利景酒家

樂樂講玩講食 1 個月前

灣仔史釗域道「利景酒家」是一間傳統粵式酒樓，除了精緻點心，還主打新鮮海鮮與燒臘。兩層高空間寬敞，坐得挺舒適。 原本只打算飲茶，見隔離枱都有加鑊氣小炒，我也跟著叫了幾款。 🦐 避風塘海中蝦： 貼心開邊，蒜香極入味，味道出色 🦑 避風塘火箭魷魚筒： 粗身彈牙，避風塘椒鹽蒜香，非常惹味 🥘 砵仔雞蛋焗魚腸： 金黃焦香，魚腸處理得很好，口感較粉，無腥味 🥟 原隻鮑魚灌湯餃： 湯底鮮甜濃郁，湯餡豐富 🫓 櫻花蝦海皇煎薄餅： 煎到微焦金黃，外脆內軟糯 🫔 鮮蝦腐皮卷： 香脆蘸喼汁，味道更鮮味

yan angel 3 個月前

今日同朋友去咗灣仔嘅利景酒家食飯。呢度係一間好有風味嘅傳統粵菜館，主打新鮮海鮮、精緻點心同燒臘，水準真係幾驚喜，大件夾抵食！ 🥢 招牌菜式推介 避風塘海中蝦 ($148)一上枱就聞到好香！鑊氣十足，炸蒜爆得好惹味，蝦肉新鮮爽口，絕對係送酒首選。 冰燒三層肉 ($118)燒臘師傅功力深厚，層次分明。舊肉皮脆肉厚，入口油脂甘香又唔會覺得膩，點少少芥末醬仲提鮮。 蠔皇窩燒鮑魚飯 ($148)用窩仔上夠晒熱辣辣。鮑魚燜得入味、口感彈牙，個蠔皇汁撈飯真係一流，好啱重口味人士。 點心大拼盆 ($78)一籠有齊蝦餃、粉果、菜苖餃同叉燒包，皮薄餡靚，啱晒乜都想試下嘅人。 蟹籽燒賣王 ($40)肉質結實有彈性，啖啖肉好滿足。 整體嚟講，呢度味道出色，火候控制得啱啱好，性價比好高。無論係同屋企人飲茶定同朋友聚餐，都好值得一試！

LC Chan 4 個月前

✨港島區街坊人氣傳統粵菜館✨ 家人介紹港島區呢間傳統粵菜館，主打新鮮海鮮、精緻點心同燒臘，名廚主理，味道同品質都非常好食，超級推介。 餐廳環境寬敞舒適，如果早到仲可以揀到窗邊位望住街外景色，更加寫意。 燒味出色，直接點兩款： 🛑 頭抽豉油浸雞 皮薄肉嫩，豉油雞汁剛剛好，食落好香，色澤誘人。 🛑 冰燒三層肉 燒得好靚，皮脆肉厚，層次分明，不像傳統燒肉咁鹹，又香又滑。 隔離枱點了避風塘系列，避風塘海中蝦，避風塘南瓜茄子，見到鑊氣十足。 另外點了好多點心 ，沙薑雞腳、蟹籽燒賣、海皇雜菌腸、小籠包、千層馬拉糕、鮮蝦菜苗餃、傳統芝麻卷，全部都好好食，每款都用料十足，小籠包同燒賣，每一粒都飽滿多汁，食得出鮮味，呢間傳統酒樓性價比高！

Zoe Siu 4 個月前

灣仔開咗好耐嘅老牌粵菜酒樓🥢，專做傳統點心同家常粵式小炒🍲，價錢實惠💰，平日好多街坊幫襯👴👵。 🍽️冰燒三層肉（$118） 三層肉外皮香脆油潤，肥瘦分佈均勻，肉質鬆軟唔油膩，兩個人食份量剛剛好👍🏻 🍽️避風塘茄子南瓜（$108） 面頭鋪滿香口蒜酥🧄，茄子軟滑吸盡醬香，南瓜質地綿密帶清甜🎃。 🍽️香芋燒腩卷（$35） 外皮煙韌，芋頭香味濃厚🍠，夾埋燒腩油香十足，鹹甜配搭恰到好處。 🍽️醬皇蒸鳳爪（$32） 醬汁濃郁掛滿鳳爪，醬料甜度鹹度調校得恰當，係標準港式茶樓水準👍。 🍽️安蝦鹹水角（$25） 外皮炸得香脆唔油膩，入面蝦肉彈牙🦐，用料實在。 🍽️海皇什菌腸（$35） 腸粉包住整條春卷，春卷入面有魚肉同各式菇菌🍄，淋上豉油食順口入味，有層次感。 🍽️煎蛋叉燒飯（$36） 飯粒乾爽彈牙，叉燒帶自然蜜糖香🍯，肉質軟腍，配埋煎蛋食好夾😆 🍽️點心大拼盆（$78） 拼盆有蝦餃、粉果、菜苗鮮蝦餃同叉燒包，每樣各兩粒，蝦餃彈牙鮮甜、叉燒包餡料香甜，一次可以食到四款經典點心，唔錯~

Man Man Hygge 4 個月前

避風塘海中蝦 $148 師傅炒得鑊氣十足，避風塘嘅炸蒜香氣一上枱就撲鼻而來，海蝦新鮮大隻，外殼酥脆到連殼食都得！入面嘅蝦肉依然保持到彈牙，惹味香口到不得了。 頭抽豉油浸雞 $98 真係做到皮鮮肉嫩，大廚用頭抽上色上得好靚，呈油亮嘅琥珀色～最難得係入口完全唔會死鹹，反而帶有一浸好有層次嘅鹹鮮味，連埋滑溜嘅雞皮一齊食，雞味濃郁。 籠仔蒜茸蒸斑球飯 $148 一上枱真係好大籠，份量超多，三個人食都冇問題！面頭嘅斑片肉厚又鮮嫩，索晒蒜茸嘅香氣，而底下嘅飯粒就吸盡咗鮮甜魚汁同蒜香，極之惹味！