泰聚 Thai Gather Restaurant

YUEN Wing Shan 1 個月前

整體食物質素唔錯，值得一試！ 蒜蓉法包 🥖 法包烤到夠脆口，蒜蓉牛油香濃得嚟又唔會覺得好油膩。 香茅單骨雞翼 🍗 單骨設計唔洗撕嚟撕去，炸到金黃酥脆，肉汁完全鎖住。 柚子大蝦沙律 🥗🦐 大蝦爽口彈牙，柚子肉肉質飽滿、酸酸甜甜，配埋泰式酸辣汁，開胃解膩。 泰式海南雞 🐔 雞皮滑溜，肉質嫩滑完全唔柴。蘸埋特製嘅泰式辣汁，微辣酸香！ 蒜蓉炒通菜 🥦 通菜炒得爽脆，蒜蓉味濃郁。

yeuk shuen Fung 2 個月前

之前睇IG見到好多人推介太子「泰聚」，即刻忍唔住拉埋姊妹們去陪我食！佢哋嘅主食大份又好味，水果沙冰超級凍冰冰，飲完即刻消暑、解渴又降溫，仲要好適合打卡。餐廳提供Openrice訂座優惠及20:00後入座即可享有85折優惠，即刻更加高CP值！ *此餐廳收取全單10%服務費。 咖喱軟殼蟹（單點$198），每一件軟殼蟹都好大件，炸得金黃酥脆，味道鮮甜，配以泰式黃咖喱醬食用，味道濃郁，配料包括有馬鈴薯、彩椒、洋蔥、紅蘿蔔、椰菜、生菜。 泰式燒豬頸肉（單點$128），表面鋪有芫荽，燶邊豬頸肉口感爽彈，食落帶有焦香味道，配以泰式酸辣醬食用，食落好惹味。 泰式香葉肉碎炒飯（單點$108），兩隻煎熟蛋食落蛋香味濃，炒飯炒得粒粒分明，內有肉碎、辣椒、豆角、香蔥，會越食越辣，配料包括有番茄、青瓜。 醉貓炒河（單點$108），寬河粉口感爽滑，食落好惹味，配料包括有肉碎、豆角、彩椒、車厘茄、生菜。 原個西瓜沙冰（單點$78），表面鋪有涼粉條，採用原個西瓜製作，100%原汁原味，味道清甜。 凍泰式奶茶（單點$28），茶味濃厚，甜度適中。

黃怪獸覓食Yellow Monster 2 個月前

之前食過一次覺得好正，今次一於帶埋朋友仔嚟試埋其他菜式！呢度環境裝修得幾優雅，燈光柔和，好啱三五知己一齊吹水、Chill下聚會聚會。🥂 ​🍱 串燒拼盤（半打）$138 我哋揀咗豬、牛、雞混合，全部都係新鮮即叫即燒！一上枱已經聞到好香炭烤味，肉質保持到肉汁唔會乾。最正係配埋個秘製沙嗲醬，惹味香濃，帶微甜花生香，真心推介！ ​🐔 海南雞（半隻）$178 海南雞賣相好吸引，皮薄肉嫩，肥瘦比例啱啱好。咬落去啖啖肉，而且好有雞味，就算唔蘸醬都已經好夠夾，點埋跟餐嘅醬汁就更加提味。 ​🥬 泰式肉碎生菜包 $148 食泰菜必點！肉碎炒得夠鑊氣，鹹鹹辣辣非常惹味，香草同香料味好突出。包埋爽脆清甜嘅生菜一齊食，一冷一熱，層次感十足，極度開胃！ ​🥭 三色香芒糯米飯 $88 賣相超吸睛嘅三色糯米飯，口感煙韌得嚟帶點椰香。配埋超甜、多汁嘅鮮芒果，再淋上濃郁嘅椰漿，作為甜品劃上完美句號。 ​🍈 原個蜜瓜沙冰 $78 賣相簡直係「打卡一流」！用原個蜜瓜裝住滿滿嘅沙冰，造型超可愛。飲落去係純天然嘅蜜瓜清甜，非常真材實料，大熱天時飲一啖即刻爽晒，透心涼！ ​💡 小Tips：記住提早網上訂座呀，除咗有9折優惠之外，仲可以賺埋Rice Dollars，抵上加抵！

