泰國婆 (觀塘店)

Goo Magic 1 個月前

鳳爪沙律～唔係每隻鳳爪都有味，可能撈唔勻，有一半無乜味，不過勝咗多數都完整，唔會碎濕濕 牛船河～賣相靚，大大碗，牛肉份量算多，炸豬皮出色，河粉可以，不過湯底偏甜，好似椰奶味咗啲，個人口味覺得麻麻地 枱與枱之間非常近，坐得一般舒服 侍應好幫忙，服務態度好，讚👍🏻

michelle ko 2 個月前

食物種類選擇多、味道也很正宗！熱辣辣菠蘿炒飯、魷魚彈牙、酸辣鳳爪好清新、泰式檸茶也值得一試👍

hksum ha 5 個月前

約咗朋友嚟觀塘覓食，呢間泰國菜真係超驚喜，由前菜到甜品都好有水準 🥙🦐泰式柚子鮮蝦沙律 $88 柚子粒粒爆汁，酸甜清爽到爆，配上彈牙鮮蝦，口感層次好豐富，好開胃 🐔半隻海南雞 $118 雞肉嫩滑，雞皮油香但完全唔覺膩，配埋微酸微甜嘅醬汁，味道更加提升，簡單但好有滿足感 🦐泰式冬陰功湯 $98 酸辣濃郁，香料味層層爆發，湯底夠濃厚又唔死鹹，暖胃又醒神，越飲越上癮！ 🦐鳳尾蝦炒金邊粉 $88 炒得有鑊氣，金邊粉煙韌帶彈性，每條都掛滿醬汁，蝦肉爽口鮮甜，鹹香中帶微甜 🍍菠蘿海鮮炒飯 $88 飯粒粒分明乾爽唔油膩，帶菠蘿香加埋海鮮鮮味，甜同鹹完美平衡 🥥🌽🍨泰式街頭椰子粟米雪糕 $58 椰子味超濃郁，雪糕綿滑細膩，配上香甜粟米增加口感，冰凍又creamy 🍧泰式菠蘿沙冰 $38 菠蘿酸甜清爽，冰涼解渴，食泰菜再飲一杯，超級解膩！

Bearbear Food 5 個月前

好耐無食過泰國菜，搵到間係商場入面既方便又有特色嘅泰國菜😌好彩早去到，食飯時間即刻排長龍🫣非常受歡迎 ✅ 泰式燒鮮魷魚 鮮魷魚即燒即上，外層帶焦香，彈牙有口感唔會韌🦑配上泰式酸辣醬，好開胃🤤 ✅ 泰式鳳爪沙律 泰式鳳爪帶少少辣味，重點係無骨鳳爪特別正🤣沙律味道酸辣清新🥗 ✅ 泰式海南雞飯 雞肉滑嫩多汁，雞皮油脂適中不覺肥膩，飯粒帶淡淡雞油香同香葉味🐔 ✅ 太陽蛋炒香葉肉碎飯 香葉肉碎炒得好惹味，撈飯一流😍勁好味😋另外仲有隻燶邊太陽蛋，真係啱啱好👍🏻雞蛋拌埋飯同肉碎一齊食，非常滿足 ✅ 菠蘿梳打 菠蘿梳打味道清爽，配濃味嘢食啱啱好

Hgi Lmhgi 7 個月前

最近同朋友約咗去觀塘apm嘅泰國婆食飯，成間舖頭都坐晒人，仲要等咗十幾分鐘先有位，真係好多人氣！感覺好似返咗泰國街頭食飯咁熱鬧。 太陽蛋炒香葉肉碎飯（辣）：肉碎炒得好香，香葉味好濃，太陽蛋煎到邊脆黃黃，戳開個蛋黃流出嚟撈飯，超邪惡超下飯。辣度啱啱好，份量都夠一個人食飽。