LA Restaurant & Dessert Bar

D.V. Li 5 個月前

繁忙時間人手好像不夠，要起身去找侍應催單（舉手等無人理）. 食物ok的。高溫鐵碗兩耳在食時容易掂到熨傷。咖啡飲了一些發現小昆蟲，不知是端來前或後走入去。。見相片

BC Chan 4 年前

週末同朋友一齊喺旺角覓食，我哋特登行咗嚟通菜街，因為呢度近年開咗好多小餐廳，我哋呢間睇吓嗰間望吓，見到呢間食西餐嘅，似乎幾啱我哋呢日嘅胃口，咁就決定入去試吓😆 叫咗兩個 Lunch Set, $88嘅「紐西蘭西冷扒🥩配燒汁」同埋 $78嘅「慢煮黑椒豬手」，午餐包餐湯同熱飲，朋友要咗杯「熱咖啡☕️」，我就加 $15 要咗杯 Mocktail La Mojito 😆 午餐餐湯係「椰菜花🥦煙肉🥓忌廉湯」，非常濃厚，有濃郁椰菜花同忌廉香味，出奇地好飲😋。「紐西蘭西冷扒🥩配燒汁」要咗七成熟，西冷扒🥩有少少咬頭，有牛味😋。「慢煮黑椒豬手🐷」肉質非常軟熟，連豬皮都煮得好腍，配埋濃郁嘅黑椒汁，幾好食😋。熱咖啡☕️幾好飲；La Mojito 幾 refreshing 😋

MIKI MOK 4 年前

LA Reagan and Bar 鬧市的抵食西餐 今日同老公去旺角買波鞋，見通菜街兩旁開了很多餐廳，所以就來食個6pm early dinner . 入左一間西餐廳，主打意大利飯、pizza、意粉，價錢都好公道，唔會特別貴。 首先有餐湯同包，素翅火腿忌廉湯 蒜蓉包好脆好濃味，配上粒粒蕃茄同埋粒粒洋蔥，食落酸酸甜甜，好有心思 餐湯是素翅火腿忌廉湯，有少少素翅增加左個口感，而湯底亦都好creamy 🤤 鵝肝多士 跟餐$30/件 呢個一定係必點，$30已經有大大件，呢個價錢去邊度搵 鵝肝入口即溶，散發出嘅油脂香味， 加埋爆脆多士，口感一流！ 西班牙風乾火腿薄餅$98 係我最愛嘅超薄底pizza 底，超級香脆，真係即叫即整。佢好足料，鋪滿芝士同風乾火腿，因為有大量芝士，所以每淡輕鬆拉絲🤤。 豬鞍配黑醋蘋果醬$168 通常西餐都係食牛扒，如果餐廳有豬鞍，我都會揀。 因為豬鞍好難煮得好食，要慢煮先唔會太熟，又有少少粉紅色，恰到好處。 呢度個豬鞍好豐富肉汁好嫩滑。 加上豬鞍必配蘋果醬,令到口感甜甜酸酸，與豬鞍味道很夾！ 甜品cream brûlée with ice cream $68 最後，當然要食返個甜品，個cream brûlée 燒得剛剛好，有其他餐廳燒得唔好，好易有少少苦味，呢個就唔會。 加上雪糕，非常好👍🏻 Yellow Circle $48 Cookie Sweetie $48 作為一間西餐，佢嘅食物相當高質素，唔會係大路見到嘅菜式，佢會再modify 下，令到更有特色。加上全部食物即叫即整，需時但有質素，以呢一個價錢嚟講食到呢個級數嘅食物，性價比好高，值得推介！ 好啱情侶，家庭或者朋友聚會👍🏻👍🏻👍🏻👍🏻

