Thai Tasty

Louis Lee 2 個月前

一大班人最好食泰國菜，前菜是木瓜沙律，鮮味得來又有點點辣，味道有趣，之後來了半打串燒，雞肉豬肉牛肉各兩串，炭火味十足。之後，烤豬頸肉就來到了，味道竟然有點像叉燒，是香甜的。冬蔭功湯味道香濃，是有明爐爐火保暖的，食得出香料豐富，而且椰漿令質地更加幼滑，湯中亦有很多海鮮，算是十分抵食 主菜方面，有原個菠蘿炒飯，菠蘿肉是新鮮的，並非罐頭，更配上肉鬆和腰果，口感和味道更加有趣，菠蘿的酸甜剛剛平衡了炒飯的油膩感覺。另一個煮食是軟殼蟹農夫包，咖喱是另上的，軟殼蟹外脆內軟，咖哩有小小甜味，和農夫包十分配搭。小食拼盤有四款小食，最好味道的是魚餅 醉貓炒粉有泰國的味道，每一口的炒粉也有配菜，蔬菜的鮮味加上鑊氣，就是正宗泰國味道。這是全晚最推薦的菜式 這裡的蔬菜也有驚喜，叫了蒜蓉炒椰菜苗，椰菜苗沒有苦，證明調味落過心機。另外，是馬拉盞通菜，調味剛剛好，沒有搶走菜味，下次來這裡可以試更加多蔬菜 這間泰國菜餐廳，每道菜都有自己獨特的味道，並不像市面一般泰國餐廳，不同菜式有共同味道，所以這間餐廳值得再三光顧

Tiffany Fung 2 個月前

/ 成晚最鍾意嘅一定要數到「明爐魚」，魚肉好新鮮滑溜，個湯底係泰式冬蔭功味，酸酸辣辣非常開胃，完全係白飯殺手！🍚 之後仲試咗泰式金柚蝦沙律，柚子甜甜地夾埋大隻蝦，口感好清爽，好啱夏天食。☀️ 另外呢幾樣都係誠意之作： 🔥 醉貓炒河（豬肉）：鑊氣十足，香辣惹味，夠晒過癮！ 🐷 無骨豬脾煲：燉到好淋好入味，送飯一流。 🍹 泰式凍奶茶：夠晒濃郁，泰式奶茶控必叫！ 🥥 椰青糕：食完嘢嚟返件涼浸浸嘅甜品，完美收尾。 同朋友食泰菜真係最開心，呢餐整體質素好高，無論係環境定味道都值得再嚟！下次要帶多幾個朋友嚟試多幾款小食。🤤

Wing 3 個月前

每次去觀塘都會嗌佢嘅燒豬頸肉飯食 ($64) 豬頸肉香口、調味適中、唔會太韌 酸辣汁非常醒胃！ 份量適中，食完8成飽 (可以揀少飯) 週末中午嚟幾乎可以包場… 希望多啲人可以試下呢間餐廳 🙌🏻 note: 餐廳唔接受八達通支付

Wing Yan 4 個月前

喺觀塘工廈嘅泰菜小店，四選一有半價優惠，而且份量十足，抵食之選🫶 🔸泰式明爐烏頭 $109 半價後好抵食！上枱時用明爐仔滾住，熱辣辣！魚肉滑溜，粉絲吸咗加咗好多香茅同青檸湯底，酸酸辣辣，非常開胃🐟 🔸咖喱軟殼蟹火山包 $188 一大碗香濃嘅黃咖喱另上，完全唔怕咖喱浸喺火山包到令包淋晒，外脆內軟嘅麵包上放咗酥脆嘅軟殼蟹，包點埋黃咖喱非常惹味🦀 🔸泰北即燒豬頸肉生菜包$98 豬頸肉即叫即燒，外面微焦肉質軟腍，用新鮮爽口生菜包🥬包住，用爽脆嘅生菜包住，再加埋特製嘅泰北酸辣醬汁，一啲都唔油膩！🐷 🔸曼谷蟹肉奄列 $148 嚟到嘅時候見到份量超大！2個人完全食唔晒，煎到金黃色嘅奄列非常厚身，內裡又唔會乾，奄列面仲有份量豐富的蟹肉🦀 🔸芒果沙冰 $48 食泰國嘢點少得芒果沙冰🍧，芒果味好濃郁，而且綿密幼滑，飲杯沙冰即刻解膩🥭

穎琪 6 個月前

必叫原塊燒豬頸肉$88 皮薄餡靚！咖喱軟殼蟹火山包$188 呢個每一枱都差唔多有叫～ 芒果糯米飯大推～軟腍腍嘅口感 配埋椰汁芒果 作為一餐嘅收尾真係好啱！ 冬陰功蝦炒飯 半打泰式串燒都正常發揮⭐️👏🏻 餐廳裝修有啲似入咗泰國道地小店嘅感覺 而且Menu上邊全部都配有泰文 真係有少少去咗泰國旅行嘅感覺🇹🇭🇹🇭🔥