Little Fresh Cafe & Bar

Yuenmei Wong 2 個月前

今日又過咗嚟油麻地彌敦道食嘢，今次係去一間西餐廳-Little Fresh Cafe & Bar。 餐廳主打溫馨簡約的風格，座位舒適。 餐廳嘅晚餐係Set Menu, 我哋揀咗是日餐湯-洋蔥湯同埋精選沙律-藜麥沙律。 洋蔥湯連埋多士，呢個配搭簡直滿分。洋蔥湯香味濃郁甘甜，搭配金黃香脆蒜香既多士，記得將多士點湯嚟食，層次滿分！ 藜麥沙律，沙律菜口感新鮮爽脆，加上藜麥增添不少口感，配埋胡麻醬同埋黑醋，健康又開胃。 主菜揀咗： 韓式玫瑰汁意粉配蜜糖黑醋焦糖特長豬腩肉，就咁聽到個名都好特別。醬汁好濃厚，每一條意粉都掛滿咗醬汁，入口有少少甜甜地同埋辣辣地，好有韓式風味。雖然叫豬腩肉，但係煎得好香脆可口，食到停唔到口。大大條豬腩肉夠晒誠意。上面仲有玫瑰花瓣，打卡一流！ 西班牙風味新西蘭牛西冷扒（7成熟），呢件牛扒，切開見到係完美嘅七成熟，粉嫩肉色好吸引，入口即溶夠肉汁。上面鋪滿酸甜嘅醬料，加上紫洋蔥絲，增添口感，清新解膩，層次好豐富。配菜仲有西蘭花、粟米同香滑薯蓉，整體大滿足，性價比極高！ 配埋杯清爽橙汁同凍咖啡，簡直係完美嘅 dinner，大家經開彌敦道，都不妨過嚟試吓！

PN Momo 2 個月前

以前在舊舖食過晚餐， 現在搬左去彌敦道駿盈大廈更加方便， 更開揚光猛🙌🏻 今次試午餐，價錢好化算， 我成日都覺得Little Fresh ，無論牛扒，豬扒，甚至雞扒，好有以前細個家人帶我去食高級扒房的味道，食物擺盆用心，令到人好想影相打卡😝 今次第一次食蕃茄大蝦燴飯，超鍾意，因為好似意大利海鮮飯咁粒粒入晒味。 最後個甜品，熱嘅Brownie 配雲尼拿雪糕， 最尾溶左嘅雪糕變左chocolate milkshake 咁，一滴都唔想浪費😹 另推介迷迭香芒果菠蘿沙冰，超好飲，老闆專程燃點支迷迭香，佢話會醫頭痛啊，好暖心🥰

Eunice Lam 3 個月前

旺角的樓上Cafe，入座才發現，客戶都是一些輕熟齡的女士，有女兒陪媽咪慶生，有好像一行1／20人的同學聚會，用餐環境挺舒服的。 Set Menu 前菜 🥣是日餐湯：磨菇蓉忌廉湯 配 牛油蒜蓉法包 忌廉湯好Creamy，番西碎好香。牛油蒜蓉包又香又脆。 🥗精選沙律：藜麥雜菜沙律 藜麥／蕃茄粒／西生菜，加上一點千島醬醬，口感清爽開胃。 主菜 🥩西班牙風味新西蘭PS牛西冷扒（8oz）$318 還是按口味點了Medium Rare，不過在這裏應該點Medium 會更好，這裏的餐碟沒有預熱，所以西冷扒沒有餘溫加熱，有點生。西班牙風味就顯現在醬汁之上，蕃茄味濃郁，挺不錯。 🍝韓式玫瑰汁意粉配蜜糖黑醋焦糖特長豬腩肉 $228 豬腩肉很薄很大一片，煎得皮很脆，脂肪又微微的融化，就是韓燒豬腩肉一樣，香酥可口。韓式玫瑰汁微甜，意粉彈牙又掛汁，好味。 餐飲 🍋檸檬水 朋友點的無糖檸檬水，清新微酸。 🍹檸檬伯爵茶 少甜，茶底用上伯爵茶，非常香， 總結，食物不錯，老闆／廚師到店員都是年輕人，但好特別的客源都是輕熟齡的女士，當晚座無虛席，但不會吵雜，我覺得找到自己專屬的客戶真的好重要。

