美麗小廚

Kaman Yip 1 個月前

最近朝聖了榮獲《2026年米芝蓮指南》必比登推介的灣仔美麗小廚，全日不設加一服務費，CP值極高！店員服務貼心，一上桌便叮囑我們要將煲仔飯多焗1分鐘，這黃金60秒正是逼出完美香脆飯焦的關鍵。 貫徹「飯是配角，油是靈魂」的理念，「麗姐海陸空煲仔飯」的靈魂油分充滿澎湃的薑蔥香氣，去晒內臟的膶腸乾淨利落，更散發油潤甘香的鵝肝味；而「紫蘇豉蒜鹹水白鱔煲仔飯」的白鱔肉質爽彈，油分則帶有濃郁的豉蒜微辣，極之惹味。 小菜同樣高質，「鹹蛋黃涼瓜」將甘苦的涼瓜裹滿鹹蛋黃，起沙綿密，鹹香回甘；「羊肚菌黃耳百合燒豆腐」則清爽有層次，黃耳黏糯、百合清甜，豆腐完美吸收了羊肚菌的菇菌鮮味。 最後以特色沙冰解膩：「四季柑桔檸檬沙冰」超酸有勁，充滿維他命C，瞬間提神；「青檸愛文芒果沙冰」則酸甜平衡，果香濃郁且口感綿密。

Daydream Day 1 個月前

同朋友一齊到灣仔美麗小廚試煲仔飯，話拎咗米芝蓮，試完真係ok 喎，仲要係連小菜菜式都好得！ 油雞樅北菇滑雞煲仔飯，飯底有飯焦！雞肉嫩滑入味； 乾炒牛河鑊氣十足，勁足料牛肉，仲有蒜粒、雞蛋、芽菜一齊炒，午市套餐份量、一碟差唔多可以兩個人分 另外點咗椒鹽魷魚鬚，外酥內彈，下飯一流，最正係佢每一條都好大好長，平時出邊街市切到好細條，一大啖咬爽好多！ 羊肚菌黃耳百合燒豆腐口感軟滑，味道清潤。 套餐附上蓮藕赤小豆扁豆豬展老火湯，煲得夠出味，飲落滋潤。最後配一杯檸檬茶沙冰，正常甜度，剛好中和成餐油膩感。

yola 2 個月前

​我地一行4人去咗灣仔嘅「美麗小廚」食飯。整體嚟講，啲嘢食真係無令我哋失望，特別係嗰兩個煲仔飯同埋脆皮雞，真係好正，絕對值得推介！​以下係我哋試過嘅菜式： ​煲仔飯係今晚嘅重頭戲！個飯底真係無得彈，火候啱啱好，啲飯粒粒分明，仲有好多香脆嘅飯焦。 ​​「菁雲特級煲仔飯」：呢個飯嘅配料超級豐富，臘味肥而不膩，仲有幾種菇類，濕潤惹味，真係無得頂！ ​「金蒜鹹蛋黃金蠔鮑魚煲仔飯」：金蒜味勁香，成個飯都好惹味，加埋鹹蛋黃同金蠔，簡直係絕配。 ​椒鹽魷魚鬚 賣相已經好吸引，炸得金黃香脆，一啲都唔韌，肉質好鮮嫩。椒鹽味調得啱啱好，唔會太鹹又夠脆。 ​大紅袍脆皮雞 (半隻) 個皮真係超脆，一咬落去「咔滋」聲，肉質好嫩滑仲好多汁。雞皮色澤油亮，入口甘香。雞肉入味得嚟又唔會乾，好食！ ​魚香茄子煲 茄子煮得好淋好入味，完全吸收晒鹹魚同肉碎嘅精華，魚香味好突出，撈飯一流。 ​煎蛋豉椒免治牛跟煎脆米底 呢個好有特色！個脆米底炸到好脆好似鍋巴咁，上面淋咗好多免治牛肉豉椒汁，仲有一隻半熟煎蛋。撈勻蛋黃嚟食，口感好滑，味道好豐富，正！ ​啫啫芥蘭 芥蘭炒得好爽脆，啫啫嘅做法令到啲菜好惹味，完全無草青苦澀味。 ​特式飲品 我哋點咗青檸粉紅石榴沙冰、青檸愛文芒果沙冰同埋青檸白玉甘蔗汁。三款飲品都好fresh，好啱解膩。沙冰好綿密，果味濃；甘蔗汁清甜滋潤，好飲。 ​總括嚟講，「美麗小廚」嘅水準真係好高，無論係選料定係烹調都好用心。特別推薦佢哋嘅煲仔飯同脆皮雞，真係好值得一試 ，難怪佢哋係米芝蓮推介。價錢當然唔可以講話平，但計及出品質素來講絕對係物有所值。下次一定會再嚟！ ps 佢仲有出月餅架原來

You Meating 2 個月前

Hailey 噚日個中文dictation你錯咗美麗個麗字，媽咪今日特登帶嚟呢度，等你一邊食你最鍾意嘅crab meat，一邊望清楚點寫。呢度嘅蟹肉Clay pot rice好多料架。成個面都舖滿咗白色嘅蟹肉，好似snow white 咁白架。然後又再鋪多一層ginger絲，佢又好有薑嘅味道，但又唔spicy,就算Hailey 你都食得，最緊要係啲飯焦，夠晒crispy 又caramelized，帶出口感嘅Layers. 媽咪就最鍾意另一個chinese sausage, chicken 同abalone嘅配搭，佢traditional得嚟又夠晒矜貴。雞肉又滑，仲要個sausage有兩種，liver造嗰種最好味，好粉好香咖。 呢兩種rice佢仲會配搭唔同嘅香油，真係好pay attention to 細節架。不過你都要pay attention，個pot好hot㗎。 但係我最唔估唔到你連個臭bean curd你都食到停唔到口。咁又係佢有少少spicy，豆腐又吸收晒啲sauce，真係好入味，好豐富㗎。 我諗你唔怕spicy係因為大大杯嘅mango同pomegranate juicy，佢地真係大杯到成個tower咁。又sweet又解渴。 咁你就乖乖食完返屋企再準備下次默書啦。

W 3 個月前

餐點是有特色的好吃的，但催促點餐的速度意外的快 不曉得是不是為了求翻桌率 以店家的名氣需要改進 這樣的節奏不是好事 再說一次餐點確實是好吃的 氣氛有點吵雜，但勉強可以聊天 有一位換碟和擦拭的年紀大一點的服務生服務態度非常得好 煲仔飯很好吃， 大紅袍脆皮雞非常好吃