CATT Coffee Bar

Nike Kwong 1 個月前

​女朋友玩完 Yoga，又話要帶我去食好嘢。今次嚟到呢間觀塘Cafe，位置特別在要搭𨋢上二樓再落返半層或者橫巷上一層。門口睇落無特別，但係舖內裝修非常精緻，真皮梳化配實木枱，顏色配搭得好舒服怡人，環境我畀足一百分！最緊要係價錢好抵，喺呢個地段簡直係觀塘區打工仔嘅大恩物。原本以為女仔嚟 Cafe 只係求飲杯咖啡食個甜品打卡，點知呢度連泰式嘢食都做得出奇地好味 ​🌭 泰國酸豬肉腸 先嚟個泰國酸豬肉腸，酸酸甜甜非常開胃，肉質筋、瘦、肥齊集，咬落去啖啖肉極有口感。如果你怕歐洲香腸嗰種重酸味，一定要試吓夾塊生菜一齊食，爽脆加酸香，有大驚喜！ 🐟 泰式炸魚餅 泰式炸魚餅熱辣辣上枱，香茅味完美混入魚肉餅之中，點埋泰式辣醬配生菜食，真係食泰菜嘅必選 ​🍛 泰式豬手飯(去骨) 主食方面，去骨泰式豬手飯份量好足，豬手肥瘦適中，炆得極之入味。最正係佢個酸菜超開胃，拎嚟撈飯可以一口氣掃光，伴碟仲有一隻茶葉蛋，食落好開心 🦐 大蝦炒金邊粉 大蝦炒金邊粉食之前記得滴啲青檸汁提味，大蝦爽口有咬口。佢嘅金邊粉唔係大排檔嗰種重鑊氣，但廚師將調味同濕度調整得恰到好處，喺 Cafe 環境食反而覺得啱啱好，完全估佢唔到 ​🥧 葡撻 & 🥣 奇異果 Greek Yogurt 穀物杯 甜品同小食簡直係呢度嘅強項！葡撻係我嘅首推 No.1，咬落去個撻皮係一層一層喺口入面碎開，出面一般好難食到呢種層次，蛋香味又足，甜度適中。想健康啲可以嗌奇異果 Greek Yogurt 穀物杯，配料如奇異果、Granola同青醬全部分開鋪好，可以自由調整濃度。我哋直接全兜撈勻，酸甜濃郁，呢個價錢真係好抵食 ​🍰 焦糖巴斯克芝士蛋糕 女朋友對呢個讚不絕口！面頭嘅焦糖烤到如玻璃般精緻，帶點微微焦香苦味，賣相超吸引。芝士味極之濃郁，最神奇係個蛋糕外層紮實，裡面竟然做到流心效果，功力令人佩服 ​🍵 抹茶鮮奶 飲品嗌咗抹茶鮮奶，打開蓋竟然見到精緻嘅拉花！我哋揀咗走糖轉燕麥奶，口感極之絲滑順口，茶底完全唔澀。食完一堆重口味嘢食之後飲返啖，即刻有種 Refresh 嘅感覺，完美收尾

duckin_foodelicious 2 個月前

琴日食咗一間觀塘嘅cafe，最近新開，有好多優惠🤩 烤雞青瓜沙律配白飯（辣） 佢個青木瓜沙律竟然有一盒咁多，好抵🥗！佢啲沙律酸酸地，唔算好辣👍。啲烤雞外皮香脆，入面好滑，可以配埋甜酸醬一齊食🍗 香葉肉碎煎蛋飯（辣） 啲肉碎唔係好辣，撈飯一流🍚！忍唔住就成盒飯食晒😋，煎蛋半生熟，加埋啲蛋汁撈飯都正🍳 煙三文魚蛋沙律麥包三文治 三文治睇落好似細細份，但食落好飽🫶🏻，入面啲蛋沙律好足料🍳，煙三文魚有少少鹹香🐟 原味糯米雞蛋仔 呢個雞蛋仔外脆內軟，食落又真係同平時嗰啲有啲唔同🧇，咬落好似煙韌啲，好似有少少糯米味🤣 D24榴槤巴斯克芝士蛋糕 聞落都已經好香榴槤味😋，食落榴槤味同芝士味都有，好creamy🍰 焦糖巴斯克芝士蛋糕 好重芝士味，入面仲喺流心🧀，上面有一層脆脆嘅焦糖🤩 葡撻 呢度嘅葡撻做緊買三送一，好抵👍。葡撻嘅酥皮好多層，好鬆脆。入面嘅蛋好滑🤩 雙重朱古力鬆餅 鬆餅好重朱古力味，上面有好多朱古力碎🍫 藍莓鬆餅 鬆餅好鬆化，不過如果再多啲藍莓就好喇🫐 香印提子鳥龍茶+香印提子汁啫喱 香印提子飲落好清甜🍇，好fresh，啫喱份量都好多，好有口感🥤 抹茶鮮奶（凍） 味道好rich，綠色嘅抹茶同啲牛奶嘅漸層好靚，打卡一流🍵

