HANA Korean Restaurant

Yan Wong 1 年前

位於尖沙咀金巴利街的「HANA Korean Restaurant」，係一間由韓國釜山大廚主理的餐廳。店內裝修簡約舒適 餐牌上主打韓式粥，熱烏冬及餃子等等，定價適中 人蔘雞粥 以大米及高湯熬製而成的粥，當中仲有雞肉、人蔘、香菇、紅棗、洋蔥及紅蘿蔔粒等等配料，好足料！粥口感濃稠，有啲似bb食嘅糊仔～口味清淡，有助消化，帶陣陣人蔘的甘味 韓式牛肉烏冬 烏冬頗幼滑，幾掛湯，口感不錯👍🏻湯裏面加咗海帶、豆腐皮、炸麵粉碎等，增添口感 韓式牛肉係另外碟上的～肥瘦適中的牛肉，搭配洋蔥、椰菜及紅蘿蔔絲，健康美味 蒸韓牛餃子 合共有五隻餃子，每隻都飽滿又大件，充滿肉汁及牛肉香，正呀

Gladys Mak 1 年前

最近我又走到小韓國街，發現咗一間主打釜山粥的小店。呢間店嘅裝修粉紅色為主，燈光鮮明，設計簡潔又可愛，真係好吸引！而且由韓國人主理，提供嘅全部都係釜山風味，特別之處在於佢哋嘅泡菜係用自家家族食譜，加入咗生蠔同魚露醃製，味道非常獨特。

Ming_Course 2 年前

【韓式料理！傳統韓式粥品．釜山大廚親自主理｜釜山鮮鮑魚粥．韓牛煎餃子．泡菜五花腩烏冬】 #MC帶你去尖沙咀 . 尖沙咀係韓國菜嘅集中地，遍佈大大小小嘅韓國餐廳。而依間地鋪嘅韓國餐廳，以比較罕見嘅韓國粥品作為招徠，有十一款不同口味嘅韓粥任君選擇。 ➖ ✨ HANA Korean Restaurant . 餐廳主打正宗釜山粥品、韓式餃子和烏冬；裝修走新派簡約風格，牆身用上粉色色調，營造出少女浪漫嘅格調。 ➖ 🥢 釜山鮮鮑魚粥 ｜$138 ✨人氣之選✨ . 跟足傳統韓式做法炮製，韓粥水份較少，粥底會比較綿滑濃稠，飯粒口感得以保留，類似意大利飯risotto嘅口感；而且有芝麻油提鮮，味道香濃；搭配鮮韓國鮑魚薄片，肉質彈牙而且鮮味無比！ ➖ 🥢 泡菜五花腩烏冬｜$118 . 賣相十分精緻吸引，烏冬掛喺筷子上，造型幾特別！另上嘅泡菜五花腩，韓式風味十足；湯底以木魚及魚骨熬成，湯頭清甜，更有腐皮絲為配菜；烏冬質地偏幼滑煙韌，整體味道不錯。 ➖ 🥢（煎）韓牛餃子｜$82／5隻 . 即叫即煎！煎餃呈微微金黃色，餃子十分飽滿足料，餡料由韓牛肉製成，外脆內嫩！ ➖ LOTTE 甜米露｜$25 . 飲品全部都係韓國原裝進口罐裝飲品，非常地道。 ➖➖➖➖➖➖➖➖➖➖➖➖➖➖ ⭐整體︰8.0/10 ⭐食物︰8.5/10 ⭐環境︰8.0/10 ⭐價錢︰7.5/10 🟰🟰🟰🟰🟰🟰🟰🟰🟰🟰🟰🟰🟰🟰 📍 HANA Korean Restaurant 地址：尖沙咀金巴利街1E號地舖 交通︰港鐵尖沙咀/尖東站 B1 出口 🟰🟰🟰🟰🟰🟰🟰🟰🟰🟰🟰🟰🟰🟰 #Ming_Course #油尖旺區美食 #尖沙咀美食 #尖沙咀好去處 #香港美食 #香港探店 #尖沙咀 #HANA #韓國菜 #香港韓國餐廳 #香港韓餐 #香港韓國餐廳 #韓式料理 #韓國料理 #韓國粥品

hahaha ilikeeating 2 年前

📍HANA Korean Restaurant📍 成日經過呢度都見到呢間韓餐好多人排隊，今日趁冇乜人就入咗嚟～ 餐廳唔算好多款式選擇，主要都係正宗釜山粥、烏冬同餃子。 🍽️HANA烏冬 $98 餐廳signature之一，打卡一流～烏冬掛喺筷子上，口感爽彈。 配搭類似蘿蔔絲製成嘅炸物～不過浸淋咗失色咗啲 （唔知正宗係咪都係浸住食） 🍽️釜山鮮鮑魚粥 $138 香港好少地方有韓國粥食，味道調味啱啱好，可以另外配辣魷魚食～呢度嘅鮑魚粥係白色，同之前係韓國食埋鮑魚內臟嘅有啲分別～ 🍽️蒸韓牛餃子 $82/5 一定要食嘅韓式餃子，餃子皮厚得嚟唔會硬，反而口感好好，內餡食落甜甜地，幾彈牙～ 地址：尖沙咀金巴利街1E號地舖

Joyfull Foodstagram 2 年前

尖沙咀金巴利街有好多韓食餐廳，所以都有韓國街之稱，不過之前去過一間中咗伏，睇食評都麻麻就無點再去，不過有次想食韓國野又唔想食炸雞咁熱氣，見到呢間有韓國粥就去咗試下～ 同埋有睇開我哋嘅食評都應該知我哋有幾鍾意食餃子😍 其實都有掛住之前喺韓國食過嘅蒸餃子！ 呢間主要得3大類別嘅選擇：粥、烏冬同餃子，選擇唔多，但如果想食下韓國粥同餃子都有幾多味道可以選擇😌 前菜有兩款，一款係泡菜魷魚，一款係醃甜蘿蔔，兩款都幾好食，泡菜魷魚都幾辣，但辣得好過癮🤪 • 🥢 泡菜章魚粥 $128 呢個粥一啲都唔寡！呢間嘅韓國粥比我哋一般食嘅中式粥杰啲，啲米無煮到咁爛，有啲似飯仔，而且泡菜味啱啱好，唔會覺得太辣/太搶，而且入面仲有啲紅蘿蔔粒、西芹粒同章魚粒！ 🌟推薦度： 8.5/10 • 🥢 蒸泡菜餃子 $78/5 呢款係韓國常見嘅蒸圓形餃子，好鍾意呢款半透明嘅皮，咬落有啲煙韌，包住滿滿嘅餡料，泡菜餡就係想像到嘅味道，但個餃子皮超加分！ 🌟推薦度： 8/10 • 🥢 煎韓牛餃子 $82 3款餃子入面呢款最有驚喜！本身以為係普通牛肉餃子，點知食落牛味好濃，牛肉餡料好滿，餃子皮兩邊煎到好脆！只係略嫌油啲啲，但配粥嚟食，唔怕啦🤭 🌟推薦度： 8.5/10 • 🛎整體評分 賣相：8/10 環境：8/10 衛生：7/10 服務：7/10 價錢：6.5/10 CP值：7.5/10