Santorini Steakhouse by Panos SSP

sharon chin 1 個月前

推介灣仔高質西餐餐廳Santorini Steakhouse😍餐廳環境靚，充斥著希臘風格特式，好適合情侶，知朋好友過黎共聚暢談！裝潢設計靚，地方寬敞，坐得舒適👍🏽依家二人套餐新店優惠價只係 $888！非常抵食！😆食物質素有保證，每樣都好有水準！仲要係價錢唔算貴😋餐廳亦提供好多特式飲品，有唔同款式嘅Cocktail, Mocktails！今日主要試咗澳洲和牛秘製牛扒同埋希臘牛肉漢堡扒😋特式飲品方面就叫咗Tropical Hellenic breeze同Citrus berry bliss 呢道澳洲和牛秘製牛扒烹調得恰到好處，牛肉香氣四溢且口感極佳。佐以風味獨特的烤檸檬馬鈴薯與秘製醬汁，完美平衡了油脂的豐腴，非常美味！ 而希臘牛肉漢堡扒充滿地中海風味，肉餅外焦內嫩且肉汁飽滿。搭配濃郁的起司與特調醬汁，香氣撲鼻而不膩，每一口都極具層次感！！ 飲品Tropical Hellenic breeze充滿獨特的地中海風味，口感酸酸甜甜、清新爽口，完美融合了酸甜與鹹香，令人彷彿置身於陽光海灘咁 Citrus berry bliss，果香濃郁且層次分明。冰涼滑順的滋味帶有淡淡的柑橘清香，甜而不膩，讓人一口接一口，非常消暑！

Amber Directory 2 個月前

週末想搵個地方hea吓、感受吓歐陸風情，於是去咗呢間氣氛好舒服嘅餐廳。最正係午市套餐包咗沙律或者忌廉湯，而且無限時任坐，真係可以同朋友慢慢傾吓偈，完全冇趕客嘅壓力。店員嘅服務親切又有禮貌，令人坐得好放鬆。 講起前菜，個沙律真係同平時食嘅好唔一樣，新鮮嘅沙律菜面頭加咗羊奶芝士同橄欖油，食落特別清新開胃；另一個前菜叫咗薯仔湯，味道雖然香濃，不過份量比較少，飲完真係有少少唔係好夠喉。 我哋叫咗兩個主菜。先講「傳統希臘焗茄子肉批」，一上枱已經聞到好香嘅芝士味，用鐵鍋熱辣辣上陣，面頭嘅金黃芝士烤到微焦。用叉輕輕一挑，切開見到入面層層疊嘅肉醬、茄子同翠玉瓜，口感好豐富，伴碟仲有幾塊烘到啱啱好嘅Pita薄餅，點埋啲醬汁真係好夾。 另一道「希臘牛肉漢堡扒」厚身嘅牛肉漢堡扒煎到外微脆、切開仲係肉香四溢，配埋清新嘅希臘青瓜乳酪醬，減低咗油膩感。旁邊仲伴咗香烤薯角同燒番茄，係典型嘅歐洲式主菜。唔好睇佢份量少少，其實食完都好飽。 食完主菜仲有甜品，係撒滿肉桂粉嘅傳統希臘米布甸，口感滑順。最後配埋一杯熱 cappuccino 同凍咖啡，為呢個悠閒嘅週末午餐畫上完美句號。

delish_ hk 5 個月前

香港好少地方可以食到希臘菜，見灣仔新開咗間仲有新店優惠，500g牛扒二人套餐優惠價$888，如果4個人嚟點任何一客牛扒，就會送一支紅酒，咁當然唔可以錯過。我哋兩個人，就叫咗個二人套餐，套餐包咗兩款頭盤、餐湯、肉眼扒同甜品。我哋另外仲叫咗份店員極力推薦嘅蟹餅。 Panos' 招牌蟹餅配海膽羅勒汁 $258 蟹餅外面煎到金黃香脆，加埋海膽同羅勒醬汁，賣相真係非常吸引。蟹餅入面係滿滿嘅蟹肉，非常足料，蟹肉鮮味十足，加埋少少忌廉，口感幼滑細膩，兩個人分話咁快就清碟，店員果然冇推介錯。 希臘什錦醬料拼盤 皮塔薄餅配上四款唔同口味嘅沾醬，賣相繽紛。有口感清爽嘅原味濃乳酪配青瓜，青瓜粒同乳酪食起上嚟非常清新。而菲達芝士煙燻甜椒醬帶淡淡嘅羊奶芝士嘅鹹鮮之餘又帶啲辣，非常有驚喜。煙燻茄子蕃茄醬就加入咗茄子泥同蕃茄蓉，煙燻味突出，口感層次豐富。白鱈魚子醬鹹鮮味最突出，口感順滑綿密。每一款搽喺煙韌嘅薄餅到一齊食都非常好食，各有特色。 經典希臘鄉村沙律 沙律好大份，入面除咗有沙律菜，仲有其他好似燈籠椒、芝士、車厘茄、橄欖等嘅配料，加埋橄欖油，食材新鮮，酸爽解膩。 南瓜湯 南瓜蓉打得極細滑，入口順滑。以南瓜本身嘅甜味做主導，冇加太多嘅忌廉。 澳洲純種黑安格斯肉眼扒（500g) 肉眼扒非常有份量，我哋叫咗medium rare，切開是漂亮嘅粉紅色，牛扒表面烤到焦香，肉汁緊鎖。牛扒肉質軟腍，筋位帶嚼勁但唔會過韌，牛味濃郁。伴碟有香脆嘅希臘薯條、酸甜油封蕃茄同原條烤辣椒。500克嘅份量，兩個人分嚟食就啱啱好，相當滿足。 甜品係希臘傳統嘅米布甸，面頭有脆焦糖，下面係流質嘅雲呢嗱米糊，牛奶同米粒熬得綿密，冰凍上枱，味道偏甜但亦唔會太膩口。 。 。 Santorini Steakhouse by Panos SSP (灣仔) 灣仔皇后大道東202號QRE Plaza 5樓 。 。