Cool Circle 2 個月前

🥧 葡撻（買三送一） 要趁熱食！外皮係酥皮，蛋漿夠香甜度啱啱好 🐷 泰式去骨豬手飯 豬手滷得非常入味，質感軟腍。加埋泰式酸汁一齊食唔錯；配埋旁邊嘅酸菜食可微酸解膩 🍳 香葉肉碎煎蛋飯 肉碎炒得香濃惹味，撈埋隻煎蛋配飯簡直係一流！旁邊仲有清爽嘅青瓜片，可以中和返啖啖肉嘅膩感 🥛 飲品（加配飲品有半價，好划算！） 黃金鮮奶（有機薑黃鮮奶）：薑黃味好夠濃，仲帶有黑椒調味，感覺微辛，同鮮奶撞埋一齊意外地夾，感覺好滋潤健康 抹茶鮮奶（凍/少冰/半糖/轉燕麥奶）：抹茶香氣幾濃厚，燕麥奶口感更順滑，甜度啱啱好 泰式奶茶（半糖/少冰）：茶味好香濃，甜度調低咗之後飲落好舒服，配埋頭先嘅泰式飯一齊食好夾 🧇 甜品 曲奇妙趣雪糕雞蛋仔：雞蛋仔配埋曲奇雪糕好夾、加埋Oreo餅同朱古力百力支賣相好豐富，啖啖都好滿足！ 焦糖開心果巴斯克芝士蛋糕：呢個必試！開心果味非常之濃郁，蛋糕質地好軟滑，好高質 重朱古力蛋糕：朱古力味道非常香濃，仲有莓果喺底，帶出酸酸甜甜嘅感覺

Chris Tong 4 個月前

觀塘駿業里新開嘅人氣咖啡店「CATT Coffee Bar ☕🐱」 ，可以返工前買杯咖啡醒神，或者週末同朋友坐低慢慢嘆，都係一個好選擇。店舖環境走簡約工業風，輕鬆舒適，仲有不同特色午餐及小食，令人一試就愛上😋 開心果鮮奶熱Latte 🥛🌰，入口香濃帶少少堅果味，飲落暖笠笠好治癒。 香印提子汁配啫喱 🍇，清甜又有層次感，夏天飲一流，解渴又清爽。 佢哋嘅巴斯克芝士蛋糕 🧀🍰 真係必試！有焦糖版同開心果版，前者香甜帶微焦，後者堅果香突出，口感綿密又唔膩。 重朱古力蛋糕 🍫，濃郁幼滑，啱晒最鍾意朱古力既我 葡撻真係大推🥧，仲有「買三送一」優惠，外脆內滑，蛋香十足，抵食又好味👍🏻👍🏻👍🏻 仲有泰式飯 🍛🔥「泰辣豬肉碎飯配煎蛋」豬肉碎炒得香口，配埋煎蛋更有層次，食落好惹味 三文魚蛋沙律全麥三文治 🥪，健康又飽肚，選擇真係多到令人眼花撩亂。 「CATT Coffee Bar」無論係咖啡、甜品定係正餐，都有驚喜，價錢合理，難怪成為觀塘人氣熱點！👍✨

Chi Kit Ngai 4 個月前

最近係官塘行街，見到世貿大樓一樓開了一間coffee bar，地方濶落舒息，有飯食，有輕食，有即調咖啡，仲有精緻甜品，新開張仲有好多抵食優惠。 葡撻$12，新張優惠買三送一$36 表面鋪上焦糖，金黃色的酥脆外殼包著口感軟滑的燉蛋，蛋香濃郁。 香葉肉碎煎蛋飯$62 以豬肉碎加上泰式香料炒香，微辣惹味，刺破半熟太陽蛋後，蛋漿亦會漸漸流出。 烤雞青瓜沙律配白飯$68 雞扒肉質嫩滑又入味，青木瓜吸滿魚露的鹹鮮味，沙律爽脆清新，中和肉食的膩感。 焦糖開心果巴斯克芝士蛋糕 $58 鋪滿自家炒製的焦糖開心果，開心果巴斯克蛋糕口感濕潤細緻，散發純粹濃厚的果仁芳香。 重朱古力蛋糕 $50 朱古力鏡面晶瑩剔透，造型精緻，70%純度夠高，配上酸甜果香的紅莓果醬，中間是柔軟朱古力蛋糕。 原味糯米雞蛋仔 原價 $38，新張優惠 $20 雞蛋仔粒粒圓潤飽滿，烘得外脆內軟，中心位軟糯且具彈性。 檸檬撻 $45 撻皮堅挺而富牛油香，滿口檸檬清新果香，甜度剛剛好。 凍美式咖啡原價 $40，新張優惠$12，非常抵飲，咖啡香氣細膩，口感溫潤圓滑，留下回甘餘韻。 開心果鮮奶$19，原價 $38， 跟泰式飯盒半價。 開心果醬加上順滑鮮奶，入口綿柔，趕上近期大熱的開心果熱潮。 凍蘋果汁$10，原價$20，原價 $38，跟泰式飯盒半價。蘋果汁果香天然甘甜，冰涼清爽。 榛子手工曲奇 原價 $28，新張優惠$18 牛油曲奇質地酥脆，裡面有粒粒榛子果仁碎粒，口感豐富。