紫居酒屋 Izakaya Violet

Nok Lam 1 個月前

去咗中環歌賦街呢間「紫 居酒屋」食晚餐，裝修簡約舒適，成個環境同氣氛好 Chill，好適合放工同朋友過嚟飲杯嘢食串燒。 今次嚟超級推薦佢哋嘅串燒，食物種類多而且好有創意，個人建議可以將全部胃口 quota 都攞嚟食串燒！ 當中一定要試佢哋嘅三黃雞，真係超級好食。叫咗一串雞胸同埋一串雞腿，難得連雞胸都完全唔會鞋。特別推介無骨雞全翼，烤到外皮焦脆，咬落去啖啖肉而且超多肉汁。另外牛舌芯都好好食，肉質軟腍有口感。整體嚟講全部串燒都非常滿意，連蔬菜類嘅串燒都燒得好好，火候掌握得啱啱好。 飲品方面，呢度嘅清酒有超級多選擇，有好多仲要係香港出面比較少見嘅款式。如果唔知點揀，可以直接同 Staff 講你鍾意嘅口味，叫佢哋幫手推薦。 整體嚟講食物高質、清酒選擇多，再加上環境舒服，係間好值得回訪嘅居酒屋。

Kingsley Cheng 1 個月前

位於中環歌賦街13號地舖的紫居酒屋，係一間充滿驚喜的日式串燒居酒屋。 從上環站E2出口步行大約6分鐘左右就到，位置都幾方便，適合放工後與朋友慢慢品嚐。餐廳以即叫即製為主，食物新鮮熱辣，價錢都頗貼地， 以及各式鹽燒串燒，如鹽燒安格斯封門柳、厚切牛舌、汁燒雞肉京蔥等，肉質嫩滑或彈牙，油脂香氣十足，火候啱啱好。 另外，紙鍋酒煮蜆保留蜆肉原味鮮甜，燒味醂魚乾，係配清酒的絕佳拍檔。部分前菜例如明太子燒翠玉瓜等亦有鮮甜清新。 多款清酒選擇都超正，我就試了兩款都非常啱口味，例如花邑，酒香味清新，口感鮮甜，與濃味燒物十分匹配。整體環境舒適，適合小聚，服務親切，食物品質穩定，非常滿意。若你喺中環半山一帶想搵間有質素又不至於太貴的居酒屋，紫居酒屋絕對值得一試再試！

Eunis Ho 2 個月前

特別推介牛舌芯同黑松露燒牛肉 🤩🤩

Looking4food 3 個月前

有驚喜 推薦！！喺中環半山區，行斜路上去就到，非常方便，價錢比想象中更貼地 食物係即叫即整！人多個陣等耐少少 但都係熱辣辣❤️‍🔥好啱一班frd慢慢坐慢慢食😙 食物多種類選擇 部分仲幾有創意有設計過，尤其係各種前菜/小食，非常特別🤣 - 前菜 🍢汁燒枝豆 非常特別係用甜醬油炒枝豆！食落唔會同一般枝豆一樣咁乾 或者得鹽味，佢個甜醬油勁香，做前菜/餸酒必點！！！🥹 🍢吞拿魚腩蓉鍋巴 係類似米餅底咁，配搭香辣明太子醬同吞拿魚喺面頭，勁夾！👍🏻 🍢吞拿魚酒盜芝士 好特別！佢係用芝士配搭呑拿魚內臟，但完全食唔出係內臟！用鹽醃完鹹鹹地，意外地同淡芝士好夾，啱啱好中和翻個味道😙幾特別的 - 串燒類： 🍢串燒三品/五品 選擇困難症嘅我哋叫咗拼盤🤣唔洗揀～ 最鍾意雞心/雞髀肉/雞橫膈膜！再讚下個甜醬油真係好好味，有加乘咗！ 🍢免治雞肉棒 原來係佢地自家製 口感幾特別！一定要點日本生雞蛋+醬一齊食😋😋 🍢明太子鮮粟米天婦羅 係天婦羅做法嘅粟米🤣🤣外面熱+脆，但裡面粟米粒仲係鮮甜多汁，好正！仲加埋明太子醬🙏🏻 - 🍢甲羅燒蟹肉炒飯 呢個飯大癲！面頭有大量蟹膏醬！！！撈飯一齊食 滿足到痴線！仲要有好多蟹肉 食完一堆燒物再食個炒飯就啱啱好！解膩又飽肚🍚 - 酒水 🥃Heroes柚子生啤酒 本地Heroes品牌嘅啤酒，第一次試！入口有好明顯嘅柚子味，幾易入口，無諗過柚子+啤酒麥香味會咁夾，幾清新既感覺，飲慣普通啤酒可以試下新嘢🤣 🥃Draft Sake 老細推薦！係用咗生啤嘅方法保存Sake，用高壓既狀態入樽，等佢唔會接觸到空氣，再用鐵樽減少光害 ，等佢可以保持喺最新鮮、新開嘅狀態！非常值得一試！🥰記得要趁凍飲 勁正！

Jerry Tam 6 個月前

遇然一次光顧午市，午市定食套餐共有五款，點了個生姜豚肉定食。傳統日式定食風格，飯湯前菜沙律點甜飲品每樣都齊全，看似份量不大但食完都幾飽肚。 食物的質素幾好，味道不錯。