Isshouya 一匠屋 (Mong kok)

Vianna Chan 1 天前

旺角新開平民日式食堂🍜人均$90+食到超豐富日式定食＋熱辣辣烏冬😱性價比高嘅選擇👍🏻味道有驚喜，超抵食💯 推介3️⃣款👇🏻 極推介✅辣醬芝士燒豚烏龍麵好邪惡🍜 超多芝士碎喺豚肉面，食到豚肉有微微嘅炙燒味😍烏龍麵好掛汁，微辣香濃，食落超級過癮！ 🍲壽喜燒牛鍋湯底偏少鹹，牛肉好吸汁偏肥，配埋豆腐、蔬菜等，好入味❗烏冬口感彈牙，食完好暖胃😚 🍢 吉列雞軟骨炸到好脆口，有咬口🥳即叫即炸熱辣辣，唔油膩！

Regina Fung 1 天前

為咗明太子而來嘅一間旺角新開洋食屋。 有兩款唔同嘅明太子烏冬，必須要全部都試一試。 🐖明太子冷烏冬with吉列豬扒 必須一提，佢個吉列豬扒確實出色。本身有少少後悔叫咗，因為驚佢炸到好嚡好乾好實。點知佢仲好食過吉豚屋。夠晒鬆軟。 冷烏冬明太子味唔重，不過配埋啲酸酸地嘅汁，夏天食都幾開胃。 🍜明太子奶油烏冬 加咗一小塊牛油增加烏冬嘅絲滑程度。奶油味比明太子味更重，成碗嘢都有小小罪惡感。不過食嘅時候小心啲，好易俾佢彈到成身都係汁😂😂 值得讚賞嘅喺，呢度有一大支蛋黃醬放喺枱面，俾人隨便用。出面好多餐廳都要加$3先有一小碟㗎🤫🤫

f foodie 2 天前

這次來到位於旺角豉油街的「一匠屋」，主打壽喜燒烏冬及燒物，屬於平民路線的日式小店。🍲✨ 壽喜燒牛肉配烏冬 🥩🍜 湯底甜鹹平衡，不會過分甜膩。牛肉帶有油香與肉味，蔬菜充分吸收壽喜燒湯汁，十分入味。烏冬軟糯而有嚼勁。整體表現穩定，是會想再次點選的一道。😋 辛辣芝士燒牛肉烏冬 🌶️🧀🍜 一上桌，芝士味十分濃郁。辛辣醬的後勁慢慢滲出，燒牛肉帶有少許焦香，與芝士頗為搭配。🔥 脆辣雞軟骨 🍗🌶️ 炸至金黃酥脆，咬下時有雞軟骨的爽脆口感，辣粉味道濃郁，但不算太鹹，非常適合佐酒。🍺 若想品嚐水準穩定的壽喜燒烏冬，可選擇「壽喜燒牛肉配烏冬」；口味偏重、喜歡芝士與辣味的人，可以嘗試「辛辣芝士燒牛肉烏冬」；而「脆辣雞軟骨」是不錯的小食選擇。👍

Ringo Wong 上次編輯：1 天前

飯量比較少，男士會唔夠。 牛肉質素都幾低，只係一般街市買到而且係比較平價嘅肥牛，並且非常多筋同十分多肥膏。“激量醬燒牛肉飯”嘅牛肉十分多，但全熟所以相當嚡同柴。 附上嘅湯除咗鹹味之外冇乜味。 附上嘅沙律份量大約係一啖。 加$9嘅飲品比較細杯同埋比較淡。 十分滿分的話我會畀三分。

tom tom 5 天前

滑蛋豬扒牛肉飯味道幾好嘅，豬扒都係即炸，但係牛肉就比較難咬開。 但個壽喜燒牛肉鍋真係唔掂。 先講湯底，毫無特別，得少少甜味，淡而無味。 而且牛肉相比滑蛋飯嘅更難咬開。 入面的菜食到最後都仲係好生。 另外兩個套餐嘅麵豉湯都係非常非常淡。