古今二 Kokon

Nicole CW Sun 4 個月前

公司樓下開左間創意日式居酒屋，趁放工就帶埋個妹一齊食晚飯，順便慶祝生日🎂 叫左個豆腐野菜沙律，沙律份量多，望落色彩繽紛，豆腐軟嫩，沙律菜新鮮爽脆😂，中間仲有中華沙律。作為前菜，抑或食完炸物後解膩都係一流嘅選擇 然後叫左辣味三文魚拼拖羅蓉pizza，飯經輾壓成餅狀並炸脆做底，脆得黎唔太硬亦唔痴牙，辣味吞拿魚惹味，對於我黎講辣度啱啱好，唔會辣到食唔到，拖羅蓉無筋唔腥，落埋明太子醬係錦上添花。 仲叫左個火山，本體就係壽司製嘅山，外圍就係實實在在嘅火，好iconic。打卡一流！睇住啲火喺度燒真係好震撼，視覺效果滿分。壽司山上面鋪滿咗蟹肉同蟹籽。一咬落去，粒粒蟹籽喺口入面爆開，成個口感非常豐富！而且經火焰輕輕炙燒過之後，魚油嘅香氣完全被逼晒出嚟，外層帶點微溫而入面保持到鮮味，好正！ 另外仲有火焰金龍卷。因為係慶祝生日，所以畫埋碟俾我哋。壽司面頭鋪咗肥美嘅三文魚，經火槍輕微炙燒過，逼出陣陣油香，上面仲加埋明太子醬去提鮮！最驚喜係入面包裹住天婦羅炸蝦🍤，一咬落去，外層三文魚軟嫩，入面大蝦爽口、炸衣脆口，兩種完全相反嘅口感喺口入面撞擊🤣，層次感爆棚。餐廳好似驚我哋唔夠明太子醬咁，仲俾多咗一碟我哋，超幸福！呢個真係會令人食完一件又一件，完全停唔到口！ 因為想食串燒，所以叫埋厚燒牛舌串。牛舌厚切，唔會燒到好韌，依然彈性有嚼口，少少嘅黑椒調味，已經可以帶出牛舌本身嘅味道 另外仲有鹿兒島黑豚荔枝卷串燒。呢個可以話係食串燒必叫既🤣黑豚肉同荔枝完美融合。荔枝既果肉香同清甜啱啱好可以解到黑豚肉既油香，達到解膩又開胃既效果 宮崎黃金炸豆腐唔食唔知係章魚燒風味，玩味十足。豆腐食落口嫩滑，炸皮好脆口，不過就變相個口好容易損🤣 雜錦天婦羅既炸衣唔厚，蝦、豆等嘅食材都做到水準，而金菇最值得一讚，外表做到一把扇嘅同時勁酥脆，因為炸得夠透，所以金菇本身纖維好難咬開嘅特質都無埋（原理等同炸蝦殼），但整體亦無因為炸過龍而變硬，真係炸到啱啱好🤤 江戶薄燒牛仔骨肉味相當濃，用料絕對唔差，燒得剛剛好，一咬就離骨，肉唔柴，幾好jap🤣

樂樂講玩講食 4 個月前

今晚在旺角雅蘭中心的「古今」補祝朋友生日，餐廳職員聽到後悄悄準備驚喜，服務非常貼心 1️⃣ 龍卷風沙律：鋪滿蟹柳絲、蟹籽與薯片碎，微辣且口感層次豐富 2️⃣ 超級龍卷風：店員精心在碟上畫了「Happy Birthday」並加上裝飾，儀式感滿滿 3️⃣ 波奇雜錦刺身Pizza：刺身丼飯的變奏版，配上炸飯餅底，香脆獨特 4️⃣ 火山：上枱時侍應會點火，吸睛度高！卷物配上大量蟹籽、蟹柳與濃郁醬汁，賣相與味道兼備 5️⃣ 原隻芝士焗龍蝦：芝士金黃焦香，龍蝦肉質彈牙並保持原汁 這頓生日飯因餐廳的細心安排，讓我和朋友度過了難忘愉快的一

