茶皇殿 (旺角店)

cici Cheung 1 個月前

有數款係特價野但只可選一,味道ok但不夠熱，但糖水只芝麻糊不好吃係水開的 不過不失吧

WY Kwok 8 個月前

茶皇殿 (旺角) 旺角奶路臣街33號依利大廈2樓 收工同朋友揀咗嚟到旺角奶路臣街嘅茶皇殿晚餐。趁住天氣開始凍，我哋就決定嚟呢度試嚇食羊腩煲🐐🍲暖暖身😋 餐廳環境係傳統🇨🇳中菜廳嘅格局，今次我哋叫咗古法雙冬羊腩煲（HKD 298）, 另外仲有加HKD 1可以揀一款燒味，而我哋選擇咗乳鴿🪿（另外見隔籬幾枱都係多數揀燒鵝亦都好吸引）。兩道菜小編同朋友都覺得有驚喜,而且份量十足，CP值好高！ 羊腩煲採用咗黑草羊🐐，肉嫩而但味道濃郁不帶羶味，皮薄而且膠質豐富。配料方面，冬菇🍄‍🟫枝竹煮得剛好，而且吸收咗由南乳、柱侯醬同各種香料熬煮而成嘅湯底精華；冬筍馬蹄清脆爽口，為整道菜增添多份層次；另外生菜🥬亦都增添清新，有助中和油膩嘅作用。另外，食羊腩煲當然唔少得要叫兩碗白飯🍚🍚撈汁食！ 至於乳鴿🪿一定要趁熱食，就會品嚐到皮脆肉嫩，啖啖都有豐厚的肉汁，令人食得停唔落口。相信另外兩種燒味都會非常高質！

Pang Nga Wing 10 個月前

天氣凍，就會想食羊腩煲，見到旺角呢間新派酒樓已經推出咗，叫返一煲，羊肉同生菜份量十足，相當抵食 作為羊腩煲嘅愛好者，我都覺得呢個古法雙冬羊腩煲確實有驚喜。用上黑草羊腩，炆得夠晒時間，肉質鬆化得嚟唔會太韌，冬菇同冬筍吸盡湯汁精華，枝竹仲保持到少少口感。雖然我唔算太鍾意食馬蹄，但係真係幾甜。個汁底醇厚，帶啲南乳同柱候醬嘅香氣，果然係傳統做法 燒鵝水準都幾好，皮脆肉嫩係基本，咬落去仲有肉汁。鵝肉醃得夠入味，酸梅醬嘅酸甜度亦都調得幾平衡，唔會搶咗燒鵝本身嘅味道

sylgpsnac 10 個月前

今日同阿仔叫咗個茶皇殿套餐（$298），主菜係古法雙冬羊腩煲，再加$1配燒鵝皇，茶芥全免。羊腩煲選用黑草羊，炆得夠火候，羊腩鬆化得嚟唔會太羶，冬菇同冬筍吸飽湯汁，入味之餘保留咗本身口感。隨煲附送生菜同枝竹，浸透湯汁後更加好味。 燒鵝皇皮脆肉嫩，雖然只係加$1，但份量合理，鵝肉唔會太肥，蘸少少酸梅醬更加開胃。套餐跟白飯同熱飲，整體性價比唔錯。

Kai-Chieh Tsao 1 年前

在這家店點了不少港式點心，都蠻好吃的～ * 蟹籽燒賣皇（$40.8）：好吃！蝦子又大又鮮又Q彈！ * 豉汁蒸鳳爪（$32.8）：調味得很好，而且鳳爪的肉還算不少～ * 鮮蝦腐皮卷（$40.8）：外頭煎得酥酥的，裡頭的料也很實在，非常喜歡！ * 蜜汁叉燒酥（$32.8）：還不錯，但感覺可以烤得再酥一些、裡頭的叉燒再多一些😅 * XO醬炒蘿蔔糕（$57）：蘿蔔糕又軟又水，而且裡頭真的可以吃到大大的蘿蔔塊，私心覺得如果XO醬可以再辣一些些那就更好了😆 話說這家店的茶是要錢的（根據人頭收費：$13/人），而且最後還會額外收取一成服務費⋯just an FYI.