泰Grill (Basehall)

charity chan 8 個月前

唔收現金已經超唔方便 menu寫去骨海南雞飯，成碟都係骨 啲飯仲要好似隔夜咁

Christie T 1 年前

豬肉船麵 $75 先說湯底 - 偏甜，雖然顏色好深，但係唔香濃，需要外加辣椒才能令味道勉強可接受 配料 - 豬肉片是用鬆肉粉招呼過的貨色，簡單來說就是閉上眼會不知道自己在吃什麼肉 總結，沒有下次

Kat Kat 2 年前

擺到成枱都系我鐘意嘅嘢食真係超開心🥳之前試過佢哋將軍澳分店已經覺得唔錯，原來中環都有分店👍🏻我哋星期六去到，可能好多上班族都放假，所以人唔太多。雖然係food court但其實坐得好舒服，店員同我哋傾吓計同介紹吓食物，又會講吓佢喺泰國嘅事（佢係泰國人嚟），成件事好似去咗泰國🇹🇭食嘢咁，好開心🥰 我哋試咗好多嘢，串燒、豬手飯、海南雞飯、芒果糯米飯…全部都好滿意，串燒係外面香口，內裡肉汁滿滿👍🏼豬手又淋又份味，雞飯嘅雞肉啖啖肉，雞油飯唔會好油膩，但又keep到黃油飯嘅香味，甜品都唔錯，2款糯米飯都香甜軟糯，芒果好甜。我哋試埋蝦餅同飲品，全部都無令我失望👍🏼

Heagirls Food 2 年前

一直聽聞中環怡和大廈Food Court有不少高質餐廳，今日與同事收工去一探究竟 Food Court空間寬敞，環境舒適，微黃燈配懷舊梳化凳，整體氣氛奢華舒服 今次就試了泰國餐廳Thai grill，員工友善親切，食物味道不錯，份量充足，以中環地段而言晚餐性價比十分高 泰國船麵 $68 泰國傳統麵食，份量十足，選了雞肉 湯底味道濃郁帶少許甜，麵條彈牙，幼滑掛湯 雞片及豬皮的口感不錯，搭配香草，增添層次感，整碗麵食好開胃 香葉肉碎煎蛋飯 $85 泰菜必點，炒肉碎濕潤有獲氣，辣度剛剛好，不常嗜辣的朋友都吃得到；戳穿太陽蛋，飯搭配著蛋液吃，口感豐富好惹味 烤豬頸肉 $88 豬頸肉烤得剛好，外皮帶少少焦脆，肉質軟腍不乾，配上獨特酸辣醬汁，更具泰國風味 炒通菜 $72 用了莖比較幼身的旱通菜，口感較嫩滑爽口，炒得有鑊氣；加了泰式黃豆辣醬、紅辣椒及麵豉醬等調味，味道香辣鮮味且帶點清甜，佐飯一流 芒果糯米飯 +$48 糯米飯砌成心形十分有心思，芒果有半個，椰子奶夠椰子味，甜度剛好，可以解辣解膩又不會過分死甜 泰式奶茶 +$20 點餐時店員說他們的泰奶超好賣，的確與外面的不太一樣 比平常泰奶少了甜度，味道比較溫和，奶香突出，配上淡淡茶香味 -總體評分- 環境：9/10 食物：8/10 服務：8.5/10 抵食：8.5/10 📍泰Grill (中環) 中環康樂廣場1號怡和大廈LG樓BaseHall 01

christine mother 2 年前

如果唔係朋友講都唔知道怡和大廈開咗新嘅food Court(其實都好耐🤣），今日約咗喺中環返工嘅朋友放工一齊食飯，佢就帶咗我嚟呢度。 原來下面個food court非常之大，仲分咗一期二期，我同朋友都幾鍾意食泰菜，就揀咗其中一間餐廳「泰Grill」。 就算晚餐時間，佢都提供套餐，喺中環區嚟講非常之抵食👍 我哋一齊揀咗冬陰功雞肉湯麵，食麵最緊要個湯底熱辣辣，佢個湯底就唔算係好辣，反而有少少酸酸地幾開胃，另外我哋仲嗌咗個蒜蓉包，個蒜蓉包幾香脆，朋友話用嚟點湯食就一流！佢個面好足料，有啲芽菜、菇、車厘茄等配菜，無論係雞肉定係粉麵都係非常之足，夠我哋兩個女仔一齊分享！ 我都嗌咗一個菠蘿海鮮炒飯，餐廳擺盤一流，菠蘿除咗燒過，仲有好有心思，佢原舊菠蘿上之外，仲會幫你切開一粒粒，海鮮款式好多，非常之彈牙，仲有唔少肉鬆，加埋炒飯一齊食，完全唔夠分👍 另外我哋都好鍾意食芒果糯米飯，完全冇諗過咁有心思，佢個糯米飯整成心心形，嗌咗兩個相同既甜品，佢俾咗兩個唔同嘅顏色心形我，非常之有心思！ 飲品我地就嗌咗椰奶，同青檸梳打，大大杯夠我同朋友傾一晚偈飲！ 🚩（Main) TOM YUM NOODLES SOUP $78 +Chicken $15 ✣ (Drink) LIME SODA +$35 ✣ (Snacks) MANGO STICKY RICE +$48 🚩 （Main) PINEAPPLE AND SEAFOOD FRIED RICE $128 ✣ (Drink) COCONUT MILK +$35 ✣ (Snacks) MANGO STICKY RICE +$48 🚩 GARLIC BREAD $38