泰廚泰國餐廳

vivian yip 5 個月前

喺花園街行嚟行去，想搵個地方食個一人午餐，最後行到去金魚街嘅泰廚試下。 今次冇叫午市套餐，反而揀咗個泰式無骨海南雞飯，點知仲跟埋一杯特飲（青檸冰）加例湯，價錢竟然仲平過特色午餐，幾有驚喜。 講到食物，真係冇得頂！個飯香而且粒粒分明，雞肉嫩滑又入味，整體非常出色。以呢個價錢有呢個質素，性價比好高，絕對會再嚟。 另外間餐廳係有上下兩層嘅，都算有幾多位㗎。香港地地方真係好窄囉，算係咁㗎啦！

victoriay_eatwithvic 7 個月前

餐廳主打泰國菜，款式多，價錢合理。 🔸泰式炒金邊粉🍝 ~ 豐富的鑊氣，味道甜甜酸酸，金邊粉炒得好乾身。🔸串燒🍢 ~ 肉質嫩滑，配上靈魂秘製醬汁，味道香濃。🔸生菜包🥗 ~ 生菜爽脆，肉碎餡料好惹味。 整體性價比高，串燒好食，正宗泰國風味。

agape agape 63486777 7 個月前

這是位於旺角通菜街的地下鋪 Thai Chef 泰廚，店面裝潢走傳統泰式風格，木質桌椅搭配泰式紋理掛飾，燈光溫暖。 //加$1元可以叫小食(泰式生蝦&泰式海蜇) 新鮮的生蝦搭配青檸、辣椒和特調青醬。酸辣開胃。海蜇口感爽脆，裹上濃郁的泰式醬汁，鹹鮮中帶著微辣，每一口都充滿層次感。

Jessie Kim 8 個月前

一行四人都可以平均100+ 就食飽飽. 好抵食~ 泰式孖寶（$198） 海南雞半隻：每一件海南雞都相當大件，雞皮彈牙，雞肉滑嫩，高質的泰式海南雞。 明爐烏頭：湯頭開胃，加入肉碎香口，新鮮無泥味。店家直接批發新鮮食材，所以食得出新鮮~ 二人餐（$188）=> 包了主食兩份、配飯及飲品。 泰式燒豬頸肉：選用最嫩部位，豬肉彈牙，搭配酸辣汁，相當惹味。 泰式鳳爪沙律：無骨開邊的鳳爪十隻，酸甜開胃，搭配沙律，食得過癮 加$5升級為油飯，一定要加!!! ，香料味道突出，能品嘗到香茅與班蘭葉的香氣~ 滿額加$1 泰式海蜇：海蜇口感彈牙，味道帶有檸檬香及酸辣的青醬，十分清爽。 滿額加$1 泰式生蝦：每份含四隻，生蝦晶瑩剔透，性價比高。

香港HK大口妹日常 9 個月前

😱我記得好多年前同老公去過呢間泰國菜食嘢，因為地理非常方便，旺角火車站天橋一落嚟通菜街就已經到，久唔久要食啲泰國嘢真係要揀呢間，以前佢門口會有串燒燒㗎，而家好耐之前裝修咗串燒都係入邊燒，但個味道一樣keep得咁好！ ▫️▫️▫️▫️▫️▫️▫️▫️▫️▫️▫️▫️▫️▫️ 🍲冬陰海鮮湯 最值得推介係佢嘅海鮮冬陰功湯，超級濃郁，而且一啲都唔孤寒，一煲都有好多海鮮 ，一個份量夠晒兩個人飲，少少辣，但一定唔會搶口，味道濃郁到真係想飲多幾碗，入邊香茅亦都好香濃，仲有蘑菇配菜香草全部都令到煲湯非常好飲！真係要值得推介5🌟🌟🌟🌟🌟 勁抵食嘅加購一元菜式 🍮泰式椰汁糕: 都有四個份量，傳統嘅泰國甜品，正 🦐泰式生蝦: 好抵食，有4隻生蝦，傳統泰式嘅生蝦超好食！鍾意食泰國菜嘅必叫！ 好抵食嘅泰式孖寶餐 $388 🦀咖喱軟殼蟹: 軟殼蟹有兩三隻份量都唔少，每次嚟都會叫呢個咖喱軟殼蟹，濃濃嘅咖喱煮咗蔥香料蛋再加炸咗嘅軟殼蟹，燴飯真係一流，真係可以食三碗飯！🍚🍚🍚 🦑泰式燒尤魚: 最估唔到更出色係燒魷魚，即叫即燒雖然要等，但真係燒得好出色，唔乾之外濃濃嘅魷魚味好有咬口彈牙，再加埋泰式醬very good！ 🍢燒和牛串，燒豬串，燒雞串 串燒一定必叫，因為每串都好大嚿，而且佢嘅沙嗲醬好出色👍🏼 ▫️▫️▫️▫️▫️▫️▫️▫️▫️▫️▫️ 📌 必點餐廳主力推介食物（四選一） - 串燒 - 海南雞 - 炭燒豬頸肉 - 泰式炒白貝(炒蜆) 📌 必須要點其中一款「一元菜式」（四選一） 凡惠顧小菜滿$200可任選一款［下午六時前］ 凡惠顧小菜滿$300可任選一款［下午六時後］ 即可以一元優惠價加購精選小菜 - 泰式生蝦 - 泰式海蜇 - 泰式椰汁糕 - 泰式木瓜沙律 ===========