BKK Thai Street Food

amam 2 個月前

中環格調泰菜之選！ 泰式生蝦爽口配青汁極酸辣開胃；炭燒八爪魚焦香軟腍；辣椒膏炒蜆蜆肉滑溜又惹味，海南雞皮薄肉嫩配油飯都係好選擇 最後飲杯清新Berry Refresher，再食埋芒果椰汁糯米飯，圓滿！

Asura Queen 2 個月前

見餐廳夏日盛宴套餐延長到7月31號，$238一位，包前菜、主食、甜品，用惹味、酸辣嘅泰式料理幫大家消暑開胃，就試試佢啦。 前菜可選海鮮沙律或炸牛柳條：沙律有大蝦、蜆肉、魷魚配粉絲車厘茄，酸辣香齊晒，開胃醒神；牛柳條就有三條，炸得酥脆，內裡仍嫩滑唔油膩。 主菜我哋揀咗泰式炒飯同蝦肉河粉：炒飯粒粒分明乾身入味，牛肉片軟嫩；河粉滑溜，大蝦爽口，加花生豆乾，酸甜醬汁剛好，再灑少少辣粉更加好食。 甜品方面，呢度嘅珍多冰配料相當豐富，竟然有粟米！綠色粉條、粟米再淋上濃濃椰奶，色彩繽紛到望見都開心。 飲品方面需要另外加購，手標綠茶$40，入口有淡淡茶香氣；Watermelon Smoothie $78大大杯，新鮮西瓜打成果泥，呷一啖冰涼誘人！

Dayday Meat 3 個月前

Chill聚泰國風情 📍 套餐份量超足，食物水準高，環境寬闊有泰國特色，價錢合理，無論朋友聚餐定情侶約會都岩！ 📍今次試左夏日限定 Summer Fiesta Dinner $238/位 套餐包小食＋主食＋甜品，份量超足，1人食都好滿足！ 🔺泰式海鮮粉絲沙律 粉絲配香草，魷魚蝦酸辣惹味，清爽開胃必試！ 🔺炸牛柳條 外脆內嫩，肉香濃郁， 完全唔油膩！ 🔺金不換牛肉炒飯 炒飯粒粒分明， 九層塔清香同牛肉鮮甜完美融合，好食！ 🔺泰式炒金邊粉 鑊氣十足，蝦肉彈牙， 酸甜味啱啱好！ 🔺甜品泰式珍多冰 椰奶冰配上綠色粉條， 夠晒泰國特色，甜而不漏! ➡整體Lamlam脷指數 😋😋😋😋(4/5) ➡ 整體評價：套餐份量超足，食物水準高，值得回頭! ➡ Encore指數 ⭐⭐⭐️⭐ (4/5) 📍 BKK • 香港中環鴨巴甸街 35 號 PMQ 元創方 A 座 Staunton 地下 SG09-SG14 號舖

Jeff Lau 3 個月前

中環PMQ元創方入面隱藏咗一間好高質嘅泰國菜BKK，環境充滿泰式復古風格，仲有好多特色卡位同窗邊吧枱，坐得舒服又有格調。店員大部分都係泰國人，食物味道夠晒正宗！ 🥩 炭燒封門柳沙律配米粉跟特色醬汁 全晚最有驚喜！封門柳燒到大約八成熟，入口軟腍，牛肉味超濃郁。底下墊咗大量米粉、青瓜、芽菜、甘筍絲、花生碎同乾蔥，淋上自家製蔥油魚露醬汁撈勻一齊食，味道層次超豐富，清新開胃又夠特色！ 🐔 泰式海南雞（半隻）配泰式油飯 海南雞肉質嫩滑，雞皮爽彈好似啫喱咁，平時唔食雞皮嘅人都忍唔住食埋！蘸埋自家製醬汁，雞嘅鮮味更加突出。油飯粒粒分明，每粒都吸滿黃薑同雞油香氣，邪惡但好好食！ 🐙 炭燒八爪魚配三巴醬 八爪魚燒到有陣陣炭香，口感煙韌彈牙。三巴醬用炸乾蔥、洋蔥、馬拉盞同紅辣椒調製，香口惹味，仲有提鮮作用！ 🦪 辣椒膏炒蜆 蜆肉新鮮大粒，完全冇沙。辣椒膏醬汁香辣濃郁，每粒蜆都掛滿醬汁，非常惹味，送酒一流！ 🥭 芒果椰汁糯米飯 必食甜品！糯米飯熱辣辣上枱，淋上濃郁椰漿，甜香四溢。配上凍冰冰嘅清甜芒果，一凍一熱形成冰火二重奏，口感軟糯，完美作結！ 🥤 Mango & Passionfruit Smoothie 用新鮮百香果同芒果榨汁，入口香甜濃郁，清新好飲！ 🍋 Calamansi Lemonade 柑桔檸檬梳打酸甜醒胃，解膩一流，配濃味泰菜啱啱好！

yi wan 3 個月前

Chargrilled Octopus with Sambal Sauce 炭燒八爪魚配三巴醬 八爪魚處理得宜，口感彈牙，炭燒香氣突出🔥配埋蕃茄同菠蘿酸酸甜甜多種層次，三巴醬帶辣且鹹香，提升整體層次，屬開胃之選。 Bkk Thai Beef Salad 炭燒封門柳沙律配米粉 封門柳燒至外層微焦、內裡保持嫩度，肉味濃郁！配上酸辣泰式醬汁&薑蓉醬，大量配菜蘿蔔絲芽菜醃酸瓜、米粉撈埋一齊食，清爽得黎惹味！ Hainanese Chicken (Half) 泰式海南雞 雞肉嫩滑，皮脂適中，配以偏辣帶蒜香的泰式醬汁，與一般版本略有不同，多了一份刺激感。配搭的泰式油飯超香雞油味，粒粒分明，油香控制得宜，惹味得黎又唔會好油膩，係好食到就咁食唔配其他餸都可以輕鬆食哂一碗既程度。 Wok Fried Venus Clam with Shrimp Chili Paste 辣椒膏炒蜆 以辣椒膏作主調，味道濃郁而帶層次，神奇地唔係好辣仲偏甜，蜆肉又鮮又大隻，加埋九層塔食好適合配飯！！ Thai Mango Sticky Rice 芒果椰汁糯米飯 甜品表現穩定，芒果非常甜👍🏽糯米煙韌，椰汁香而不膩，作結合適。 Tuk-Tuk Journey 味道清新，帶淡淡果香，平衡返整體菜式的香辣感😋😋