Bella Shine

Kyle Ng 2 年前

牛扒放題好去處👍🏻牛扒迷既褔音 佢地既西冷整得好好食 無論係第一塊定第二三塊都保持到水準 性價比好高！牛面頰肉、雞扒都好出色，肉質鮮嫩！ 連枝豆都好意外驚喜，估唔到用蒜醬去炒係咁夾！

Kuen Lai 3 年前

同大食朋友約食飯，簡semi-buffet就啱哂啦！今次我哋揀左觀塘呢間隱世餐廳喺工廈入面，所以空間非常寬敞，坐得舒服。 120分鐘 牛扒放題成人＄308，仲要包埋海鮮，沙律，甜品及MOVENPICK雪糕任食，真係性價比極高。 牛扒放題menu唔係淨係得牛扒，仲包括 1. 紐西蘭西冷牛扒 2. 燒美國豬肩扒 3. 印度夭多利烤雞扒 4. 烤紐西蘭羊西冷配阿根廷青醬 5. 冬陰功雞柳意大利飯 6. 子薑菠蘿青口茄醬扁意粉 1. 紐西蘭西冷牛扒 我哋鍾意食生啲，所以簡咗3成熟，外面煎到焦啡，入面粉嫩，厚肉多汁，肉味濃郁。 2. 燒美國豬肩扒 有驚喜，平時好少叫豬扒，因為驚鞋颯颯乾爭爭，但係呢塊係好有肉汁，而且醃得啱啱好，唔會比調味料蓋過肉味。 3. 烤紐西蘭羊西冷配阿根廷青醬 我同朋友都覺得呢樣最好食，羊肉仲係粉紅色㗎，肉質軟腍，有羊味得黎唔覺羶，加埋青醬一齊食好夾。 4. 冬陰功雞柳意大利飯 比想像中辣，唔係辣到食唔到個種，我鍾意食辣，所以覺得幾好。冬陰公好惹味香口，酸酸辣辣好開胃。 自助吧包括自助餐區 - 時令海鮮包括皇冠螺，青口同埋凍海蝦，會定時refill。海蝦鮮甜彈牙。是日餐湯濃稠幼滑。沙律新鮮爽甜。MOVENPICK同埋甜品都係任食，係好完美嘅一餐。

Ani MG 5 年前

觀塘工廈西式午餐首選👏👏 隨著年月增長，自問對食物越來越挑剔；重質不重量，不過，事情總有例外的時候。【BELLA SHINE】的口碑向來不錯，加上一直都對西餐充滿愛慕之情，實在沒有拒絕午餐邀請的理由呢！ 【BELLA SHIN】店離朋友公司不遠，亦好近APM位置是在工廈內，入面地方不狹窄相對寬敞，位置便利之餘，環境暗暗也不錯，裝潢貫徹以木色和啡色為主調，牆上亦掛滿各式各樣的裝飾品，另一面，則可看到廚房內廚師準備食物的情形。整體感覺亦非常乾淨衛生。 午餐餐牌有不算太多款選擇，但係簡單又簡潔，好多都岩食，午餐總共有八款。 包括有沙律或湯及自選一款主菜，然後有一杯飲品。都見佢都有啲優惠嘅，就係一點前結帳離座同埋兩點後入座成張單可以有八五折優惠。 兩個人當然揀兩個餐啦揀咗個D餐同埋G餐 D:蘆筍煙肉龍利魚卷配刁草忌廉汁 $92 Asparagus Bacan Sole Roll with Cream of Dill Sauce 當日餐湯係紫薯湯，紫薯湯以細小的咖啡杯盛載著，紫色的食材做成嘅成品真係好吸引，藉助濃湯的薯香味，再濃一點便 perfect 了。 而蒜蓉包也非常好吃喔。 蘆筍煙肉龍利魚卷樣子非常精緻，將露筍放上魚片捲好，煙肉捲好睇又好食，龍利魚魚肉煎得外脆內嫩，牛油味香濃，這樣好像完美的經典法式菜多過似普通西餐，若整體撒鹽胡椒粉調味會更好，再配刁草忌廉汁 ...有什麼效果？ 之前聽刁草忌廉汁係用作煮三色蔬菜，「時蘿」，又稱為刁草；一般跟海鮮類，特別是三文魚配搭；而時蘿跟忌廉汁一起處理時，散發出陣陣特別的芳香，同魚非常夾。而且具有散寒解表之用添。 G:西班牙燒乳豬配乾邑黑椒汁 $128 Cochinillo Asado with Perry Gravy 呢個西班牙燒乳豬配乾邑黑椒汁配菜有青瓜紅、蘿蔔絲、同埋驚喜佢哋自家醃製嘅茄子，帶一點清新嘅甜酸味好似用咗蘋果汁去醃咁，好特別。 燒乳豬，喺世界不同的飲食文化中都有燒乳豬這種菜色，而在中國，烤乳豬是廣東傳統食物的一種。西式又是怎樣？不知道【BELLA SHIN】係唔係即叫即燒但乳豬皮脆不膩口，酥香嫩滑！還有炭香味道，肥瘦均勻，需肉不算多，但一份整個餐是足夠的。 黑椒汁＋干邑(Cognac) 係非常好吃，每一口都是舌尖上绝妙的新體驗。因為呢個汁比平常吃琴的更有層次感。 最後午餐仲會送甜品，menu 冇提及過所以有啲驚喜，果然永遠有甜品做最後嘅一個ending係最開心的。 甜品係每人一粒忌廉牛乳泡芙及一小件芝士蛋糕。 忌廉牛乳泡芙，入口即刻溶化忌廉非常幼滑，唔算太甜幾好食。 反而芝士蛋糕就有少少甜咗啲但係細細件嘅話都冇乜所謂。 成個晏晝食得飽飽一個午餐非常豐富。蠻滿足的。 雖明白了一日之計在於晨，早上一定要空肚吃早餐之道理了！但午餐都非常重要喔！

