盛記酒家

Sonia 3 個月前

《盛記酒家》（灣仔)是一間非常傳統的粵菜酒家，多年的老字號了！餸菜份量大，酒樓菜式也很多！ 今晚吃了以下菜式: 🥢紅燒乳鴿（每隻） $78 我的至愛食乳鴿！呢間乳鴿實在太好味啦，有水準！乳鴿炸得金黃脆皮，非常入味！乳鴿肉嫩多汁非常Juicy！鹹香入味皮脆肉嫩！ 🥢百花釀蟹鉗 $68/隻 配甜酸醬 即叫即做！用鮮蝦製成的百花釀蟹鉗！非常鮮味 尺寸不大，啖啖鮮蝦肉非常滋味 配搭甜酸醬100分 🥢鮑汁薑蔥撈粗麵 $148 配紅醋 份量十足，充滿了鮑汁和薑蔥的味道！並配有紅醋，更多了一個口味提供客人選擇！好味！ 酒家還送糖水喳喳，足料新鮮，而且甜味適中，微甜不膩 大廚的烹飪技術高超，每道菜式也非常好味！進食後不會口渴沒有使用味精！

Foodiegraphy 3 個月前

盛記酒家 位於灣仔嘅盛記酒家係區內傳統老字號粵菜酒樓，酒家黎講唔算大但坐得舒服，充滿地道煙火氣。 💫手拍青瓜🥒 Marinated Garden Fresh Cucumber $48 清爽開胃嘅涼拌前菜。青瓜爽脆，少少辣係醒胃之選。 💫乾撈海皇粉絲煲🥘 Assorted Seafood with Vermicell in Hot Pot $188 粉絲吸盡海鮮嘅精華，香濃惹味，用料豐富，鑊氣十足🍳，蝦干同咸蛋黃碎令成煲嘢昇華左，幾乾身吓不過嘆返杯茶啱啱好🫖 💫杞子桂花糕 Wolfberry Osmanthus Cake $38 有桂花🪷嘅香同杞子增添視覺點綴，晶瑩剔透，味道就不過不失 💫🐾金牌炸子雞🐤 Crispy Deep-Fried Chicken $188/半隻 盛記嘅招牌菜之一，外皮幾脆，雞肉嫩滑，嗌半隻兩個人好夠食，打卡都幾靚📸

Blue Habibi Small B 5 個月前

盛記酒家 (灣仔)盛記酒家隱於灣仔繁華街巷，宛如一顆璀璨美食明珠。踏入店內，古雅裝潢盡顯韻味，溫馨氛圍縈繞身旁。多年經營沉澱出深厚底蘊，廚師團隊技藝精湛。從精緻前菜到豐盛主菜，每道佳餚皆用心烹製，以地道風味與獨特創意，為食客呈上一場難忘的味覺盛宴，是灣仔不容錯過的美食打卡地。 金薯牛柳粒 金薯軟糯香甜，吸飽了醬汁的醇厚香氣，外層微帶焦香；牛柳粒切得大小勻稱，醃制後煎至外微焦裏嫩，肉質緊實多汁。兩者同炒，醬汁裹纏每一粒食材，甜鹹交織，金薯的綿密中和了牛柳的緊實，口感層次豐富，入口先是醬汁的鹹香，後有金薯的回甘，每一口都鮮香醇厚，盡顯粵式小炒的精妙搭配。 豉油皇鮮鵝腸 精選新鮮鵝腸，處理得潔淨無腥，在豉油皇醬汁中快炒至斷生，色澤油亮誘人。鵝腸口感脆嫩彈牙，咬下去 “咯吱” 作響，豉油皇的鹹香鮮醇牢牢鎖在食材肌理中，不重口不油膩，醬汁包裹均勻，每一口都帶著濃郁的廣府風味，鮮爽過癮，盡顯粵式小炒對火候與食材的極致把控。 綠豆沙糖水 作為餐後甜湯，綠豆沙熬煮得綿密順滑，入口無渣，清甜氣息緩緩彌漫。甜度恰到好處，不齁不膩，帶著綠豆本身的清香，溫潤滋養。夏日食之解暑生津，餐後品之解膩清口，一勺入口，細膩的沙質在舌尖化開，暖意蔓延，盡顯粵式糖水的溫潤匠心，為一餐畫上圓滿句號。 #香港美食 #灣仔美食

