Homeland

E’s Travelogue 1 個月前

今年男朋友搵 AI 幫手搵餐廳同我慶祝生日. 第一間就推介呢度. . 明太子雪山芝士鴛鴦薯條 (HK$88) 份量多又香脆! 上面鋪滿芝士碎. 有齊薯條同微甜嘅番薯條. 好好食. . BBQ醬燒滋味豬肋骨配薯菜 (HK$158) 豬肋骨份量大. 配菜嘅烤翠玉瓜同黃椒好香. 芝士薯蓉仲食到少少薯仔粒粒口感. . 鹹蛋黃臘肉貓耳朵 (HK$158) 貓耳朵好有咬口. 鹹蛋黃配炸到脆口嘅臘肉同芝士, 口味偏重但好特別! 鍾意試新嘢嘅人應該會鍾意. . 無花果伯爵茶奶蓋巴斯克蛋糕 ($118) 食生日飯唔少得蛋糕. 依個巴斯克蛋糕伯爵茶味勁濃. 加錢畫碟畫得超靚. 超啱打卡! . 熱荔枝果茶 (HK$28) 一大壺好抵飲. 仲配埋蜂蜜俾你自由調味. . 整體嚟講, 我好滿意依度嘅食物質素. 有得打卡仲送即影即有相. 提前同餐廳講仲可以安排坐窗邊位添. 嚟依度食生日飯絕對係個好選擇!

Sonia 2 個月前

為咗慶祝公司10周年紀念，我提早預約畫碟服務，希望有個難忘的體驗 今天到達後環境氣氛10分好，是一間非常適合慶祝和紀念特別節日的餐廳！令人非常驚喜！環境舒適優美，配搭靚靚的畫碟服務，簡直獨一無二，打卡一流 畫碟非常漂亮，製作精美，畫家非常有心機，加多$88就有水晶鍍膜可以放於家內擺設，更有紀念價值 開心果杜拜朱古力巴斯克蛋糕 $118 有濃郁的開心果味，芝士味濃郁，而且有少量玫瑰花係表面非常有心思 今天還吃了新奧爾良海鮮盤拼龍蝦汁$518！鮑魚鮮蝦螺龍蝦份量也非常足夠，薯仔粟米蔬菜也有非常健康，這個海鮮盤有豐富的蛋白質和營養！健康有益，而且很好食 食物有水準之外，環境也非常好，視覺藝術味蕾全部有體驗 而且是一間很好氣氛的餐廳，店員有禮貌

P Brian 4 個月前

今晚去旺角Homeland食晚餐，整體體驗比預期更有驚喜🥹✨ 一上枱先被無花果帶子花束沙律吸引，擺盤似花束一樣，超適合打卡，帶子鮮甜，口感清新又有層次。鹹蛋黃臘肉貓耳朵真係好有記憶點，鹹香濃郁，越食越上癮！寶雲酥法式焗田螺配薯蓉都幾有驚喜，酥香同綿滑感配合得幾好。主菜BBQ醬燒豬肋骨夠入味，肉質嫩滑又多汁。 甜品一定要留肚食開心果杜拜朱古力巴斯克奶蓋蛋糕，賣相同味道都在線，再配布甸狗畫碟，儀式感即刻拉滿📸 焦糖布甸拿鐵同草莓椰子乳酪沙冰都好好飲，成餐飯由賣相到味道都好適合約會、慶生同姊妹聚餐💕

Szee 5 個月前

同另一半去咗 Homeland 慶祝 Anniversary，個驚喜真係完全超預期！ 神級畫功：免費做會員就送畫碟甜品，今次師傅畫嘅路飛神還原到唔捨得食，寫埋 Happy Anniversary 儀式感爆燈！❤️ 高質西餐：波士頓龍蝦明太子海鮮 Pizza 同蒜油大蝦酸種麵包真心高質，19 樓高空景觀加埋即影即有相送，性價比極高！

yuenling ho 7 個月前

早前同朋友到旺角慶祝生日，揀咗位於彌敦道19樓嘅 Homeland💕高層設計可以俯瞰旺角街景，環境開揚舒適，個人認為晚上氣氛特別好，適合慶生、拍拖或朋友聚會。 餐廳提供⭐️新生日配套⭐️可播生日歌，仲有新款即影即有相片留念，附上可寫心意的相架，細節位做得貼心，整體儀式感滿分。 無花果帶子花束沙律 花束造型精緻吸睛，賣相出色。帶子鮮甜、無花果清香，大蝦爽口，配上酸甜醬汁，口感清爽有層次，作為前菜非常開胃，份量亦相當充足。 甲羅燒味噌燉飯（推薦） 蟹膏份量十足，拌入鵪鶉蛋及蟹肉後與味噌燉飯完美融合，口感creamy且海鮮味濃郁不過鹹。值得推介。 頂級美國安格斯牛小排配薯菜 （牛肝菌紅酒牛油） 牛小排七成熟處理恰到好處，肉質嫩滑多汁，牛肝菌紅酒牛油香氣濃。 特濃開心果巴斯克蛋糕（半份） 蛋糕質地細膩柔滑，面層鋪滿開心果碎，堅果香氣濃郁，甜度適中。配合生日畫碟服務，視覺效果與味道兼備。 另外，餐廳逢星期一至五午市提供四人同行一人免費及全單免加一服務費優惠，性價比高。