樹屋泰廚

vivian yip 5 個月前

四個人去咗旺角金雞廣場嘅樹屋泰廚食飯，試咗幾款唔同菜式，整體感覺幾平均。 濕炒河粉就比較普通，冇乜特別驚喜；串燒方面包括燒鱔同沙嗲，仲有鹽燒魚，都算OK，味道唔錯但未至於好突出。不過講到最令人印象深刻，一定係生蝦同螄蚶，新鮮度同味道都真係冇得頂，食完都仲想再叫多份。 整體來講，如果係想同朋友開心食一餐、試下唔同泰式菜式，呢度都係一個唔錯嘅選擇。

ANDY LAM 1 年前

香港食泰菜真係食到有泰國味唔多，佢呢間好食夠地道，食完又唔口渴（無乜味精），係等嘢食耐啲，都唔緊要坐下傾下計，無限時又唔趕你走，佢開到好夜，最驚喜就係我哋切蛋糕，佢仲幫我哋播歌，全個場四五檯客都祝福我哋，好正呀﹏食完一定要再試，嘢食又抵﹏

Xenia Wong 1 年前

喺花園街市政大廈由無冷氣食到終於有冷氣😂 以前一到夏天幾心掛掛都熱到唔會想上去食，依家搬咗就唔會再有呢個煩惱。 食物真係由泰國人主理，辣度可以同老闆溝通按需求調整。 咖哩蟹（要預先訂）主抵食👍🏾 剩低嘅咖哩配埋名物蒜蓉包係絕配！ 如果自己帶海鮮過去加工都好抵😍

lafa ca 1 年前

環境一般，服務唔錯。 炒飯細份既份量都好多，味道算豐富，整體唔錯。青咖喱同薄餅相對一般，調味較單一，薄餅有啲凍。 椒鹽鮮魷味道唔錯，脆身而唔會太油膩。 全部加埋350左右。

Janet Li 2 年前

旺角街市搬過來，環境好咗，起碼有冷氣，唯一缺點是缺少了一種風味。 椒鹽魷魚鬚是本人覺得比任餐廳都做得好吃，另外第一次點泰式醃生蝦，可能期望太高，原來是用基圍蝦，立刻減分，但酸汁是好吃的。醃豬肉生菜包賣相是比以前好看，泰象啤五送一。地點方便是聚會的好地方。服務有禮，但記得電話預約。