馬泰

Bobby 3 個月前

今日特登去銅鑼灣分店打算食招牌龍蝦喇沙。我先後問咗店員兩次，對方都好堅決咁話「龍蝦喇沙已經賣晒」，仲不停夾硬推介另一款招牌「火焰骨」。當時我雖然失望，但諗住無貨就無計，唯有接受。 點知隨後發生嘅事真係令我火都嚟埋，成件事極度唔公平，簡直係歧視： 1. 之後有個講普通話嘅遊客入嚟，同樣專程為咗食龍蝦喇沙。店員起初一樣話賣晒，但當個客打算走人時，店員竟然突然話「問吓老闆先」，轉頭即刻話有貨可以整。 2. 緊接住又入咗個外籍客，店員再次聲稱有貨。 我見狀即刻禮貌詢問店員，點解我頭先問兩次都話無貨，轉頭對其他人就有貨？店員支吾以對，後來先承認龍蝦喇沙每日分 12 點同下午 6 點兩輪到貨。事實係我入店嗰陣已經係 6 點過後，同下一位客人嘅時間差甚至唔夠 5 分鐘！既然貨源係 6 點到，理論上應該齊備，點解要對我講大話話「賣晒」，仲要強行推銷其他嘢？ 最離譜嘅係，當我質詢完之後，店員竟然話係佢「溝通有問題」，跟住先至問我「仲要唔要龍蝦喇沙」。我當時已經食到差唔多，佢先嚟問我仲要唔要，真係火到我頂唔順！ 呢種咁嘅服務態度真係令人作嘔。店員故意隱瞞存貨、誤導客人強行推銷，仲要事後死撐，專業操守簡直係零。絕對唔會再幫襯，亦奉勸大家小心呢間店嘅服務誠信！

Timothy Wong 6 個月前

個肉骨茶好鹹冇當歸味，吾會再幫襯

peggy Apple 1 年前

馬泰．龍蝦喇沙大爆發！ 銅鑼灣有一間隱世馬來西亞菜——「馬泰」！ 餐廳雖然唔算大，但食物質素係驚喜級， 尤其係佢哋嘅龍蝦喇沙同鮮芒果冰冰，份量勁誇張，性價比爆燈！ 飲品震撼登場！芒果冰冰多到瀉 講到震撼，一定要提佢哋嘅「Cool爆鮮芒果冰冰」！ 未上枱已經見到侍應捧住杯「巨型火山」行過嚟——真係冇誇張， 杯邊嘅芒果肉多到瀉出嚟，面頭再堆滿新鮮芒果粒同冰沙， 飲一啖，芒果味濃到似直接咬緊果肉， 甜度自然唔假，成杯係「幸福到癲」嘅感覺！ 如果兩個人share，可能都要努力先搞得掂，因為真係大杯到離譜！ 另外，「冰凍馬來特色手拉茶」都值得一試， 茶底香濃帶微微焦香，奶滑得來唔會太甜， 飲落去好順喉，同濃味嘅喇沙係絕配！ 龍蝦喇沙大爆發！湯底濃到癲 首先必試嘅一定係「龍蝦喇沙」， 一上枱已經嚇親我——成隻龍蝦鉗大大隻咁插喺碗面， 仲有塊厚切豬扒，視覺效果滿分！ 湯底係正宗馬來西亞風味，椰香同蝦醬味濃到化唔開， 仲有啲微辣吊味， 飲一啖湯已經想瘋狂「隊」晒成碗。 d粉索盡湯汁，掛湯能力一流，每啖都係精華。 龍蝦肉爽彈鮮甜，整體來講係「邪惡但值得」嘅級數！ 街頭撈檬粉：清新開胃之選 如果怕膩，可以試吓「豬扒Pork Chop特式街頭撈檬粉」，配料多到瀉： 豬扒亦醃得入味，唔會乾柴， 青瓜絲、蘿蔔絲、花生碎，再加自家調製嘅魚露汁， 撈勻之後酸酸甜甜，超級開胃！ 尤其係夏天食，爽口得來又夠飽肚，鍾意輕食嘅朋友一定愛上。 「馬泰」雖然唔係高級餐廳格局，但食物質素同份量絕對係誠意之作！ 餐廳：馬泰 地址：銅鑼灣駱克道408號地舖

Charles Fang 1 年前

體驗原隻波士頓龍蝦，真的好好吃，裡面還有蝦卵，不過漲價了，之前一碗88，現在98。 兩人打卡送甜點，蛋糕也是超好吃。

-xX HKDJCHI Xx- -xX HKDJCHI Xx- 3 年前

見到有人貼呢碗急凍龍蝦喇沙，今日雙休得閒咪過海試下味囉！落車步行幾分鐘就入去,樓面姐仔帶位其實大L把位眼見全場得6個客😆一坐底唸住叫個龍蝦喇沙條女話唔好意思先生呢樣要夜晚18：00後先有，我心唸【XxYzZ@】🤦‍♂🤷‍♂🤬望一望餐牌為有叫海鮮喇沙囉！班蘭椰汁冰加多個泰式無骨酸辣鳳爪 。無耐先嚟杯椰汁冰（味道飲落幾香），好快碗喇沙就送埋嚟,先用匙羹畢一啖湯底試下味先(幾重口味唔系我心水想食可以連湯都飲淨果種)2條人工蟹柳+幾粒條魷魚碎+2粒白魚蛋仔+半隻蛋+2隻白對蝦+4隻花甲系咁多😆🤦‍♂，最後嚟既泰式雞腳(最差呢樣唔夠酸死辣咬落好硬好多骨碎🤦‍♂)總結試過就算🙊🙊🙊🙊