fukfukcouple_foodie 3 個月前

今日晏晝去咗油麻地呢間樓上 Cafe 食 lunch，餐廳喺 11 樓一出 lift 就到！ 望出去開揚舒服環境都幾chill ，我今次試咗兩個lunch set 同埋甜品，連加一埋單 $370，價錢屬中檔，整體質素幾唔錯。👇 🥓 芝士汁煙肉意粉 $78 唔係太過濃郁臭臭的芝士味 芝士汁濃稠度剛剛好，唔會太稀太膩，每條意粉都掛到汁。煙肉煎得香口，好好味！ 🥩 美國帶骨豬扒（我轉咗牛扒） $98 配薯菜 牛扒份量夠大，煎得外層微焦，入面肉質嫩滑，仲有肉汁流出。黑胡椒調味經典好味，配埋薯菜 夠晒飽肚lunch set 性價比幾唔錯。 🔥 火焰蚬 $88 呢個全場最驚喜！上枱職員會專登過嚟點火，畫面好睇又好食，香氣即刻四溢。蚬肉新鮮飽滿，完全冇沙，加入辣椒絲、淡淡酒香同濃郁蒜香，層次超豐富，惹味得嚟又唔會蓋過海鮮本身嘅鮮味。 🍫 意大利朱古力棉花糖爆絲 $68 呢款甜品亦都超級驚喜！感覺好似去咗迪士尼一樣✨ 職員會專登過嚟噴金粉，畫面超夢幻，夜晚食氛圍仲更加靚。朱古力味濃郁醇厚，完全唔會死甜。棉花糖口感層次豐富。入面自家手工製的雲呢拿雪糕，口感細滑，只不過融化得比較快，有啲可惜🥹 💡 總結 整體嚟講，呢間 Cafe 食物質素穩定，上菜速度都幾快，服務都幾好。環境舒適夠靜。下次會想試下佢哋嘅限量慢煮油封鴨脾同番紅花海鮮飯。

T tang 4 個月前

呢間樓上cafe 由前菜、主菜到甜品都好高質 喺旺角紮札7年 果然係有料到呀💯 - 🔸火焰蜆($88) 蜆肉配合「火焰」效果 色香味俱全 入口鮮香同酒香交織 開胃又打卡 🔸是日餐湯 餐湯真材實料 製作一d都唔貓夫👍🏻 湯頭酸甜開胃 仲有好多牛肉粒 伴上蒜香多士一齊食 非常完美！ 🔸炭燒西班牙杜洛克豬梅扒配瑪莎拉甜酒忌廉汁($228) 豬扒選用西班牙杜洛克豬梅扒 7-8成熟就夠 豬扒兩邊煎得焦香 肉質細嫩多汁 非常好高質🩷 餐飲揀咗汽水🥤 鋸扒飲可樂 超爽呀！😎 🔸沙律 沙律菜新鮮爽脆🥗 調味輕爽酸香 非常開胃 🔸Today Special($228) 意粉鹹鮮味同橄欖、蕃茄味混合 當中帶有辣勁 味道層次豐富 啱晒鍾意濃郁口味嘅朋友呀！ 海鮮配料好夠多 有蜆、蝦、魷魚🦑 🔸意大利朱古力棉花糖慕絲（$68） 呢碟甜品視覺同味覺都大滿足😋 上檯時會噴射金箔粉 閃令令超打卡😍 慕絲朱古力味香濃 甜度適中唔會膩 棉花糖燒過 香甜兼有口感層次 🔸檸檬伯爵茶 伯爵茶佛手柑香混和檸檬酸香 落順口清爽