Gali

et le 6 個月前

味道依然非常好，奶油咖哩有蕃茄底好好味，香料咖哩也不錯。炸魚略為偏鹹，雞有點柴。飯有點煮過頭，咖哩應是翻熱的，飯和咖哩都有點冷熱分佈不平均。除這些以外，超值好味。留意只收現金。

Temp Ng 9 個月前

［觀塘駿業里：Gali ］ 地址：駿業里6號富利工業大廈14樓B號舖 今日爸爸話想食咖哩， 同事介紹就試下。 香料咖哩牛舌配白飯（$68）加甘蔗馬碲汁 牛舌厚切， 好焾， 份量都有5-6塊， 香草味重， 微辣， 配飯一流。 奶油咖哩雞（$68），改配奶油烤餅（+15）, 個烤餅配上奶油咖哩， 適合香港人口味， 烤餅食到香濃奶油味， 好食。 雞件大件，味道可以。飲品係印度式牛乳酪， 都幾獨特。 環境裝修好民族色彩， 坐得舒服！ 💕整體分數4/5 💟環境可以夠闊，坐得舒服4️⃣分 💟食物質素4️⃣分 💟服務態度3️⃣分 #hkfoodie#二人夫妻午餐#馬來西亞印度餐

Jane 11 個月前

觀塘工業區有間超扺食又充滿印度風情的咖喱小店 平日晚市人流旺場 小店主打3款咖喱料理 有肉又有素食選擇 咖喱套餐包飯/烤餅+飲品 價錢$100左右就食到 超抵食！ 怕辣的朋友可以點奶油咖喱 醬汁香滑濃郁夠creamy 雞肉份量多 配上蒜蓉烤餅超好食 外脆內軟 香料咖喱相對上比較開胃 牛舌炆得夠腍 印度巨型咖喱角 外皮超酥脆 餡料飽滿 香料味道勁香 配酸辣醬/乳酪醬 飲品方面 第一次飲印度香料奶茶 味道比較特別芒果乳酪味道清新 口感好smooth

bb ballball 11 個月前

呢間餐廳環境可以望到山景，感覺好chill同開揚，我地叫左一份咖喱牛腩配薄餅，薄餅沾上咖喱汁都幾香口，咖喱比較甜身唔會好辣，呢度係食印度菜，餐廳位於工廈上面所以價錢比較抵食。 菠菜羊腩飯，呢個係用左印度香料去煮特製醬汁，菠菜汁比較健康，飯既份量都幾大碟。 QR code落單方便，飲品印度拉茶飲落好濃郁地道香料奶茶味，比較特别。

T shan 11 個月前

我地一家都鐘意食咖哩，行街發掘左呢間樓上印度咖哩店，入到去原來超多人食野，晚市睇黎都受歡迎，決定入座試下！ 叫左兩個印度咖哩餐，第一款叫左香料咖哩羊配白飯，套餐仲包括仙草清涼爽，呢款咖哩適合食得辣人士，雖然辣但好好食，又惹味又大份，羊肉都好有口感，只係會有少少骨，但味道真係好好又正宗，絕唔係求其整既咖哩。😊 第二款係奶油咖哩雞配奶油烤餅，飲品包埋甘蔗馬蹄汁，奶油咖哩就比香料咖哩少辣一點，香料咖哩會辣啲，奶油咖哩會更適合小朋友，加左奶油係面感覺更好食，我比較推薦呢款，因為覺得好岩我食，配以奶油烤餅，餅底口感都非常好，脆脆地又唔會過脆太熱氣，食上癮了。 小食有炸乳酪波，粒粒乳酪變身香脆可口炸物，，第一次食都覺得好好食，因為我又鐘意食乳酪，粒粒香脆可口，而且有酸醬任沾更可口。 另外有印度烤雞，雞上滲有香料，配以酸醬好夾，一定食到飽，雞肉唔會鞋，口感都係我喜歡的口感。 小朋友有一杯芒果乳酪都非常好飲，芒果果香太香濃，列入以後黎觀塘必試既餐廳之一!😊😋