Oink oink

Turfy Leung 1 個月前

餐廳以粉紅色豬仔做餐廳名，室內有一幅靚靚花花牆可打卡，少女心即刻返晒黎。 餐牌選擇多，我同老公就叫左個二人晚市套餐，套餐包前菜、餐湯或薯條、飯或意粉、主菜同埋餐飲，好豐富，另外我哋仲叫左個甜品。 法式蝦多士配蜜糖芥末醬：多士炸得夠脆又唔會覺得油膩，入面嘅蝦膠爽口彈牙。沾埋微酸微甜嘅蜜糖芥末醬，好開胃。 椰菜忌廉湯 (是日餐湯)：口感幾滑，椰菜嘅甜味同忌廉融為一體，味道溫和，飲落舒服。 黑松露薯條：熱辣辣上枱，外脆內軟。點埋旁邊黑松露醬好香濃，好好食。 雜錦海鮮意大利飯配番紅花忌廉汁：海鮮份量夠，有扇貝、青口、蜆、魷魚同大蝦，材料幾新鮮，煮得剛剛好唔會太熟太老。飯粒吸滿番紅花忌廉汁，食落有少少咬口，香氣同忌廉比例啱啱好，唔會太滯。 燒紐西蘭牛柳伴紅酒乾葱牛油汁：加38蚊升級，牛柳切開見到粉紅色，肉質軟嫩多汁，牛味都幾重，有口感但又唔韌。紅酒乾葱牛油汁帶點酸香，襯托出牛肉嘅鮮味。旁邊仲有青椒、露笉同薯蓉，食完都幾飽。 凍檸茶：茶唔會好澀，啖啖檸檬味，食完一餐用嚟解膩一流。 半熟芝士巴斯克：甜品碟上畫左oink oink粉紅豬仔做裝飾，好有心機。芝士巴斯克烤到有微微焦香，中間口感幾綿密，仲有流心感覺，芝士味好濃郁，唔太甜，完美滿足。

hkfoodday 2 個月前

今次試咗佢哋嘅 2人 Dinner Set ($428)，食物質素同賣相都超出預期： 🍟 黑松露薯條：一上枱熱辣辣超香脆！沾埋特製黑松露醬，真係食到停唔到口～ 🍵 抹茶 Latte：拉花超級靚，精緻到完全唔捨得飲 🥺 🥗 紫羅蘭蕃茄水牛芝士沙律：色彩超繽紛，搭配百香果蜂蜜汁特別清新開胃！ 🍝 燒甜椒汁虎蝦扁意粉：大虎蝦好有份量！意粉掛滿濃郁醬汁，口感好彈牙！ 🧀 招牌熱溶芝士燒豬肋骨：重頭戲！淋上熱騰騰嘅邪惡芝士醬，豬肋骨嫩滑多汁，香氣撲鼻，超滿足！

Olivia I. 4 個月前

今日去左間應援餐廳 5月係IU, 所以周邊都有她既踪影 有特色！ 但若果你唔係應援既朋友 都可以黎！因為野食都係okay以上=絕對不是空有賣相的打卡店！ 我同老友都大食既。叫左個二人餐 ◇南瓜湯 好有南瓜味、順滑！唔小心清左個碗 ◇粉紅醬脆炸雞肉 🍗 粉紅色的醬汁好吸睛，炸粉啱啱好，雞肉嫩。 ◇熱熔芝士燒豬肋骨 🍖 好大份！超大份！係真大份既！ 豬肋骨入味，加埋左濃郁既芝士，得！配菜係醃青瓜、沙律和薯條，沙律醋同青瓜酸味味，中和左豬肋骨既肉膩感。 ◇蒜辣虎蝦橄欖油意粉 🍝 虎蝦大隻又彈牙，意粉硬度啱啱好，有蒜香味，仲帶有少少辣。惹味！ Souffle 係額外叫既。開心果梳乎厘 🥞 綠色帶有清新感。梳乎厘口感蓬鬆，有啲動L既，配埋開心果醬和碎粒，好creamy 而且好豐富。 叫左2個特飲 我老友就係 牛油果羽衣甘藍奶昔。她話足料，有飽肚感。 我就係鮮果冰茶梳打。鮮果包括左雜果同埋橙片，茶比例係多過梳打，鍾意既。 ​ 2人餐都足夠比3個女仔食

