Hoiyou

Piggy 1 個月前

嚟過呢度幾次，幾適合同家人朋友食飯。不過每次質素都有啲參差，有時覺得勁好食，有時食到好失望。 今次係好食的，椒鹽魷魚鬚、炸子雞、蠔餅都好香脆。芝心咕嚕肉幾特別。 秘製蟹黃醬海皇炒飯好食，炒飯炒得乾身、粒粒分明，加上蟹黃醬汁同多種海鮮，好滿足！黑松露滑蛋炒蝦仁就每次都會嗌，好香黑松露味，蛋夠滑，仲有蟹柳，撈飯一流。脆米金沙炒翠玉瓜都超級適合送飯，蛋黃金沙醬好好味。 整體嚟講，食物價格平，又好食。不過有一次，嗌返類似嘅餸，翠玉瓜好似冇煮過咁；芝士大蝦伊麵，比街邊嗰啲小店仲差，同老細反映之後，話係員工問題，會改進。 希望之後食物質素會穩定啲～

Mic H 3 個月前

去海悠一定要叫炸子雞，抵食又好食。外皮炸得非常金黃香脆，雞肉保持到嫩滑有肉汁，完全唔會覺得乾柴，而且只係$68，勁抵 脆米金沙炒福花，一黎到已經好香，睇落已經滿滿鹹蛋黃，好足料！鹹蛋黃嘅鹹香，包住爽脆嘅福花，鹹甜適中，好特別 芝心咕嚕肉好有驚喜，外面裹滿酸甜醬汁，外皮微脆而肉質彈牙。最特別嘅係，每粒入面都有芝士，一咬落去，啲芝士就爆出黎，邪惡得嚟同咕嚕肉本身嘅酸甜味出奇地夾 海悠嘅小菜又平又多款，性價比勁高，好高質

siufung lee 5 個月前

五一假期，偶然就來到海悠，簡單點了三道菜，就吃出大廚手藝👍 🥩 美極安格斯牛粒炒飯，牛肉粒軟嫩多汁，飯炒夠干身，炒出鑊氣 🥬 蒜蓉炒菜心 菜心翠綠爽脆，看似簡單的炒菜心，反而最好味😋 🍳 黑松露滑蛋炒蝦仁🍤 滑蛋炒絲柔嫩，蝦仁彈牙鮮甜

Jetso Yau 5 個月前

海悠 隱藏於觀塘駿業熟食市場一樓大排檔「海悠」，一連幾個舖位，還有冷氣開放，環境舒適，多得朋友帶路先食到獨特的鑊氣小炒、海鮮美食。 黑松露滑蛋炒蝦仁：炒蛋嫩滑，蝦仁大大粒，新鮮彈牙，散發黑松露香氣。 脆米金沙炒福花：福花口感爽脆，外層鹹蛋黃起沙，鹹香中透著奶香，還有脆米香脆，層次豐富。 瀨尿蝦櫻花蝦海皇炒飯：即叫即炒，製作需時，新鮮熱辣，海鮮味撲鼻，配料豐富，有瀨尿蝦、蝦仁、櫻花蝦、魷魚、帶子、翠玉瓜等，炒飯粒粒分明，乾爽香氣十足。 海悠 (觀塘) 觀塘駿業街67號駿業熟食市場1樓52-53, 56號舖 #海悠 #觀塘美食 #駿業熟食市場 #大排檔 #海鮮

SK Leung 6 個月前

同事介紹呢間餐廳出名足料抵食，午飯就跟佢哋去咗食，餐廳喺熟食中心，環境整潔，位置寬敞有三個舖位。 秘製蟹黃醬海皇炒飯 $58 炒飯味道比較濃，好多嘅蟹黃醬鋪喺面，入邊有大蝦、帶子、魷魚同翠玉瓜，每啖都食到海鮮同蟹黃醬嘅味道，性價比好抵食。 黑松露滑蛋炒蝦仁飯 $58 炒蛋好滑，除咗面頭嘅松露粉，炒蛋入便都加咗好多松露醬，黑松露味道好香，入邊除咗有大蝦仲放咗啲蟹柳，好有家常菜嘅風味。 脆米金沙炒福花 $98 我哋另外點咗碟蔬菜炒福花，即係類似椰菜花，估唔到加埋鹹蛋黃係超級好食，福花本身已經好掛汁，食落好濃鹹蛋黃醬同埋蛋黃碎嘅味道，入邊仲加咗唔少脆米，增加咗佢個香脆口感。