六本木居酒屋

Kaki Shum 4 個月前

晚市也有跟午餐一樣的定食可選擇，有前菜，味噌湯和茶碗蒸十分經濟。 侍應亦非常好客，會走來介紹每天新鮮的食材和推介的菜式。這次點了蒲燒錭魚 toro，入口即溶的魚香味，令人口味。 是間有心思的的小店，毫不馬虎。 多多支持！💪💪💪

TY Wong 1 年前

隱世小店 同朋友喺深水埗上完堂，肚仔又唔係好餓，但係有的口痕所以行過街口見到呢間裝修好似大阪嗰啲居酒屋，立即引人入內。 🍶叫咗幾樣小食同清酒： • 汁煮大根：味道滲透入大根，微甜好啱清酒。 • 軟骨雞肉棒：咬落去脆脆地，同埋都幾大嚿，配酒一流。 • 豚肉蘆筍卷：肉香加埋蘆筍清甜，好有層次。 • 豚角煮：味道剛剛好，肥瘦分明，入口即化。 • 燒雞肝：處理得唔錯，冇腥味，微焦外層好香。 • 芝士酒盜：超驚喜！鹹香配搭芝士，好有日本風味。 整體嚟講，每一款小食都係精緻又富心思，完全唔係隨便應酬你。最精彩係老闆原來係唎酒師，仲熱情分享咗好多清酒文化，聽完都覺得酒飲得更有意思。 😂門口有個牌寫住「節約用水，請多飲酒」，簡直係居酒屋精神代表！ 下次一定要再嚟！ 今次只係試咗小食，下次要好好預約返晚餐時間，盡情試埋佢哋嘅刺身、魚生、壽司，相信一定唔會失望。

Amy Chan 1 年前

今次嚟到深水埗呢間日本居酒屋，等咗好耐終於有機會試！一入去就感受到濃厚嘅日本風情，環境舒服，燈光柔和。老闆人好好，服務態度熱情，仲會唱歌，氣氛超開心，真係有種賓至如歸嘅感覺。 菜單選擇咁多，我哋先叫咗兩隻生蠔，真係好新鮮，啖啖肉！跟住就試咗佢哋出名嘅玉子燒，滑到不得了，味道正！蜜柑雕嘅刺身色澤靚，老闆話呢條魚係食橙養大！食落去真係有橘子味！ 其他嘢食就包括海老天婦羅，蝦肉彈牙得嚟仲好入味，桂花年糕清新又有嚼勁，真係好食！仲有好多款串燒，特別驚喜係有燒鵝腸，味道真係一流，雞泡魚乾更加係伴酒嘅好選擇。 最驚喜嘅係佢哋竟然有炸雪糕！喺香港唔係咁多地方有，外面酥脆，裡面軟滑，食完之後好開心！ 總括來講，呢間居酒屋唔止食物好，服務和氣氛都一流，真係個聚會好地方。我哋度過咗一個難忘嘅晚上，特別推薦比鍾意日本料理嘅朋友！

jessis jessis 1 年前

喺深水步行完街，我地2個人想搵間坐得舒服餐廳，揀左六本木居酒屋，入到店地方ok,坐位闊落，員工有塊寫上是日精選黑色塊餐牌，我地揀左 2隻生蠔$68／隻~唔夠凍，無咩海水味，好一般 1份水母刺身$168／份～好似食緊豬皮加海哲混合版，但有汁伴著食 2件魚腩壽司$48／件～呢個醬汁可以，但個魚腩唔太新鮮。 芝士炸雞$78～炸雞有6件左右，細雞件伴芝士，味道可以 加拿大海膽$88／件～員工稱沒有加拿大海膽轉馬糞，其實心想唔要，但好想食海膽，點知食落個馬糞應該係最低等級類別。好腥，之前喺其他店鋪食過係甜 玉子燒鰻魚$78~ 一上枱熱辣辣出曬煙,好有驚喜，但原來個底有少少燶底 燒菠蘿$36～ 每次到居酒屋必要嘅食物，但菠蘿唔新鮮。 之前睇網評話呢一間餐廳嘅食物同埋環境都好好， 朋友話要去金蠔食我都話要嚟食居酒屋， 點知喺我落單話想要兩隻生蠔嘅時候，個店員竟然回覆2次同我講話：要兩隻生蠔？ 我心諗我唔叫兩隻生蠔試下，我點知好唔好食呀，我叫左半打，咁之後試唔到其他食品，本餐牌咁多選擇，我都想每款都試吓，不過,算，我出街食飯想開開心心食，唔想受氣，朋友話間鋪服務很差，除左識換碟，跟住可能連唔該都無，我諗諗都係。

Wendy Chan 1 年前

深水埗的高質日本居酒屋 最近再次光臨位於深水埗的一間日本居酒屋，氣氛依舊熱熱熱鬧鬧令你開開心心，享受一晚！幸運的我成功預訂到最後一張枱！ 由於同行朋友第一次來到這居酒屋這次我點了幾道特別的菜式： 密柑鯛： 這道菜令人驚喜，蜜柑鯛是以蜜柑皮餵飼的鯛魚，不用點任何醬油，入口時散發出淡淡的蜜柑清香，感受到獨特的果香味，十分特別，非一般刺身魚！ 水母:口感爽口，搭配特製柚子汁，非常之清新 燒魚腩壽司：魚腩的油脂恰到好處，燒烤的香氣與米飯的柔和相得益彰。 赤蝦BB： 配酒必有的小食，炸蝦的外皮非常酥脆，咬下去時發出清脆的聲音，令人回味無窮。 六本木秘製牛肉：當牛肉端上桌時，還有一絲火焰，賣相極為吸引。肉質柔嫩，口感極佳，味道也掌握得恰到好處 關東煮： 湯底清淡，份量也不小喔！ 串燒：我點了雞肉棒、牛舌心、青椒仔和荔枝豚肉，特別要提牛舌心，是厚切但肉嫩 雞泡魚乾：佐酒小食必食！ 老闆的熱情招呼讓人倍感親切，他不僅主動介紹適合的清酒搭配食物，還分享了一些關於清酒的知識。由於我當晚只有一個人喝酒，只點了一支小的清酒，但老闆推薦的清酒確實非常好，顯示出他作為利酒師的專業。 這居酒居實在是深水埗難得的美食寶藏。如果你喜歡日本料理又想食到新鮮的魚生刺身，這裡絕對值得一試！