Janet Tam 上次編輯：4 個月前

🌋 火山（Volcano Roll） - 帶子、青瓜、牛油果、蟹柳 重點係——賣相精緻到一眼就想拍。而且味道配搭合理：牛油果令口感順滑、青瓜帶清爽平衡、帶子又加咗鮮味層次。 一句講晒：食得靚，仲食得開心。 🎆 煙花（Fireworks） 辣味三文魚、辣味呑拿魚、再加脆片。 辣味係有存在感，但唔會辣到你只顧飲水；反而辣味同魚味配合得幾好，脆片又令口感唔會單調，一口落去有「香＋辣＋脆」嘅節奏感。 🐉 黑龍卷 黑龍卷融合鰻魚的濃郁、炸蟹柳的香脆、芝士的滑潤與牛油果的清新，層次分明，口感豐富，鹹香與柔和交織，帶來飽滿而平衡的味覺享受。 明太子玉子燒：溫柔但鹹香很到位 玉子燒本身就係令人安心嘅味道，而明太子加咗鹹香同鮮味，令整體更有方向。食法係一種——你唔需要太用力形容，「好好食」。

Jacko Wong 5 個月前

創意新派fusion日本料理 推介必試非常搶眼火山 同朋友係旺角睇完戲，去咗雅蘭中心搵食，揀咗食創意日本料理「古今二 」，價錢合理，食物造型精緻又有創意fusion菜。 🥢洒埸日式煎餃子 熱辣辣煎餃子🥟，味道都唔錯。 🥢明太子芝士翠玉瓜串 翠玉瓜好juicy ，加埋芝士同明太子，又咸香又好味。 🥢雞腿肉串燒 雞腿肉燒得幾亁身，雞腿肉嫩滑。 🥢牛油果三文魚籽甜蝦Pizza 三文魚籽+牛油果 +甜蝦做餡料，用了脆炸米飯餅底，非常脆口，口感同配搭都好 創意又特別Pizza。 🥢柚想蝦你 個名好正，其實係柚子蝦蟹秄沙律，有鮮甜甜蝦、柚子、中華沙律、蟹籽、生菜同牛油果再mix埋胡麻醬，味道酸酸甜甜幾開胃。 🥢昭和風豆腐燒 有驚喜豆腐燒，豆腐外層煎到很香脆，配以木魚花，豆腐入口又軟滑，點埋特調醬汁更添風味。 🥢火山 上枱時店員即場點火，視覺上非常搶眼，真係相機食先，滿滿蟹柳鋪面，餡料有帶子、青瓜、牛油果同蟹柳，口感非常豐富。 🍧士多啤梨石榴/熱情果芒果沙冰 兩杯沙冰賣相一流，味道清新又香士多啤梨同熱情果香味道，飲完透心涼。

Lo Yim Ping 6 個月前

最近同朋友喺旺角雅蘭中心搵地方chill，入咗呢間以創意和食為主題嘅「古今」。店內環境舒適又有格調，木系裝修搭配柔光燈飾，有啲日式居酒屋氣氛又唔失現代感，成個感覺好healing✨ 店員服務態度親切，介紹菜式好詳盡，成個用餐體驗好舒服。 講到食物真係幾有驚喜！ 🦞【橫綱力士原隻龍蝦卷】成個擺盤勁吸睛，打卡一流！牛油果包住由龍蝦肉、鰻魚同芝士組成嘅卷，Fresh得黎又鮮又軟糯，大推🙌🏻 🍕【波奇雜錦刺身Pizza 】 結合刺身同薄餅嘅創新料理，口感好特別👍🏻 原來Pizza係用煎飯去做底，外脆內軟，同就咁食刺身+飯多咗種層次感。 另外【海老天婦羅】炸得香脆唔油；【昭和豆腐煎】外脆內滑、豆香濃郁；【明太子醬雞軟骨棒】煙韌惹味，一試上癮🔥 整體創意高但仍保留日式精緻感，幾啱打卡＋聚會放鬆。