泰斗 Thai Master

Ninghing Mak 1 個月前

今次去食泰菜，整體真心有驚喜，菜式賣相精緻，味道又夠泰式風味。最推薦泰式蟹肉蟹膏炒蛋配薄餅，炒蛋滑溜香濃，蟹肉鮮甜，將蟹膏同蛋撈勻再放上薄餅食，口感層次好豐富。鐵板蠔仔蛋熱辣辣上枱，蠔仔份量足，蛋香濃郁又唔會太油。沙嗲豬串燒得香口，肉質嫩滑，沙嗲醬惹味。蝦醬炒飯鹹香夠鑊氣，炒椰菜苗爽脆清甜，剛好平衡返成餐。甜品揀咗西米糕同千層糕，口感煙韌；椰汁沙冰清甜透心涼，配凍奶茶一流。兩個人埋單約一千蚊，環境舒服、服務細心，適合慶祝或約會。

Foodie Fatfat.Foodie 3 個月前

尖沙咀高質優雅泰菜🇹🇭 今日同朋友經過尖沙咀，想試下呢間「泰斗」。一入到去，餐廳環境裝修得好優雅，配上好有特色嘅泰式燈飾，燈光柔和得嚟好有情調。呢度仲設有室內同室外座位，成個氣氛好 chill、好有 feel，非常適合朋友聚會或者拍拖。 餐牌選擇都幾多，我哋點咗幾款人氣招牌菜、小食同嘢飲。 泰式啖啖蟹肉蟹膏炒蛋配薄餅🦀 $268 呢道菜真係誠意十足！炒蛋炒得非常香滑，裡面真係佈滿咗啖啖鮮美嘅蟹肉同濃郁嘅蟹膏，每食一口都充滿海鮮嘅甘香。配埋烘到熱辣辣、外層酥脆嘅薄餅一齊食，將炒蛋放上薄餅度，口感層次極其豐富。 牛奶烤豬肉（2串）🐷 $38 豬肉串燒烤得啱啱好，表面帶點微微嘅焦香。因為用咗牛奶去醃製，肉質特別軟蔞、嫩滑多汁，完全唔會乾柴。 馬莎文咖哩牛坑腩配薄餅🍛 $188 馬莎文咖哩味道醇厚，香料味濃郁得嚟帶點微甜，層次好深。裡面嘅牛坑腩燜到非常軟襤入味，近乎入口即化，仲吸飽咗咖哩嘅精華。用外脆內軟嘅薄餅點埋香濃嘅咖哩汁一齊食，簡直係絕配。 飛天通菜🥬 $98 呢道泰式經典炒菜非常有鑊氣！通菜保持到爽脆嘅翠綠口感，加入咗鹹香嘅豆醬、蒜頭同辣椒快炒，調味恰到好處。 泰式蝦肉炒金邊粉🦐 $128 金邊粉炒得粒粒分明，濕潤度剛好，唔會黏作一團。味道酸酸甜甜，非常開胃。配料有大隻又爽口彈牙嘅鮮蝦，仲有點綴嘅花生碎同豆芽，將所有材料拌勻一齊食，口感爽脆，極具地道泰式風味。 椰汁沙冰🥥 $68 沙冰打得非常幼滑，入口綿密。一飲落去就感受到超級濃郁嘅椰奶香氣，清甜而不膩，冰涼透心。 Refresh🍹 $88 呢杯特飲正如其名，非常清新！有荔枝、青瓜等，飲落口酸酸甜甜，充滿果香嘅清爽感，氣泡感好足，可以完美中和泰菜嘅濃郁同油膩感，飲完真係成個人 refresh 晒。 整體嚟講，今次喺「泰斗」嘅用餐體驗真係好滿意。餐廳環境優雅有情調，無論係坐室內定室外都咁舒服。嘢食水準好高，味道正宗得嚟層次豐富，下次想食泰菜一定會再嚟！ 🌟推薦指數：7.5/10
💰人均消費：$480
📍地點位置：尖沙咀海防道38-40號中達大廈4樓