勞蘇食Lotsoeat 3 個月前

[勞蘇食]泰國風味滿滿🇹🇭 @thaigather_restaurant #泰國菜 #泰聚，位於太子，裝修幾雅致，幾有氣氛🎉選擇好多，各種泰式餐廳會有既菜式都齊，價錢都算相宜😌飲返個椰青，好鮮甜好多椰肉，泰國象啤，真泰國版，爽🍻 飛天通菜，好大碟好香，炒得好入味好惹味👍🏻馬拉盞味濃，食得幾爽，泰式海南雞半隻，擺盤好靚，雞肉好嫩滑，肉汁仲好夠😘肉質都好彈，加埋個辣汁好好味，非常高質既泰式海南雞🇹🇭 泰式海鮮濕炒河，賣相好靚，份量好多，海鮮量都好多🥳蝦都幾鮮爽，魷魚超彈牙，青口入味，河粉濕得黎唔爛，加埋汁幾正👍🏻串燒拼盤，雞肉超厚肉，又嫩滑，牛肉好濃味，肉質都唔錯😆豬肉串燒最正，肉嫩多汁🫶🏻串燒好味 整體都好高質泰菜，泰國風味滿滿🇹🇭性價比高🫰🏻依家op 訂座有優惠，8:00pm後入座85折優惠添，鍾意泰菜既要試下！❣️ #太子美食 #泰國餐廳 #泰菜

N Chan96 3 個月前

今晚同朋友去咗太子呢間「泰聚」聚餐。一入到去覺得環境幾舒適闊落，而且嘢食選擇非常多，價錢合理，我地喺openrice book位仲有優惠添！見到8:00入座仲有85折，抵上加抵👍🏻。最驚喜係嘢食份量好足，四個人叫到滿滿一桌，整體味道非常不錯，用料夠誠意，大家都食得非常滿足，絕對係大班朋友聚會嘅高性價比首選！🔥😍 【椰子雞湯(小)🍲】 上枱就聞到好香椰奶味，湯底醇厚鮮甜，入口完全唔辣，啖啖都有陣陣清香嘅椰味，湯清爽得嚟好開胃，雞肉滑嫩，入面仲有好多菇菌吸滿湯汁，好啱做開胃前菜。 【咖喱軟殼蟹🦀】 賣相超級吸睛！軟殼蟹炸得金黃酥脆，裹滿咗濃郁嘅泰式黃咖喱醬。最正係入面仲有啲煎香咗嘅薯仔，食落外脆內綿，吸晒咖喱嘅香濃惹味，層次感十足，極度驚喜！ 【泰式炒蜆🐚】 蜆肉好大隻又厚肉，而且完全無沙。鮮甜嘅蜆肉炒得非常入味，黃咖喱醬汁緊緊包裹住每隻蜆，入口帶點微辣，鮮味十足，單食都覺得好惹味。 【明爐魚 (盲曹) 🐟】 用鐵魚盤熱辣辣上枱，魚上面鋪滿生菜、青蔥、絲瓜、胡蘿蔔絲同粉絲。最特別係湯底加咗肉碎，當肉碎同埋滑嫩嘅魚肉一齊食嘅時候，口感好豐富，而且魚肉顯得特別鮮甜，熱湯越滾越出味，酸甜香辣開胃。 【泰式肉碎生菜包🌶️】 肉碎炒得乾身香口，伴隨香草同辣椒嘅香氣。包埋爽脆嘅生菜一齊食，食落好香辣惹味，辣度啱啱好，非常之好食，好食到停唔到口。 【泰式香葉肉碎炒飯🍳🍛】 炒飯炒得粒粒分明，鑊氣十足！帶有淡淡嘅香葉幽香，上面仲放咗一隻邊緣煎到金黃酥脆嘅荷包蛋，拮穿蛋黃撈飯食，口感濕潤香濃。 【泰式炒金邊粉🥢】 用精緻嘅蛋網包裹住金邊粉，賣相超精緻。旁邊配有花生碎、辣椒粉同青檸，食之前榨少少青檸汁拌勻花生碎，食落酸甜煙韌，口感好豐富。 【飛天通菜 (馬拉盞) 🥬】 通菜炒得熱辣辣，食落非常爽脆。馬拉盞嘅鹹香同微辣完全滲透入菜葉入面，火候十足，鑊氣夠，必點之選！ 【三色香芒糯米飯🥭】 賣相好靚，芒果切得整齊，色澤金黃！三色糯米飯淋上濃郁嘅椰漿，灑滿芝麻。糯米飯口感煙糯軟熟，配埋清甜無絲嘅芒果一齊食，酸甜交織，椰香四溢，口感非常豐富！ 【椰汁西米糕 (四件)🥥】 每件西米糕都用斑蘭葉包得好精緻，頂層雪白滑溜，上面點綴咗玉米粒。入口椰漿層口感綿密香濃，底層西米煙韌爽口，層次分明，甜而不膩！ 【椰青🥤】 原個椰青上枱，椰子水好清甜，而且果肉都好滑。夏天食完重口味、香辣嘅泰菜，飲啖即刻消暑解膩。 【百香果冰】 酸酸甜甜，帶有濃郁嘅百香果香氣，杯底仲有粒粒百香果籽，飲落去好有驚喜，非常爽口。🍹