Lai kin Wong 6 個月前

盛記酒家 (Sheng Kee Restaurant) ☆║．．．．．．．．．．．．．║☆ ‼️ 灣仔人氣爆燈小炒！平日夜晚竟然全場爆滿？ ✅ 真係冇諗到呢間位於灣仔群策大廈嘅「盛記酒家」咁受歡迎！明明係平日夜晚過黎食飯，估唔到竟然全場爆滿，人氣極旺！環境係經典嘅中式酒樓格局，收工同朋友叫幾碟地道小菜，歎杯冰凍嘅 Heineken 啤酒，夠晒熱鬧有氣氛。 ‼️ 惹味開胃：特製醬汁涼拌雞 ✅ 呢道涼拌冷盤非常有驚喜！雞肉皮滑肉嫩，上面鋪特製嘅麻辣惹味醬汁，食落超級開胃，絕對係送酒一流嘅前菜。 ‼️ 送酒恩物：金黃酥脆椒鹽豆腐 ✅ 黎食小炒必點嘅「椒鹽豆腐」！豆腐切成啱啱好一口嘅 Size，炸到金黃色，外層酥脆乾身，內裡依然保持滑溜。配埋表面嘅椒鹽同炸蒜，真係一粒接一粒停唔到口。 ‼️ 鑊氣經典：芥蘭炒牛肉 ✅ 考驗師傅功力嘅經典小炒「芥蘭炒牛肉」表現出色。牛肉炒得夠腍滑，完全無過老；芥蘭翠綠爽脆，兩者配合得啱啱好，充滿中式小炒獨有嘅鑊氣。

Lulu Bubu 6 個月前

約舊朋友食飯，佢揀咗灣仔呢間盛記酒家。坐落喺譚臣道，門面唔算起眼，但聽講係區內老字號，好多打工仔收工都會過嚟食飯。 一入去就感受到嗰種老式酒家嘅熱鬧氣氛，侍應姐姐全部係同熟客打招呼，肯定好多街坊都會落嚟食飯，感覺好親切。 🌟蒜片牛仔粒 牛肉粒切得一口大小，外層煎到微微焦香，但一咬落去，肉質軟腍得嚟有咬口，完全冇韌根，仲鎖住肉汁。蒜片炸到金黃香脆，連埋牛肉一齊食，蒜香同肉香喺口腔爆發，送啤酒一流。呢個份量性價比高。 🌟新鮮菠蘿咕嚕肉 平時食開嘅咕嚕肉好多都用罐頭菠蘿，呢度竟然用新鮮菠蘿，即刻加分。菠蘿清甜多汁，唔會死甜，而且可以有效中和咕嚕肉嘅油膩感。咕嚕肉用嘅係半肥瘦豬肉，外層炸漿薄身，掛汁能力強，甜酸汁調得恰到好處，唔會太酸嗆喉，亦唔會過甜。最正係上枱時仍然保持脆口，唔會淋晒，呢樣真係考師傅功架。 🌟盛記小炒皇 呢個小炒皇一上枱，鑊氣已經贏咗。韮菜、蝦乾、土魷、腰果、炸芋絲，配料豐富到數唔晒。最欣賞係炸芋絲，脆口得嚟有芋頭香，同其他配料形成強烈口感對比。蝦乾同土魷都炒到乾身，鹹香味出晒，但唔會過鹹。成碟炒得夠乾爽，碟底一滴油都冇，師傅功力可見一斑。 五百幾蚊三碟都咁高水準嘅小炒，仲有白飯同茶芥，喺灣區呢個價錢真係抵到爛。盛記嘅菜式唔花巧，但每一碟都食得出師傅嘅心機同對火候嘅執著。如果你鍾意傳統粵式小炒，想搵個地方同朋友傾計食飯，呢度絕對值得一試。