Fit Lady Cindy 3 個月前

泰斗食過幾次，除咗覺得好好味，仲要選擇勁多，多到我冇影晒本menu🤣要2個人去試晒d菜式，應該食幾十次😆 我哋嗰幾款嘢食都好好食，尤其燒牛肉，d肉又淋又有濃濃嘅牛肉味；淡淡蟹肉蟹膏炒蛋最啱好鍾意食蟹肉嘅我，我會好掛住佢😍；胡椒炒蜆好特別，唔食得辣嘅朋友可以揀佢，胡椒好香，蜆夠大隻肥美；牛奶烤豬肉串幾香口，有d似極厚豬肉乾，軟淋質地😋😋😋；北海道帶子芒果沙律正常演出，爽口清新！ 佢嘅沙冰，大過2個拳頭，夏天飲得好爽呀！ I'll be back👍🏻

Life Food 5 個月前

尖沙嘴樓上驚喜泰式餐廳✨環境有feel爆曬人😳 呢間泰菜雖然價錢偏貴少少，但整體質素真係唔錯，尤其係幾道主菜都好有驚喜！食完之後覺得對得住個價錢。💸😋 必點推介！ • 泰式牛炒河 (轉泰色寬粉) 🍜 強烈建議大家轉寬粉！口感超級彈牙，完全索晒炒河嘅鑊氣同醬汁味，牛肉亦都好嫩滑，比起平時嘅河粉更有驚喜！ • 炭燒豬頸肉 🐷 泰菜必點！炭香味十足，外皮燒到脆脆地，入面保持肉汁，點埋特製泰式酸辣汁真係好惹味，係會令人食唔停口🥹 • 海鮮菠蘿炒飯 🍍 一上枱個樣已經好吸睛！誠意十足，入面海鮮份量好多，每一啖都食到料。飯粒炒得乾身，加埋肉鬆同腰果增加口感，正！ 🍹 沙冰系列 • 奇異果沙冰 (驚喜推介 🥝) 呢杯真係驚喜之作！平時好怕太甜嘅飲品，但呢杯甜度適中，飲落好清新、好特別，反而仲正過芒果。 • 芒果沙冰 🥭 相比之下芒果就比較普通，係平時飲到嗰種味道，不過勝在可以豪飲解暑，冇特別驚艷但都合格。 💡 總結 雖然價位屬於中上，但勝在食材新鮮、份量足，特別係寬粉同奇異果沙冰一定要試！ 推薦度：⭐⭐⭐⭐（4/5） 📍泰斗 (中達大廈) (尖沙咀) 尖沙咀海防道38-40號中達大廈4樓

wenther_foodie 9 個月前

呢間泰國嘢本身係同事去開，因為佢哋中意睇九龍公園觀鳥，咁啱呢間餐廳就係隔離，而且佢裏面啲嘢食超大碟又好食。 🔷啖啖蟹肉蟹膏炒蛋飯 $88 蟹肉同蟹膏都勁多，再加埋炒蛋簡直係邪惡🤩本身以為佢係炒飯，點知原來係一餸飯，但都超好食😋啖啖蟹肉再加埋蟹膏撈飯，唔太膩又惹味，正🤤 🔷啖啖黑松露蟹肉炒飯 $88 黑松露味大到未上枱已經聞到😌勁大碟，share咗1/4俾同事，都仲食到好飽。一大pat黑松露係面，完全唔孤寒，蟹肉雖然整得好碎，但都仲係好有口感🤤 🔷泰式雞肉炒金邊粉 $72 金邊粉同樣好大碟，不過佢似用茄膏炒，有啲似西炒飯嘅味道，又炒得乾身，但整體上都唔錯。 🔷泰斗招牌牛船河 $80 船河好大碗，湯底好濃，都值得一叫。 🔷泰斗咖喱海鮮扁意粉 $88 我覺得呢個幾特別，有同事叫咗呢個fusion菜咖喱海鮮扁意粉，佢真係咖喱味幾重辣辣地，但食落嘅味，下次如果再去嘅話我都會想試。