Nettie Chan 5 年前

隱世工廈品嚐 “酒店級” 美食！一試難忘，性價比極高! **紅酒燴梨。火炙海膽赤蝦沙律。風乾火腿配哈蜜瓜 這是一道超有誠意的set dinner 前菜! 平時哩個portion 及質量應該是散叫才會有吧 Parma Ham和哈密瓜是絕配，關係到它們的味道特點。意大利人很少就這樣吃Parma Ham，因為太鹹，而哈密瓜的清甜正好與鹹香中和，帶出平衡口感, 加上法式紅酒燴梨, 令甜和鹹都能相輔相乘, 相當合襯 特大的阿根廷赤蝦來自南大西洋，阿根廷南部海域，這片海域水質沒有受到污染，因此令這款赤蝦的味道濃郁、肉質爽滑鮮甜，性價比奇高，作為刺身食用最能細味牠的味道！大廚用了炙燒過會赤蝦，外殼帶焦香味很引人食慾。 **松葉蟹肉甘筍薑湯 我是第一次喝湯這麼多蟹肉…開始懷疑老闆會唔會蝕了 香嫩的蟹肉有著濃郁的海鮮味，用來煮甘筍薑湯，不會腥，反而更鮮甜美味 **石燒A4鹿兒島和牛西冷(120g)配櫻花蝦炒飯 A4鹿兒島和牛西冷油花滿佈，輕輕煎一煎表面，以5成熟或3成熟上碟便可。一入口感受到陣陣牛脂香，質感柔軟細膩。 煸出的蔥油香會讓米飯香氣逼人，加上香脆營養的櫻花蝦讓整鍋炒飯又更上一層樓，真的大滿足哦 **荔枝豬肉串 意想不到的配搭，肉帶焦開微脆，咬下荔枝果汁與肉香混和著，把腩肉的油份平衡好，還帶有果香，真心推介要試！ **醬燒活鰻 鱔肉串燒要燒得爽口彈牙，魚皮要夠香脆才好吃，這裡都做得不錯 **軟殼蟹天婦羅 用上了大大隻的軟殼蟹，一口咬下去都是蟹肉軟膏，香口得令人獨食不想分享 **日本活性水飼養育豬鞍 因為太好食，不小心切了一口才拍照….. 日本活性水飼養就係從豬bb時段只餵飼粟米、御冶、麵包等天然食材，連飲用嘅水都係要天然水。食過就知同平時d豬吾同，無凍肉味同血味， 是有機及無激素的健康之選！肉質清爽不帶豬臊味！要有多對食材的了解才會這樣煮食的呢

yan kan 6 年前

環境不錯，座位間距闊落，適合吃飯聊天，不收開瓶費和切餅費，很好！ 坐近茶水位置較多噪音，經常聽到攪拌機聲音，坐對面的朋友聽不到說話； 食物質素大部分也不錯，小食有的小貴， 扒類有時過熟，有時不會； 第一次去時我們覺得服務態度很好，第二次去時母親節聚餐，父母親先到，他們與職員發生了小拗撬，有點不愉快，我到達時已解決，但影響了整體氣氛。 見到很多人點奶昔，但去了兩次也說生果賣完了，有點可惜~ 整體不錯，價錢也合理，會再去。