御滿屋日本料理 Superior Manya Japanese Restaurant

foodie foodie 2 個月前

性價比一次比一次誇張的「日式」放題 對於榴槤控來說，甚至比普遍自助餐都要來得吸引 最便宜的set，就包括任食即開金枕頭榴槤 還是綿密香甜，encore了幾次都一樣刺身壽司都不錯 尤其劍魚腩，好爽滑 壽司卷物有特色，小小一件可以多嘗 [鮟康魚肝鱈魚脆]是新品? 鹹香綿密魚肝配薄脆鱈魚，下酒好吃 [燒白粟米] 和 [燒菠蘿] 多汁超甜，解膩一流 熱食像羊架、比目魚、燒元貝(挺厚肉!)等不多說，全部都每次必食 自助區‼超多選擇 凍海鮮、熱炒(椒鹽豬扒、牛仔骨、南乳豬手,不定時換款)、點心、冷盤、爆谷等等都有 最驚喜的是卷物(鰻魚、牛肉、玉子燒)都好吃 汽水、茶飲、咖啡外，酒精飲品都任飲 包括生啤、清酒等 生果、甜品櫃感覺也upgrade了，Tiramisu、芝士蛋糕等都有，當然，質素一般過過癮ok， 要不可以直接進攻雪糕，Movenpick、häagen-dazs等任君選擇

So C 2 個月前

有過百款料理同飲品任食任飲之餘，最震撼一定係金枕頭榴槤原隻上枱💕 一送到枱，果香即刻出嚟，香氣濃郁到成張枱都充滿幸福感，果肉綿密香甜，榴槤迷食到停唔到口，呢個位真係必試亮點✨ 刺身方面，厚切帶子鮮甜爽滑，赤蝦彈牙帶海洋氣息，松葉蟹腳同各款貝類都好新鮮；壽司除咗經典手卷，仲有Taco壽司外脆內鮮，層次豐富；最愛海膽手卷，海膽甘甜綿滑，份量足到幸福爆棚🙈 乳鴿皮脆肉嫩，一咬爆汁；串燒牛舌香口彈牙，白玉粟米鮮甜多汁。蟹粥更係完美收尾，蟹膏煮到粥底濃郁鮮甜，暖笠笠落肚，舒服到心入面💕 甜品方面有布甸、大福、泡芙等，飲品仲有汽水、冷泡茶、清酒、梅酒、啤酒，無論係甜品控定酒友都會開心到飛起🍺🍶 咁多款美食之中，最吸睛都係榴槤原隻一送到枱就香氣四溢，抵食又有驚喜，榴槤迷必定要試！

Louise Ng 3 個月前

又嚟到御滿屋食放題，呢間算係我哋嘅「定期飯堂」，質素keep得住，今次最緊要為咗貓山王任食🤤 晚市揀Set A，上菜快，收碟勤力。環境以卡位為主，坐得舒服，枱面夠大擺晒食物都唔迫。 刺身有松葉蟹腳、三文魚、油甘魚、帶子、赤蝦，三文魚肥美，帶子厚肉，赤蝦大隻有蝦膏，整體新鮮。 熟食方面，薑蔥炒蟹有鑊氣，蟹肉鮮甜；蒜蓉粉絲蒸扇貝大大隻，粉絲索晒鮮味，忍唔住叫多轉。西京燒比目魚同蒲燒鰻魚都唔錯。 甜品有Movenpick同Haagen-Dazs雪糕任食，仲有馬卡龍、和菓子、木糠布甸，淨係食雪糕都回本。 最後到重點——貓山王榴槤任食！食咗五六嚿，熟度啱啱好，夠香又甘甜，榴槤愛好者嚟到一定唔會蝕💪

Seather 4 個月前

今日收工過咗旺角，同同事去咗一間性價比極高嘅日式放題店，貪佢選擇夠多，可以滿足晒大家嘅胃口。雖然我哋五點開門前已經到，估唔到都幾多人排隊等入位，個場都幾爆吓 呢度收費好親民，$278再加一就可以任食兩個鐘，CP值真係好高！食物種類多到有啲眼花繚亂，除了基本嘅刺身、壽司、手卷、炸物、串燒之外，估唔到連乳鴿、鮑魚都有得任叫，好特別！ ⭐️燒榴槤 一上枱就聞到好香嘅榴槤味！外層燒到微微焦香，入口綿密軟糯，味道幾甜，食落暖笠笠，睇嚟又就快到食榴槤嘅季節啦。 ⭐️雪糕雪條自助區 食完正餐梗係要食甜品！雖然甜品櫃有好多款甜點，但最吸引我嘅都係佢哋嘅雪糕櫃🍦選擇超級豐富，有Häagen-Dazs、Mövenpick、雀巢，仲有幾款韓國品牌嘅雪條

Alex Chan 6 個月前

旺角滿屋放題｜高CP值日式任食，海膽手卷+辣酒花螺超驚喜！ 心心念念想食放題，今次約朋友衝滿屋旺角分店，地點超方便，港鐵站行幾步就到，CP值直接拉滿！ 入到去環境乾淨企理，地面唔痴笠笠，坐得舒適，第一印象已經加分。餐廳多達70幾款食品任揀，刺身、手卷、壽司、串燒、燒物、天婦羅、一品料理應有盡有，仲有馬來西亞烤榴槤自助區，冷熱小食、飲品同甜品選擇超豐富，今餐食到超滿足！ 小食必試柚子醋花海蜇，爽脆開胃，配埋清香柚子醋簡直一流。榴槤控一定要試烤榴槤，香味濃郁，食過返尋味。 放題靈魂當然係刺身，件件厚切、肥美新鮮，赤蝦同三文魚超鮮甜，食完一轉又一轉！今次新增必食亮點：海膽手卷，海膽鮮甜無腥味，紫菜脆卜卜，一口一個超滿足；辣酒煮花螺酒香濃郁，螺肉彈牙入味，越食越上癮；仲有新鮮蒸魚，肉嫩味鮮，清淡又好味。 熟食同炸物都好有水準，個人超推鹽燒牛舌、蒲燒鰻魚、炸天婦羅，香口惹味。今次遺漏咗燒紐西蘭羊鞍同茶碗蒸，下次一定要補食！呢度壽司件件細細件，唔會用飯頂肚，食得多款式。 竹笙瑤柱蟹肉魚翅羹足料濃郁，聽講係人氣之選，下次必試。甜品有Haagen Dazs同Movenpick雪糕任食，食多幾杯即刻回本！仲有放題好少見嘅朱古力噴泉、爆谷機、棉花糖機，大人細路都鍾意。飲品櫃有20幾款選擇，清酒、梅酒、啤酒任飲，放題快樂直接拉滿。 旺角呢間分店交通方便、款式多、水準穩定，海膽手卷、辣酒煮花螺、新鮮蒸魚係今次驚喜，約朋友、帶小朋友都超適合，絕對會回頭再食！