感，賣相精緻。