京笹 居酒屋

Joe 3 個月前

餐點服務都差，唔會再幫襯 $1000/2人 晚市 睇Review都知佢前菜要收錢 原來強制性冇得叫佢收走，並且寫咗喺Menu係mandatory charge (前菜加茶$23），只可以換前菜的款式，但係都係冇得你揀 了解咗之後都ok,餐廳有餐廳規矩 但係等咗好耐都冇上茶 ，三催四請問咗幾次先至有 何以前菜一坐低就有，但係茶則要顧客多番追問才有呢😑 刺身麻麻哋，海膽臭過坑渠，送海膽食嘅紫菜仲要腍晒 牛舌同埋炒雞腎係好食嘅，不過雞腎應該冇落調味，只係熱辣辣同新鮮 侍應落錯單上咗牛蒡天婦羅，但係我哋係叫牛肋肉，仲反問：係你哋話要牛蒡架喎 成間舖頭零日式感覺，只係接線生、接待處、及送客嘅係一名日本男生，樓面侍應都係貪平請暑期工，完全冇日本餐廳感覺；食物質素及服務似日本劏客餐廳就真 講真，港式嘅日本餐廳做得仲好

Ming Leung 3 個月前

好耐之已經幫襯過,今次再去仍然保留住舊有嘅裝修,好似去似去咗日本居酒屋環境😅😅 食物方面仍然有水準,服務態度好好! 希望繼續努力!😋😋

Trendy Lam 6 個月前

呢間嘢寫就寫喺海防道，但係其實海防道反而要上一層。如果沿亞士厘道行到盡，就可以直接見到佢，我就係呢個方法去呢間「京笹居酒屋」嘅。見過佢哋一段時間，覺得有啲貴，所以一直都冇幫襯過。但係而家為咗寫油尖旺區嘅餐廳畀大家睇，在所不計。 張單寫咗 $23 嘅「前菜」，從來冇見過，係咪伴碟嗰啲當係，定係碟豉油當係，我都唔知，錢就收咗。第一樣有得食嘅係 $188 嘅「廚師精選壽司」七件，係廚師發辦嘅，都唔預佢會畀好高級嘅魚我，都係三文魚、魷魚、帶子嗰啲佔多，只能講水準正常啦。 跟住就叫咗兩款咁啱都係 $78 嘅小食，分別係「火炙明太子」同「蔥鹽燒牛舌」，前者係我至愛，本身都係好食嘅嘢，後者就感受到廚師幾有心整，但味道都係好一般。叫多杯 $25 嘅「沖繩海鹽雪糕」，幾好食嘅。加埋一埋單 $431.2，都係遊客食返好啲。

onqqstuffies 7 個月前

京笹居酒屋地點便利，店內環境充滿傳統日式風情，氣氛熱鬧，適合朋友聚餐或下班後輕鬆小酌。這次品嚐了幾款經典居酒屋菜式，整體水準穩定，食材處理與調味都相當用心。 首先上桌的是蟹籽沙律，份量十足，底層的青瓜與生菜爽脆新鮮。面層鋪滿豐富的蟹籽，每一口都有蟹籽爆開的口感，配上酸甜適中的日式沙律醬，非常開胃，是一道稱職的餐前小食。 接下來的炸蠔表現出色，外層炸粉厚薄適中且炸得香脆，沒有多餘的油膩感。咬開後蠔肉依然保持飽滿多汁，保留了生蠔的鮮甜味，蘸上隨附的塔塔醬更加提鮮。 串燒與燒物方面，燒牛舌是必點之選。牛舌採用厚切處理，燒烤火候控制得宜，外表帶有微微焦香，內裡肉質軟嫩同時保留了爽脆的嚼勁，只需簡單的鹽燒調味已經非常惹味。另外，燒魚的表現同樣具備水準，魚皮烤至金黃酥脆，魚肉嫩滑且油脂豐富，入口帶有淡淡的炭火香氣，下酒一流。 主食選擇了明太子烏冬。烏冬麵條口感煙韌彈牙，醬汁濃稠度適中，令每條麵條都能均勻沾滿忌廉明太子醬。明太子的微辣與鹹香完美中和了忌廉的膩感，味道層次豐富，為這頓晚餐作了一個極佳的結尾。

Charis Wong 10 個月前

21-Nov-25 dinner 開咗好耐，日本人店員都會講廣東話，食物質素唔錯 牛舌可以pass 新鮮帶子好食（會有啲即日到嘅海鮮） 西京燒好食 天婦羅都好食 正在招募會員，即時有九五折，當時職員幫我地登記完就話賣單會自動九五折 如果佢冇講，記得俾錢前要講聲