悄悄食堂

MaaLut MR 1 個月前

🌿 荔枝角道呢間「悄悄食堂」，由門口到入面都係好溫暖嘅日系木質文青風。光線柔和，裝修有質感，空間闊落，一入去自然就會放慢節奏。 和風同西式Cafe融合，賣相精緻好打卡，適合放假嚟歎個悠閒慢活下午。 🌟 推介： 🍱 悄悄和風全日早餐 $148 擺盤好豐富有儀式感！日系風全日早餐，酸種熱香餅配金黃炸薯餅，酸甜鹹香好夾，份量足又有特色。 🥔 柚子醬油牛舌芯佐 GNOCCHI $138 牛舌芯用柚子醬油麴慢煮，軟腍微彈好咬；自家製Gnocchi煙韌，配柚子胡椒牛油汁香濃微辛，柚子清香解膩，層次好豐富。 氣氛同食物都好舒服，值得過嚟坐坐！

Jacky Ching 1 個月前

一間備受歡迎的高質日系食堂， 主打精緻日式定食、輕食與特色茶飲， 餐廳走溫馨舒適的深淺木系文青風格， 設有充滿日式風情的榻榻米雅座。 🔶悄悄和風全日早餐 一道融合西式 Brunch， 與日本食材的創意全日早餐， 日式燒鰻魚、醃漬三文魚、 滑嫩炒蛋、牛油果、 鹽油燒雜菌及薯餅等， 還配搭酸種熱香餅，口感煙韌。 🔶柚子醬油麴牛舌芯Gnocchi 牛舌是這𥚃的向招牌之作， 口感極之軟嫩，每一口都帶有微微油脂香， Gnocchi 薯糰軟糯，口感柔軟。 🔶抹茶拿鐵 選用優質抹茶粉調配， 奶泡綿密細滑， 入口滿滿濃郁溫潤的奶香， 還有抹茶特有的微苦與茶韻， 甜度剛好，有回甘味道。 🔶日本蜜柑蜂蜜 Soda 一款充滿果香與氣泡感的消暑特飲。 帶有清爽刺激的碳酸感， 及日本蜜柑天然的酸甜果香。 #太子美食 #荔枝角道 #悄悄食堂

vivian yik 2 個月前

太子治癒系和風 Cafe！ Weekend同朋友去左「悄悄食堂」朝聖佢哋新出嘅早午餐，整餐飯無論係創意定味道都好有驚喜，兩個人都食到好滿足！ 小店環境係極具質感既侘寂和風，木質長桌配原色榻榻米，加上柔和燈光，彷彿去左京都茶室，好適合同朋友過一個chill下午～ 🍳 悄悄和風全日早餐 將經典All Day Breakfast和風化！手切薯絲現炸薯餅，外層香脆，內裡仍保留薯絲口感，好有層次。酸種熱香餅帶雖不太吃得出酸味，但蛋香濃郁，口感濕潤👍 配上蒲燒鰻魚、鹹香軟嫩北歐 gravlax 醃漬三文魚出奇地夾，鹹鹹甜甜咁，加埋炒滑蛋、醬油燒雜菌同牛油果，份量誠意十足！ 🥑 醃漬鮭魚牛油果開放式三文治 酸種麵包底烘到脆口有嚼勁，酸度十足。面層塗滿自家製Cottage cheese，鋪滿切片牛油果，再放上自家醃漬鮭魚。鮭魚嘅鹹香同牛油果嘅creamy好 balance，配埋少許蜂蜜調味，入口清爽，健康又滿足😌。 呢間小店真係充滿誠意，店員好nice，環境同野食都好高質。深水埗區想尋找慢活空間，呢間絕對要bookmark！

Hei Yang 2 個月前

到訪當日因為搵車位耽誤咗，特登打電話去同餐廳講會遲少少，佢哋態度好好，話冇問題叫我哋唔使急🙏🏻 食物方面，牛舌煮得好淋，但略嫌牛味薄弱咗少少🤏反而三文魚他他配芝士幾有驚喜，兩者幾夾幾好食。至於好多人推介嘅高湯炊飯，食落有淡淡吞拿魚味（個人覺得可以濃d）好在唔會太 Heavy，不過又未到好特別或者驚艷嘅地步。 整體價錢算係偏貴，而且每人要 mandatory 叫一杯飲品，飲品表現就不過不失啦

Phoebe Yip (Phoebe) 2 個月前

太子「悄悄食堂」實際位置更接近深水埗，行日式簡約風，環境舒服又有氣氛，好適合影相同和朋友小聚。需要預約，每枱用餐時間約90分鐘。 今次試咗兩個Lunch Set（約$130–$140），整體走精緻輕食路線，賣相幾靚。全日早餐配料好豐富，有鰻魚、三文魚、牛油果同滑蛋，食落口感層次幾好。柚子醬牛舌芯帶淡淡柚子香，清爽唔膩。自家製GNOCCHI口感軟糯帶少少嚼勁，屬於舒服耐食嗰種。 飲品方面試咗草莓輕乳酸梳打同西柚乳酸鐵觀音，偏清爽路線，夏天飲幾解膩。 整體感覺環境加分，食物質素幾穩定，適合想chill住食一餐或者約會打卡。