棋哥燒鵝餐室 (灣仔)

LC Chan 1 個月前

灣仔放工斬料首選！棋哥燒鵝燒味有水準，外賣就算帶返屋企食依然維持到皮脆肉汁多，肉食控絕對要試 🤤🔥 🦆 荔枝柴燒鵝 皮薄鬆脆兼帶淡淡荔枝木香，外賣返到屋企都冇變軟！鵝肉厚實多汁完全唔乾柴，蘸埋特製酸梅醬食超解膩。 🐖 招牌脆皮燒腩仔 頂級嘅松化脆皮！肥瘦相間嘅五花腩比例完美，鹹香夠味而且油脂香氣四溢，每咬一口都有咔吱脆聲。 滷水豆腐 滷得超級入味！豆腐豆香濃郁、質地滑嫩又吸汁。 總結是，堂食同外賣返屋企都一樣好食，保持到夠脆。

正義的怪盜 2 個月前

📸【銅鑼灣快閃覓食！🦆 棋哥燒鵝激抵 $288 尊貴套餐 🥢 爆汁肥嫩燒鵝＋蜜汁叉燒雙重滿足】 今日同朋友喺銅鑼灣行街突然間起癮想食燒鵝，即刻諗起以「皮脆肉嫩」最受推崇嘅名店「棋哥燒鵝」！發現佢哋竟然有款性價比極高嘅套餐，只需 $288，有齊燒鵝、叉燒、小食、油菜同主食，超級豐盛，絕對係無肉不歡街坊嘅寶藏選擇！🔥 🦆 【雙重肉味暴擊：招牌燒味】 • 👑 招牌燒鵝（細例牌） 一上檯就見到層皮亮晶晶！入口外皮帶微脆，鵝肉軟腍多汁，最正係味道甘香得嚟完全唔覺得油膩，配埋酸梅醬一齊食，鵝油香氣喺口入面爆發，真係名不虛傳！ • 🐷 蜜汁叉燒 師傅切得厚薄適中，肥瘦分布非常均勻。外層裹滿香甜嘅蜜汁，帶點微燶邊。咬落去連瘦叉燒部分都保持到飽滿肉汁、完全唔會乾柴，越咬越香！ 🥄 🌶️ 【誠意滿滿：佐膳小食與油菜】 • 滷豆腐： 豆腐質地非常嫩滑，入面吸飽了秘製滷水嘅鹹香，十分入味。 • 酸辣雲耳： 食完濃郁嘅燒味，食啖爽脆嘅雲耳啱啱好！酸辣調味非常開胃，瞬間平衡咗燒味嘅油膩感。 • 郊外油菜： 淥得剛好，菜身清甜爽脆，淋上蠔油簡直係完美嘅綠葉配搭。 🍚 【靈魂主食搭配】 主食可以跟隨自己喜好選擇白飯、瀨粉或者米粉。個人極力推介揀瀨粉，爽滑嘅瀨粉吸埋燒鵝嘅靈魂精華鵝汁，簡直係極品！

Jenny Ng 2 個月前

一流燒鵝 在銅鑼灣巧遇上朋友，就一起晚餐吧。在鵝頸橋附近就有間棋哥燒鵝好出名，那就決定呢間 有2人套餐有燒鵝食，就決定點這份 前菜有酸辣雲耳，滷豆腐很開胃，特別喜歡豆腐很滑 主要還不會太鹹 例湯沒有味精也不錯，凍檸檬茶好岩夏天飲 主食點了瀨粉和米粉，瀨粉很滑溜而且不易斷開，很久沒食過咁好食既瀨粉了 主角燒鵝，我們進餐時間已經七點多，但郤能保持皮脆另還帶了煙燻後荔枝香，入口帶另一種香味，而且肥瘦平均，不感到油膩 值得推薦 另一款就點選了叉燒，份量十分足夠，而且帶燶邊，外表掃上蜜汁有甜味就係傳統叉燒的味道 燒鵝出色會介紹家人朋友過來

Eunice Lam 3 個月前

這家品牌的燒鵝算得上網紅打卡點。地址相當方便，就在銅鑼灣跟灣仔交界，鵝頸橋旁邊，我們想着之後有事要辦，簡單來份燒味餐，好吃又不花時間。 不到7點入座，零丁幾個，也不至於排隊吧，想不到入座不夠10分鐘，人慢慢就開始滿了，本地人比較多，之後才是遊客。 精選套餐2人套餐 $288 ✴️棋哥燒鵝（細例） 1碟 份量非常多，皮脆肉嫩，肉質有種吃豬肉乾的炭烤味，好獨特的燒鵝，跟一般燒味店不同，是他們獨家的燒鵝口味。 ✴️叉燒（單拼燒味小例）1碟 份量也是很多。驚喜，是我喜歡的爽叉，不肥不瘦，入口爽脆不油膩，其實這種叉燒更難買，我常常叫媽咪買這種叉燒，也未必買到，想不到在這裏吃得到。 ✴️棋哥滷豆腐（1份） 買燒味，竟然滷水豆腐這麽好吃，我朋友先吃第一件，立即說好好吃。口感嫩滑，內裏雪白，但卻非常入味，比一般滷水豆腐都入味。 ✴️酸辣雲耳 Black（1份） 冰冰涼涼，酸甜爽口，夏天吃特別適合。 ✴️郊外油菜 （1碟） 蠔油菜心也是很大碟，基本沒有油，健康飲食。 ✴️白飯／瀬粉／米粉（2碗） 我們分別點了湯瀨粉跟湯米粉，湯底很清甜，瀨粉爽滑。 ✴️老火靚湯（2碗） 用好多豬骨跟紅蘿蔔粟米一齊煲，口感清甜又濃郁。如果不喝湯，可以點餐時加$7改飲品，我後悔沒改，吃燒味還是有喝的比較好。 總結，其實網紅店也沒甚麼不好，味道也挺好的，而且我們本地人吃其實比遊客多，餐廳的裝潢其實就普通茶餐廳，但比寬敞明亮。

Yanyankoei 3 個月前

今日收工有啲攰唔想煮飯，行過見到棋哥燒鵝，一向聽人講佢哋嘅燒鵝好出名，於是就決定斬料加餸，買份外賣返屋企慢慢嘆。 今次特登叫咗「棋哥燒鵝（下庄）」（$145），話晒下庄有埋隻鵝髀，啖啖肉之餘，油脂又夠香。返到屋企一打開個盒，真係香氣四溢！雖然係外賣，但個鵝皮依然keep到少少脆度，而且呈好靚嘅琥珀色，油脂光澤十足。 一啖咬落去，鵝皮下面嘅脂肪比例啱啱好，唔會過分油膩，但又夠晒甘香。下庄嘅肉質果然好滑溜，完全唔生澀，而且滷汁入晒味，鹹甜適中，點埋佢哋酸酸甜甜嘅酸梅醬，真係解膩又提鮮，撈飯簡直一流！ 另外仲加咗份燒肉（$105），雖然價錢好平，但份量都算幾足。燒肉外皮非常香脆，肥瘦適中，唔使點芥辣都好好食。 整體嚟講，呢餐外賣一共 $250，雖然價錢望落唔算好平民，但以高質素嘅燒鵝下庄嚟講，呢個質素同份量絕對對得住個價錢，真係一分錢一分貨。 包裝方面做得幾好，汁料無滲漏。下次如果唔想煮飯或者屋企想加餸，絕對會再回購！推介畀各位鍾意食燒鵝嘅街坊！