Karin S 4 年前

女人街內有家別緻的西餐廳，就來跟男友來個浪漫之約吧！場內裝飾就如讓大家暫時置身於歐洲小屋般。餐點除了主菜，他們的小食也有好多選擇，讓我倆有點選擇困難呢！ 餐湯像忌廉湯，雪白的顏色底下原來是周打魚湯，質感濃稠有海鮮的鮮甜味道，還有粒粒魚肉吃。配的蒜蓉色熱烘烘的夠香脆，還有莎莎醬，是不錯的前菜。 烤焗芝士蟹肉牛油果是原個牛油果切開，再將果肉、蟹肉和調味料混合，加上芝士焗製而成。一口咬下去就感受到超多蟹肉，啖啖都有蟹肉絲，鮮味十足又creamy，十分足料。牛油果蓉軟身清新，芝士焗皮很香，三者混一起好夾好吃，正。 餐牌上特地有兩頁燒烤類，就點兩串試試了。以鹽作基本帶出食材的味道，佐以黑椒燒烤汁、泰式香茅檸檬汁，均十分適合又惹味。牛魔王必叫串燒安格斯牛柳粒，每粒都大大粒，牛味濃郁多汁，肉質實在。鹽烤杏鮑菇原條上，是超大的一隻，口感夠爽，咬下去超多鮮味菇菇汁。 主菜是西班牙黑毛豬鞍，有手掌般大的巨無霸。它是厚切的，但肉質卻煮得相當軟身，易切又好咬，完全不粗糙"鞋"口，還有淡淡鹹香味，配微酸的西梅蓉味道好夾。烤蔬菜很有誠意，有雞脾菇、翠玉瓜、茄子，沙律還淋上柚子汁好fresh，為濃厚的味道平衡一下。 忍不住追加了甜品，因為焦糖燉蛋是我喜愛的甜點。薄薄的糖層結成晶，香脆甜蜜；底部柔滑細膩的燉蛋充滿蛋香，還有雲呢嗱雪糕甚至honeycomb，完美的飯後甜點就是如此。 飲品方面，Fruit punch酸酸甜甜，果肉都打成蓉，夠清新。Cookie sweetie則巧妙把oreo和朱古力混合，質感濃稠味道十足，還有雪糕夠邪惡！這夜除了我和男友，還有其他情侶甚至一班朋友來用餐，很旺場。氣氛挺適合情侶慶祝，想吃好一點的時候，我會再來這裡~

Hate Coriander 5 年前

味道有驚喜🤩女人街西餐 🌝正餐加配餐湯及包 $30 作為前菜、餐湯同餐包相當有心思！餐包嘅蒜蓉多士香脆之餘，配上粒粒蕃茄同埋粒粒洋蔥，食落酸酸甜甜，更有微辣感咁相當開胃😋 湯係白湯，本身我諗住係好普通嘅忌廉湯，點知都相當有驚喜😮原來佢係薯仔煙肉湯，口感帶粉，食得出有煙肉嘅鹹香，而湯底亦都好creamy , 比好多西餐廳嘅餐湯做得出色🤤 🌝阿根廷紅蝦伴龍蝦汁闊蛋麵$118 一共有兩隻大蝦，特別既地方係蝦先炸過，保持到外層脆脆地，而裏面肉質鮮嫩，入口啖啖肉。闊蛋麵相當掛汁，配上香濃龍蝦汁，味道相當唔錯，呢個價錢來講幾抵食。 🌝西班牙風乾火腿薄餅 $98 薄餅底為薄脆脆餅底，芝士同埋帕馬火腿既比例好平衡。因為唔咪坊間pizza既厚餅底，所以就算二人食都唔會擔心食完就滯哂😋好香口，忍唔住就食晒 🌝鵝肝多士 跟餐$30/件 鵝肝入口隨即散發出嘅油脂香味，配埋脆口嘅多士作平衡，口感一流！😳 30蚊食到呢個質素既鵝肝，真係好超值！🤩 🌝串燒半熟帶子 $48 帶子彈牙新鮮，唔需要點任何點醬汁都食到原本既鮮甜味🥰 🌝串燒炸雞 $38 一共有兩款醬汁供選擇：沙律醬及泰式辣醬 兩款醬料都覺各具風味，沙律醬就帶甜，已泰式辣將係食泰國野點生蝦個款，刺激又惹味。至於炸雞串唔係韓式炸雞嗰隻，而係有少少似日式炸雞，入口Juicy 🌝Melon Green 跟餐$15 哈密瓜沙冰，屬赤肉哈密瓜，飲落有好香嘅哈密瓜味，更有哈密瓜肉係上面😮 所以成杯既味道唔會太假，加上甜度適中😍大大杯幾抵飲 🌝Peach Flower 跟餐$15 坊間好少餐廳有接骨木花味嘅飲品，呢一杯係接骨木花加桃味嘅特飲。值得一讚嘅地方係接骨木花味本身係屬於較暗嘅味道，佢竟然冇俾桃味搶咗😮。飲得出好明顯嘅接骨木花味之餘，仲飲得出有淡淡桃味，成件事好fresh, 亦都唔會過甜。另外加分係入面加入咗新鮮嘅蘆薈粒，配合埋成個梳打出到嚟好消暑解渴，個人來講幾鍾意呢杯飲品❤️ 總結：呢間餐廳位於女人街，食物相當高質素，每一樣食物都各具特色，以呢一個價錢嚟講食到呢個級數嘅食物，性價比好高，值得推介！如果去旺角諗唔到食乜嘢不妨去呢一度試下啦