Jeff Lau 7 個月前

【📍觀塘｜Oink!Oink! 】 Lunch time行開裕民坊，試咗呢間Oink!Oink!，環境舒適， lunch set價錢親民，份量仲要幾足！ 🥣 是日餐湯 午餐跟餐嘅龍蝦湯好濃郁，龍蝦味鮮甜突出，飲落順滑creamy～ 🥗 沙律 沙律用上胡麻醬，新鮮爽脆，醒神開胃。 🍝 珍珠帶子明太子忌廉汁全蛋意粉 用上全蛋意粉，口感煙韌有蛋香！明太子忌廉汁濃稠creamy，鹹香十足，每條意粉都掛滿醬汁～珍珠帶子分量多，而且粒粒爽甜，加埋三文魚籽點綴，鮮味層次豐富，食完滿足到想encore！ 🥩 燒紐西蘭牛柳配黑椒汁 牛柳叫咗五成熟，燒得啱啱好，切開粉嫩無血水。紐西蘭草飼牛味道濃郁，肉質軟腍無筋，點埋香濃黑椒汁更惹味～伴碟有烤蔬菜同紫薯， lunch嚟講份量夠晒飽！ 🥤 特飲 菠蘿椰青水沙冰：清甜解渴嘅菠蘿椰青水沙冰，仲加咗乳酪，飲落更加順滑 creamy，酸甜平衡，呢啲天氣飲超爽！ 牛油果羽衣甘藍：健康之選！牛油果creamy，羽衣甘藍打成汁唔會太草青味，清新舒服。 總結 lunch set人均$150左右，有齊龍蝦湯、沙律、主菜同特飲，性價比超高！特別推薦明太子意粉同龍蝦湯， lunch time想食好啲嘅話，呢間絕對值得一試～

XinYue Lin 7 個月前

觀塘站商場除左apm之外,仲有裕民坊架,大家不妨 來探索一下。商場二樓,隱藏著一個粉紅色的童話世 界--Oink! Oink!。推開門的瞬間,彷彿跌進法式花 園與可愛豬豬交織的夢境,不只裝潢IGable,食物同 樣用心,是難得一見的打卡美食寶藏。 主菜亮點:法式紅酒燴牛肋肉意大利飯 這道意大利飯一上桌便香氣撲鼻。牛肋肉燉得極致軟 腍,用叉子輕輕一撥已能分開,肉質保持嫩滑多汁。 紅酒醬汁濃郁醇厚,帶有微微的紅酒酸香與牛肉的甘 甜,完美包裹著每一粒意大利飯。飯粒煮得軟硬適 中,米心帶嚼勁,creamy而不膩口。 早午餐之選:All Day Breakfast 這份全日早餐份量十足,內容豐富得讓人驚喜--牛 油果、煙肉、班尼迪克蛋、蕃茄、磨菇,還有梳乎厘! 班尼迪克蛋流心度完美,荷蘭醬酸甜適中;煙肉煎得 焦香;牛油果新鮮軟滑。最特別的是以梳乎厘取代傳 統的麵包或多士--梳乎厘質感輕盈軟綿,入口有空 氣感,微微蛋香與甜味,與鹹香的配料形成絕妙對 比。這份創作版的All Day Breakfast,既滿足視覺, 也滿足味蕾。 暖胃前奏:磨菇餐湯 餐湯磨菇味濃郁,口感順滑 creamy,入口能嚐到磨 菇的天然香氣與細碎顆粒,足見真材實料。作為開 場,恰到好處地喚醒味蕾。 特飲驚喜:超大杯的滿足 兩杯特飲都超大杯,上桌時讓人眼前一亮--份量十 足,性價比極高。 火龍果芒果酸奶昔呈現火龍果的深紫紅色,入口是火 龍果的清甜與芒果的濃郁果香,交織著酸奶的微酸與 滑順,口感層次豐富。打卡一流之餘,味道也相當 refreshing。 焦糖脆脆咖啡則是咖啡愛好者的心水之選。咖啡香醇 濃厚,面層鋪滿焦糖脆脆,每一口都喝到咖啡的甘香 與焦糖的甜蜜脆脆,口感與味道兼備。 Oink! Oink! 從環境到食物,都貫徹了「夢幻」二字。 粉紅豬豬主題配法式花花佈置,每個角落都是打卡 位,少女心大滿足。食物水準整齊,無論是意大利 飯、創意All Day Breakfast,還是超大杯特飲,都看 得出用心。店員服務親切,環境舒適,是閨蜜聚會、 情侶約會的理想選擇。餐廳是寵物友善,可帶同毛孩 一同到訪。 同場有一枱客人慶祝生日,店員好比情緒價值,即刻 將背景音樂改播生日歌