Little Tummy 5 個月前

❤️ 灣仔新開嘅希臘餐館😍 餐廳由擁有超過20年經驗嘅希臘籍主廚Chef Panos主理，質素絕對有保證👍🏼 老闆同員工都好熱情，除咗希臘菜式，仲食到好好食嘅牛扒😚 ❤️ 海鮮意式通心粉配蝦仁章魚和青口 $228 意式通心煮得恰到好處，保留了應有的嚼勁，不會過於軟爛，掛汁效果亦很好。青口唔係平時好乾嗰隻青口，而是肉質肥美，且沒有腥味。驚喜的是裡面還有章魚，口感彈牙帶點韌勁。 ❤️ 午餐仲有Set Lunch 可以點，包含咗沙律/餐湯，是日甜品，和飲品。 沙律加咗芝士，微鹹的奶香味瞬間提升了蔬菜的層次感🥗 叫咗以下兩個Set Lunch~ ❤️ 澳洲和牛秘製牛扒 Australia Wagyu Butchers Secret Cut $198 我同我老公都好鍾意食牛扒😋 牛扒一上枱已經切好，見到嗰個粉嫩嘅色澤，真係非常吸引。雖然係和牛但唔會覺得太肥膩，反而好有牛味。配埋炸得剛剛好的薯條非常好食😍 ❤️ 紅酒燉和牛面頰肉 Wagyu Beef Cheeks $198 和牛面頰肉比起牛扒更加軟嫩，真係入口即溶。紅酒汁加埋充滿牛油味嘅薯蓉，食得非常滿足🤤 ❤️ 跟餐甜品都絕不敷衍，感受到廚師對食材組合的用心。希臘式米布甸質地綿密，甜度亦控制得剛好，唔會係死甜。最鍾意佢表面嗰浸焦糖化嘅效果，加埋陣陣肉桂香氣，作為甜品劃上句號真係啱啱好~

Foodstalkers HK 5 個月前

灣仔新開希臘菜餐廳🇬🇷 Santorini Steakhouse by Panos SSP 主打正宗希臘料理、乾 / 濕式熟成牛扒🥩 海鮮🦞 由擁有 20 多年餐飲經驗嘅希臘籍主廚 Chef Panos 主理👨🏻‍🍳 今次就點咗佢哋 Dinner Set for Two $888🍽️✨ 前菜有希臘式什錦蘸醬拼盤 Assorted Dips Platter🥙 有 4 款蘸醬（醒胃嘅鱈魚子檸檬醬🍋 帶煙燻味嘅烤茄子醬 🍆 等）配上熱辣辣嘅 Pita Bread 好有風味；另有經典希臘鄉村沙律 Horiatiki 🥗，即席淋上初榨橄欖油，沙律配料有番茄、Feta Cheese、青瓜、橄欖等好 refreshing，再跟香甜 creamy 嘅南瓜湯🎃 前菜仲追加咗招牌蟹餅海膽羅勒醬🦀 好足料真係有一絲絲嘅蟹絲，炸到外脆內軟，沾上海膽同羅勒醬夠惹味～ 主菜就有 500 克澳洲純種黑安格斯肉眼扒 Australian Pure Black Angus Rib Eye🥩 肉眼扒煎至外層焦香肉質粉嫩juicy，牛肉味好濃郁，Side 就有金黃香脆希臘式薯條🍟 食牛扒記得叫番杯 House Red Wine🍷 而甜品就有希臘特色甜品米布甸 Rice Pudding🤍 帶淡淡嘅奶香食落有米粒口感，面頭仲有焦糖脆脆添😍